სუნამო, რომელიც წონის დაკლებაში დაგეხმარებათ

ფრანგულმა პარფიუმის სახლმა Robertet-მა მსოფლიოში პირველი სუნამო წარმოადგინა, რომელიც წონის დაკლებაში დაგეხმარებათ. მისი სახელწოდებაა Prends-moi.

სუნამოს შემქმნელები აცხადებენ, რომ სასიამოვნო სურნელის მქონე Prends-moi შეიცავს ისეთ ინგრედიენტებს, რომლებიც ადამიანის კანში B-ენდორფინების წარმოქმნას უწყობს ხელს, რის შედეგადაც ტვინს "სიამოვნების მესიჯი" გადაეცემა. საბოლოოდ, ადამიანის განწყობა მაღლდება, მადა კი უქვეითდება.

"გასახდომი კომპლექსი" კოფეინის, კარნიტინისა და სპირულინას ნაზავია. ის ორ მთავარ ფერმენტს ააქტიურებს, რომლებიც უშუალოდ ჩართულნი არიან ლიპოლიზმის (ჭარბი წონის დაქვეითება) პროცესში.

სუნამოს სურნელი ბერგამოტის, მანდარინისა და გრეიფრუტის სურნელს აერთიანებს. Prends-moi-ს სურნელი იმ მანდილოსნებს მიიზიდავს, რომელთაც ზაფხულის არომატები მოსწონთ.

Prends-moi მხოლოდ 6 000 ეგზემპლარია. თუ იმ ფაქტს გავითვალისწინებთ, რომ მსოფლიოში უამრავი ჭარბწონიანი ადამიანი ცხოვრობს, რომლებსაც წონაში დაკლება სურთ, მათი უმრავლესობა სუნამოს ყიდვას ვერ შეძლებს.

მომზადებულია dailymail.co.uk-ის მიხედვით.