X
  • "სანთლებით არ დავდივარ და ფლირტი რომ აქვთ, ფაქტია" - რას ამბობს სტეფანე გიორგი გაბუნიასა და სოფო ნიჟარაძის ურთიერთობაზე

    მუსიკოსი და პროდუსერი სტეფანე მღებრიშვილი "იქს ფაქტორის" გამოცდილი მენტორია. ამ სეზონზე ნაკლებად გაუმართლა და პროექტში გამარჯვებისთვის პირველივე ლაივ-კონცერტიდან ერთი ბენდით იბრძვის. მისი გუნდი "mix2ra" საზოგადოების დიდი სიყვარულით სარგებლობს, თუმცა გასულ კვირას ისინი აუტსაიდერებში მოხვდნენ. ბენდს საბოლოოდ გაუმართლა და პროექტი მაგდა ვასაძემ დატოვა.

    - სტეფანე, ელოდით თქვენი გუნდის აუტსაიდერებში მოხვედრას?
    - ვერ ვიტყვი, რომ ჩემი ბენდის აუტსაიდერებში მოხვედრას არ ველოდი, ამ პროექტში ყველაფერი ხდება და ამასაც ველოდი, ამიტომ - ვთხოვ საზოგადოებას ძალიან გააქტიურდეს და მხარი დაუჭიროს საკუთარ რჩეულს. "mix2ra" ეს არის ბენდი, რომელიც ლაივში უკრავს, ყველა ინსტრუმენტი და ხმა, რომელიც გესმით, არის ცოცხალი და ამის გახმოვანება გმირობის ტოლფასია.

    - როგორ ფიქრობთ, ამ გადმოსახედიდან გამარჯვების რა შანსები გაქვთ?
    - კაცმა არ იცის, რა როგორ შემობრუნდება. ამიტომ ყველაფერი დასაშვებია.

    - როგორ ფიქრობთ, რითი განსხვავდება წლევანდელი "X ფაქტორი" თუნდაც შარშანდელისგან?
    - ეს სეზონი ჟანრობრივად უფრო მრავალფეროვანია, ძალიან ბევრმა კარგმა და ძლიერმა კონკურსანტმა დატოვა პროექტი. თუნდაც ჩემთან ან სხვა კატეგორიაში. ჩემთვის "X ფაქტორი" ძალიან ბევრს ნიშნავს, პირველ რიგში იმიტომ, რომ ადამიანები, რომლებიც ამ შოუს აკეთებენ, პროფესიონალები არიან და ასეთ ხალხთან მუშაობა არის ძალიან დიდი გამოცდილება, საინტერესოა, ჩვენი გემოვნება ემთხვევა ერთმანეთს და ა.შ. ეს არის არხის ყველაზე რეიტინგული შოუ.

    - წელს პირველად არის ჟიურიში ლელა წურწუმია, როგორ ფიქრობთ, რა შემატა მან შოუს?
    - ლელა არის წლების განმავლობაში აქტიური ვარსკვლავი, მას აქვს ჩამოყალიბებული იმიჯი. ამ კონკურსში ლელა წარმოდგენილი არის საკუთარი იმიჯით, რომელიც ამავდროულად წლების განმავლობაში დაგროვილი გამოცდილებაც არის.

    - ბოლოს გკითხავთ, თქვენი და გიორგი გაბუნიას "დაპირისპირებაზე", რომელიც წლებია არ კარგავს აქტუალურობას. რას გვეტყვით გიორგიზე?
    - რა უნდა ვთქვა, ძალიან მიყვარს. ჩემი მეგობარია. დადებითი ემოციით ვივსები მასთან კონტაქტით.

    - გავრცელდა ინფორმაცია, რომ მას და სოფო ნიჟარაძეს ფლირტი აქვთ...
    - კი, ფლირტი აქვთ.

    - ანუ, ადასტურებთ ამ ამბავს?
    - სანთლებით არ დავდივარ და ფლირტი რომ აქვთ, ფაქტია.
    წყარო: ambebi.ge
    1 295 ნახვა
    17-06-2017, 12:22
    GOGATV