"ადამიანს ღმერთის ხმის გაგონება მოუნდა..."–დამაფიქრებელი იგავი

აღმოსავლური იგავის თანახმად, ერთხელ ადამიანს ძალიან მოუნდა ღმერთის ხმის გაგონება და წაიჩურჩულა"უფალო, დამელაპარაკე!"

ამ დროს ადამიანის გარშემო ჩიტები აჭიკჭიკდნენ... მაგრამ ადამიანმა ვერ გაიგონა ღმერთის ხმა.

მაშინ ადამიანმა თქვა:"უფალო, გამეცი პასუხი!"

იჭექა ცაში, იელვა და განათდა ზეცა... მაგრამ ადამიანმა ვერ გაიგონა ღმერთის ხმა.

ადამიანმა მიმოიხედა და თქვა:"დამრთე ნება, დაგინახო, უფალო!"

ცაზე ვარსკვლავები აკიაფდნენ... მაგრამ ადამიანმა ვერ დაინახა ღმერთი.

მაშინ ადამიანმა თავი ვერ შეიკავა და დაიყვირა:"უფალო, დამანახვე სასწაული!"

დადგა გაზაფხული, დაიბადა ახალი სიცოცხლე... მაგრამ ადამიანმა ვერ შეამჩნია ეს სასწაული.

სასოწარკვეთილი ადამიანი ატირდა:"ხელი მაინც შემახე უფალო, რომ ვიგრძნო, აქ ხარ!"

ღმერთი შეეხო ადამიანს... მაგრამ ადამიანმა პატარა პეპელას, რომელიც მხარზე დააჯდა, ხელი აუქნია და წავიდა.

P.S. ღმერთი ყველგანაა! თუ ჭეშმარიტედ ეზებთ ღმერთს, მაშინ მას ყველგან დაინახავთ, ყველგა გაიგონებთ მის ხმას და ყველგან იგრძნობთ მის ძალასა და მფარველობას!
წყარო: intermedia.ge