"ყოველი ნაბიჯი გამარჯვებისკენ" ინტერვიუ მცხეთის ანსამბლ როკვას ქორეოგრაფთან

მცხეთის კულტურის სახლის ქორეოგრაგიული ანსამბლი "როკვაში", რომლის ხელმძღვანელიც ქ-ნი ნინო იმერლიშვილია, ქორეოგრაფად 2016 წლიდან მოღვაწეობა დაიწყო ქ-ნი ნინოს შვილმა გიორგი პატაშურმა, რომელმაც ანსამბლში სრული რევოლუცია მოახდინა. გიორგის მოსვლის შემდეგ, "როკვამ" ახალი სიცოცხლე და ენერგია შეიძინა. შევეცდებით ამ ინტერვიუთი მაქსიმალურად შეგიქმნათ წარმოდგენა ამ ახალგაზრდა უნიჭიერესი ქორეოგრაფის შესახებ. ინტერვიუ პირისპირ რესპოდენტთან ჩაიწერა.

მოგესალმებით გიორგი? მოკლედ გააცანით თქვენი თავი სტატიის მკითხველს.

-მოგესალმებით, მე ვარ გიორგი პატაშური ქალაქ მცხეთაში დაბადებული, აღზრდილი. დამთავრებული მაქვს მცხეთის პირველი საჯარო სკოლა და კავკასიის საერთაშორისო უნივერსიტეტში ჟურნალისტიკის ფაკულტეტის ბოლო კურსზე ვიმყოფები.

მოგვიყევით რა ასაკიდან დაიწყეთ ცეკვა, სად ცეკვავდით და თქვენი შემოქმედებითი ცხოვრების შესახებ.

–პირველ რიგში მინდა გითხრათ, ხელონვნებით პატარაობიდან გატაცებული ვიყავი, დავდიოდი სამსახიობო ოსტატობაზე, სიმღერაზე და რათქამუნდა ცეკვაზე. როგორც მოსალოდნელი იყო და გენეტიკაც ამაზე მეტყველებდა, ყველაზე ასე, რომ ვთქვათ ძლიერი ქართულ ცეკვაში აღმოვჩნდი. ჩემი ცეკვის კარიერა 6 წლიდან იწყება, ვცეკვავდი დედაჩემის ქორეოგრაფიულ სტუდიაში ქალაქ მცხეთაში, შემდეგ დავდიოდი ანსამბლ კარიბჭეში, მოღვაწეობა გავაგრძელე ანსამბლ ლაშარში და ამის შემდეგ მივედი ერისიონის სტუდიაში, სადაც მაშინვე ჩამრიცხეს, ერისიონში 9 წელი ვიცეკვე, ერისიონის 2 სტუდია გავიარე, ვიყავი ერისიონ 2 შიც და მთავარ ერისიონშიც. თუმცა უსახსრობის გამო ვეღარ შევძელი ფეხი ამეყოლა იმ ტემპს რსაც მაშინ ანსამბლი ერისიონი მიჰყვებოდა და მქონდა ჩავარდნა 2 წლიანი, თუმცა შემდეგ პროპკავშირების ანსამბლიდან მქონდა შემოთავაზება რაზეც დავთანხმდი და იქ დავჰყავი 1.5 წელი. იქიდან წამოსვლის შემდეგ კი დავუბრუნდი ჩემს ქალაქს, ჩემს მცხეთას და გადავწყვიტე, რომ ანსამბლი "როკვა" გამხდარიყო ნომერ პირველი ანსამბლი ჩვენს ქალაქში და შემდეგ მთელ მცხეთის რაიონებში. გადავწყვიტე რომ ყოველი ნაბიჯი გადამედგა გამარჯვებისკენ, შევკრიბე ჩემი მეგობრები ვისაც ვიცნობდი და მოვიყვანე ანსამბლ "როკვაში" ადგილობრივ მოცეკვავეებთან ერთად. აი აქედან დაიწყო ქალაქ მცხეთაში ჩემი მოღვაწეობა.

გიორგი თქვენ ახსენეთ ფრაზა "ყოველი ნაბიჯი გამარჯვებისკენ" რას ნიშნავს ეს ფრაზა და ამაში კონკურენტების დამარცხებას ხომ არ გულისხმობთ?

 

> დამარცხება ცუდი ნათქვამია, ეს არ არის ორთაბრძოლა, რომ ვიღაც დამარცხდეს, ხელოვანი ხალხი სხვებისგან სწორედ ამით განსხვავდება, რომ ჩვენ ვიცით ერთმანეთის თანადგომა. თუმცა რათქმაუნდა, ჩემთვის კონკურენტია ნებისმიერი ანსამბლი, სახელწიფო ანსამბლები კი მისაბაძია. რაც შეეხება ამ კონკრეტულ ფრაზას, რაზეც ყურადღება გაამახვილეთ, ლოგიკურია, რომ ანსამბლს აქვს პრეტენზია ხარისხზე, განსხვავებულობაზე, არტისტულობაზე, ვიზუალზე და ეს ყველაფერი განაპირობებს რომ ნებისმიერ კონკურსზე, ფესტივალზე თუ ჩვეულებრივ კონცერტზე ჩვენ გვჯეროდეს ჩვენი თავის და ვიაროთ წარმატების და გამარჯვების გზებზე.

თქვენ, როგორც ანსამბლის მშობლები საუბრობენ სრული რევოლუცია მოახდინეთ ანსამბლში, თუ შეგიძლიათ გაგვიმხილოთ რამ განაპირობა ასეთი მზარდი მხარდამჭერები და თქვენი წარმატების ფორმულა რაში მდგომაროებს?

>ამაზე მარტივი პასუხი მაქვს. მონდომება, პატიოსნება, შრომისმოყვარეობა, ბრძოლისუნარიანობა, მეგობრობა და სიყვარული, თავისთავად პროფესიონალური მიდგომა მოცეკვავესთან და მშობელთან. ეს თვისებები განაპირობებს წარმატებას ამ სფეროში.

გიორგი, ანსამბლის ხელმძღვანელი დედათქვენია ქალბატონი ნინო, მოგვიყევით მის შესახებ.

>დიახ დამაარსებელი და ხელმძღვანელი დედაჩემია, რა გითხრათ, ის თავის საქმის უბადლო პროფესიონალია, როგორც განათლებით ასევე გამოცდილებით, დიდი წვლილი მიუძღვის ქალაქ მცხეთის და მცხეთიოს რაიონებში ქართული ცეკვის აღორძინებაში. ასეულობით ბავშვს გამოუვლია მის ხელში და დღემდე ამ საქმეს ემსახურება უშრეტი ენერგიით და მონდომებით. სხვათაშორის მცხეთაში ყველაზე დიდი სტაჟის ქორეოგრაფია, ვინც დღემდე მოღვაწეობს ჩვენს ქალაქში.

თქვენ ახლახანს დაბრუნდით აზერბაიჯანიდან ბაქოს ფესტივალიდან და გაიმარჯვეთ 2 ნომინაციაში, გვითხარით გასტროლის შესახებ.

>დიახ ფესტივალი ჩატარდა ქალაქ ბაქოში, ანსამბლი "როკვა" წარმოდგენილი იყო 4 ცეკვით, 2 ცეკვა ანსამბლმა წარადგინა ბაქოს აკვა პარკში ტურისტებისთვის და ადგილობრივი მაცხოვრებლებისთვის, და საოცარი ემოცია იგრძნობოდა ადგილზე, რადგან ხალხისგან შეუჩერებელი აპლოდისმენტები მივიღეთ. ხოლო მეორე დღეს ფესტივალმა ბაქოს ბულვარში გადაინაცვლა, სადაც როკვამ დამატებით 2 სასცენო ნომერი გაიტანა, საბოლოოდ ანსამბლმა 2 ნომინაციაში გაიმარჯვა: "საუკეთესო ქორეოგრაფია" და "საუკეთესო კომპოზიცია", აქვე მადლობას ვუხდი ორგანიზატორებს ფესტივალის მაღალ დონეზე ჩატარებისთვის.

თუ შეგილძლიათ, რომ გვითხრათ სამომავლო გეგმები, რას გეგმავს მცხეთის ქორეოგრაფიული ანსამბლი "როკვა"?

> პირველ რიგში ველოდებით ახალი სასწავლო წელს, რომელიც ანსამბლში პირველ სექტემბერს იწყება, ანუ 1 სექტემბრიდან დაიწყება ახალი ბავშვების მიღებაც 3 ასაკომბრივ ჯგუფში და 1 საკონცერტო ჯგუფში. მინდა გითხრათ რომ ანსამბლი კიდევ უფრო გაძლიერდება, განსაკუთრებით მთავარი კოლექტივი, რეპეტიციების სტილი საერთოდ შეიცვლება და ტრენაჟი 1 საათის მაგივრად იქნება საათიი და 40 წუთი. დაიდგმება სრულიად ახალი ცეკვები, რადიკკალურად შეიცვლება ყველაფერი. იქნება ბევრი ადგილობრივი კონცერტები, ვგეგმავთ ანსამბლის გაყვანას სვანეთში, ბათუმის ფესტივალ-კონკურსზე და წლის ბოლოს ანსამბლი გაემგზავრება ევროპაში, თუ რომელ ქვეყანაში ან ქვეყნებში ამას არ დავაკონკრეტებ.

დიდი გეგმები გაქვთ, რაშიც წარმატებებს გისურვებთ! რამდენად გაქვთ ხელშეწყობა ადგილობრივი ხელისუფლებისგან?

> რისი საშუალებაც აქვთ ზოგჯერ ანსამბლს გვერდით უდგანან, თუმცა უმეტესი ნაწილი მშობლის ხარჯზე გადის. ალბათ გამოსწორდება სიტუაცია და ანსამბლ როკვას სათანადო ყურადღება მიექცევა. მშობლებს ძალიან დიდი მადლობა კიდევ ერთხელ, მე მათ "ყოველისშემძლეებს" ვეძახი.

და ბოლოს... რა შეგიძლიათ უთხრათ ამ სტატიის მკითხველებს და რას ფიქრობთ შედგა ჩვენი ინტერვიუ?

> ამ სტატიის მკითველებს პირველ რიგში მოვახსენებ უდიდეს მადლობას, რომ დაინტერესდით ჩემით და ანსამბლ როკვას შემოქმედებით. მადლობა კიდევ ერთხელ ინტერმედიას, რომ ასეთიი სიხშირით აშუქებთ როკვას ნებისმიერ გადადგმულ ნაბიჯს. ვფიქრობ შედგა ჩვენი ინტერვიუ და წარმატებებს გისურვებთ ყველას. მადლობა

წყარო: intermedia.ge