ვისზეა შეყვარებული ცირა კობიაშვილი: "შოკირებული დავტოვეთ თბილისელი გოგოები ჩვენი ერთად ყოფნით"

მომღერალი ცირა კობიაშვილი ყოველთვის საზოგადოების ყურადღების ცენტრშია. "X ფაქტორის" მონაწილეს ბევრი თაყვანისმცემელი ჰყავს და მის სახელს სხვადასხვა ცნობილ მამაკაცს უკავშირებენ. თუმცა, ცირა აქამდე ყველაფერს უარყოფდა. ბოლო პერიოდში კი მის ცხოვრებაში სიახლეა - 20 წლის მომღერალი ფეხბურთელ გიორგი ოთარიშვილზეა შეყვარებული. პარალელურად აქტიურად მუშაობს და წინ დიდი გეგმები აქვს.

"აგვისტოს ბოლოს მომიწევს თურქეთში, ანტალიაში წასვლა. ეს საქმიანი ვიზიტია, მაგრამ თან დასვენებასაც მოვახერხებ. თურქი პროდიუსერები დაინტერესდნენ ჩემით - ორი სიმღერა ჩავწერე, ერთზე კლიპიც გადავიღე და ახლა პრემიერის მოლოდინში ვარ. სკანდალური კლიპი იქნება და დიდ გამოხმაურებას ველოდები... იმედი მაქვს, თურქეთში წამყვანი მომღერალი ვიქნები. ჩემი პროდიუსერები ამბობენ, რომ იქ, იმ სუპერვარსკვლავების გვერდით უნდა ვიყო, რომლებიც უკვე ჰყავს თურქეთს.

- საცხოვრებლადაც თურქეთში გადასვლას ხომ არ აპირებ?
- ჯერჯერობით, არა, მაგრამ აგვისტოს შემდეგ, შეიძლება, ისე წარიმართოს მოვლენები, ისე მოვეწონო იქაურ მსმენელს და ჩემი კონცერტები და სიმღერები ისეთი გაყიდვადი გახდეს, რომ თურქეთში დამჭირდეს საცხოვრებალდ გადასვლა. თუ ეს ჩემს კარიერას წაადგება, რა თქმა უნდა, მზად ვარ ამისთვის.

- ცირა კობიაშვილი ფეხბურთელ გიორგი ოთარაშვილზეა შეყვარებულიო...
- (იცინის) არ მსურს ამ თემაზე საუბარი. მგონია, რომ ეს ურთიერთობაზე ცუდად მოქმედებს. ზოგი ჩემს ახალ ურთიერთობას ვერ იღებს დადებითად, ვიღაცას, ალბათ შურს... ამიტომ თავს ვიკავებ.

- რამდენი ხნის ურთიერთობა გაკავშირებთ?
- არ დამითვლია. საერთოდ, ურთიერთობაში დღეებს არ ვითვლი. არც მახსოვს, როგორ შეგვიყვარდა ერთმანეთი და როგორ დაიწყო ეს ყველაფერი. იმიტომ რომ, ამ ურთიერთობამდეც, წლების წინ ვიცნობდი მას, თუმცა, მაშინ ვერ გამოვიდა ჩვენი ურთიერთობა. თავიდან ვმეგობრობდით, განსაკუთრებული არაფერი ხდებოდა და ვერც წარმოვიდგენდი, თუ ოდესმე, მასთან ერთად ვიქნებოდი. იმდენად განსხვავებული ხასიათები გვაქვს, რთული იყო ამის წარმოდგენა, მაგრამ, მერე რაღაც შეიცვალა. ახლა ვცდილობთ, ჩვენი განსხვავებული ხასიათები როგორღაც შევუწყოთ ერთმანეთს. რომ არა დიდი სიყვარული, ამდენ ხანს ერთად ვერ ვიქნებოდით და ვერც ამ გადაწყვეტილებას მივიღებდი ასე მარტივად, ჩემი წარსულიდან გამომდინარე. დაახლოებით ხუთი-ექვსი თვეა, ერთად ვართ.

...გიორგი უკვე ფეხბურთში აღარ არის. სერიზული ტრავმები მიიღო და ამის გამო თამაშს ვეღარ ახერხებს, რასაც ძალიან განიცდის. არ ვიცი, დაბრუნდება თუ არა. ამ მომენტისთვის სხვა საქმითაა დაკავებული. რაც შეეხება გიორგის მიმართ გოგონების დამოკიდებულებას, გოგოები მის მიმართ ძალიან დიდ ყურადღებას იჩენენ. მეტიც, ზუსტად ვიცი, თბილისელი გოგოების ოთხმოცი პროცენტი ძალიან ცუდადაა, იმიტომ, რომ გიორგის შეყვარებული ვარ, გამომდინარე იქედან, რომ აქამდე ასეთი სერიოზული ურთიერთობა არ ჰქონია, ბევრისთვის შოკი იყო ჩვენი სიყვარულის ამბავი. თუმცა, ჩემიანებისთვის – არა, უფრო გიორგის თაყვანისმცემლებისთვისაა ჩვენი ერთად ყოფნა შოკი. ამიტომ, ვიკავებ ხოლმე თავს საჯაროდ ლაპარაკისგან. არ მინდა ვიღაც გავაღზიანო, იმიტომ რომ, გიორგიც არანაკლებ პოპულარულია საზოგადოებაში. მოკლედ, შოკირებული დავტოვეთ მე და გიორგიმ მთელი თბილისის გოგოები ჩვენი ერთად ყოფნით (იცინის).

- შენი სიყვარულის ისტორია, რომელიც ტრაგედიით დასრულდა, მთელმა საქართველომ გაიგო და განიცადა. ბუნებრივია, შენთვის ძალიან მძიმე იქნებოდა ამ ყველაფრის გადატანა. რთული იყო ხელმეორედ შეყვარება?
- წელიწად-ნახევარი სიყვარულთან დაკავშირებით არანაირი გადაწყვეტილება არ მიმიღია. ამ შემთხვევაში, მთავარი მიზეზი ისევ და ისევ სიყვარული იყო. გიორგი ძალიან დამეხმარა იმ მძიმე მდგომარეობიდან გამოსვლაში და დღემდე ყველანაირად გვერდში მიდგას, რომ ისევ იქ არ დავბრუნდე, ხელმეორედ შეყვარებაში დიდი სიყვარული დამეხმარა.

წყარო: ambebi.ge