ბიონსესა და ჯეი-ზის საოცარი საჩუქრები

ვარსკვლავური წყვილები ერთმანეთისთვის საჩუქრებს რომ არ იშურებენ საიდუმლო არავისთვისაა, მაგრამ არსებობენ განსაკუთრებული წყვილები, რომლებიც ერთმანეთს გრანდიოზულ საჩუქრებს უმზადებენ. ასეთებს შორის პირველი უდავოდ ბიონსესა და ჯეი-ზის წყვილია.2012 წლის იანვარი: 500 ათას დოლარად ბევრი ადამიანი სახლს ყიდულობს, ბიონსემ კი სწორედ ამდენი იმისთვის დახარჯა, რომ მეუღლისთვის სამკაულები ეყიდა. ასე მომღერალმა მეუღლეს მამობა მიულოცა. იმავე თვეში წყვილმა სპეციალურად მათი შვილისთვის, ბლუ აივისთვის იაპონიიდან ხელნაკეთი ოქროს ცხენი ჩამოაყვანინა, რაშიც მილიონ-ნახევარი დოლარი გადაიხადეს.
სულ რამდენიმე დღის წინ აშშ-ში მამების დღე აღინიშნა. ბიონსე, ბუნებრივია, შანსს არ გაუშვებდა ხელიდან მეუღლისთვის ესიამოვნებინა და Hollyscoop-ის ინფორმაციით, გრანდიოზული საჩუქარი გაუკეთა, არც მეტი, არც ნაკლები თვითმფრინავი აჩუქა. კერძო თვითმფრინავში, რომელშიც მისაღები ოთახი, სამზარეულო, საძინებელი და ორი აბაზანაა, ბიონსემ 40 მილიონი გადაიხადა. ეს არ არის ერთადერთი ძვირადღირებული საჩუქარი მათ ურთიერთობაში.2010 წლის სექტემბერი: ბიონსეს დაბადების დღე. მეუღლის კითხვაზე, რა სურდა საჩუქრად, მომღერალმა უპასუხა: "არ ვიცი, ალბათ ნასკი..." პასუხს ჯეი-ზი სულაც არ დაუბნევია, მეუღლეს მან კუნძული უყიდა, რომელშიც 29 მილიონი გადაიხადა.
2010 წლის დეკემბერი: რეპერმა ჯეი-ზიმ დაბადების დღის საჩუქრად მეუღლისგან 2-მილიონიანი მანქანა მიიღო. ეს არის ორადგილიანი "ბუგატი ვეირო", რომელსაც ამჟამად იშვიათად იყენებენ იმის გამო, რომ მასში ბავშვის სკამისთვის ადგილი არ არის.