• 23 აგვისტოს მსოფლიო პრემიერა ბათუმის პიაცაზე!!!

    აჭარის მთავრობა და დეველოპერული კომპანია „რედკო“ 23 აგვისტოს ბათუმის პიაცაზე წარმოგიდგენთ ექსკლუზიურ პროექტს „მუსიკა გაერთიანებს“. მოწვეულ სტუმრებს სრულიად განსხვავებულ ჟანრთა სინთეზი ელით, რომლის მთავარი გმირიც მსოფლიოში აღიარებული მეცო-სოპრანო ანიტა რაჭველიშვილი იქნება. „მუსიკის ყველა ჟანრი საინტერესოა, როდესაც გამორჩეულ ნიჭთან და ნამდვილ ხელოვნებასთან გვაქვს საქმე“ - ამბობს მაესტრო ნიკოლოზ რაჭველი, რომელიც 23 აგვისტოს ეროვნულ სიმფონიურ ორკესტრს უდირიჟორებს და პროექტის პრემიერის ფარგლებში პირველად ითანამშრომლებს იტალიურ პროგრესულ როკ-ბენდთან Profusion.

    Profusion-ს, იტალიელებთან ერთად, ქართველი წევრიც ჰყავს, ვლადიმერ სიჭინავა, ის დრამზე უკრავს, არის ვოკალისტი და ჯგუფის ერთ-ერთი დამფუძნებელი. ასევე წევრები არიან: ჯონათან კარადონა – კლავიში, ფორტეპიანო, დავიდე პეპი – ელექტროგიტარა, აკუსტიკური გიტარა, დუჩო მაჩანტი – ბასგიტარა, ატია მატეი – ვოკალი, იაკოპო პეტტინი – ხმის ინჟინერი.

    Profusion-ის მუსიკა ქართულ და ხმელთაშუაზღვის კულტურებს აერთიანებს, მათ ამ დრომდე სამი ალბომი აქვთ გამოცემული და სხვადასხვა მუსიკალური ფესტივალის მონაწილენი არიან. რიგით მესამე ალბომში მათ ანიტა რაჭველიშვილთან ითანამშრომლეს, ამავე ალბომის მონაწილე იყო „შინის“ სოლისტი, მამუკა ღაღანიძე. 2017 წელს


    გამოსაცემად მზადდება ჯგუფის რიგით მეოთხე ალბომი, რომელშიც ანიტა რაჭველიშვილისთვის დაწერილი კომპოზიციაც შევა. ეს კომპოზიცია ბათუმის პიაცაზე 23 აგვისტოს პირველად აჟღერდება. აღიარებული მეცო-სოპრანო მაესტრო ნიკოლოზ რაჭველთან, ეროვნულ სიმფონიურ ორკესტრთან და იტალიელ მუსიკოსებთან ერთად სრულიად განსხვავებულ ამპლუაში წარსდგება მაყურებლის წინაშე.



    პროექტის წარმდგენები - აჭარის მთავრობა და დეველოპერული კომპანია „რედკო“

    ორგანიზატორები ევგენი მიქელაძის სახელობის ეროვნული მუსიკალური ცენტრი და ხელოვანთა კავშირი „კონცეპტარტი“.
    პროექტის მხარდამჭერები: ატლასგლობალი და გია გვარამიას კლინიკა

    ეროვნული მუსიკალური ცენტრის მხარდამჭერები: საქართველოს კულტურისა და ძეგლთა დაცვის სამინისტრო, კომპანია „ბადაგონი“.
    საინფორმაციო მხარდამჭერები: რადიო ჰოლდინგი ფორტუნა, ტელეკომპანია იმედი, მედია ჰოლდინგი „პალიტრა“, საინფორმაციო ცენტრი 118 08.

    ბილეთები იყიდება: www.tkt.ge ასევე Black Sea Arena-სა და ბათუმის კორტების სალაროში 11-დან 19:00 საათამდე ყოველ დღე.


    წყარო: ambebi.ge
    1 375 ნახვა
    15-08-2017, 01:07
    GOGATV

    abezara