ჯოკერის შესახებ შესაძლოა ცალკე ფილმი გადაიღონ

"წვეულება ვეგასში" -სა და "ბიჭები იარაღით" -ის რეჟისორი ტოდ ფილიპსი კომიქსების ცნობილი პერსონაჟისა და ბეტმენის მთავარი მტერის - ჯოკერის შესახებ, ცალკე ფილმის გადაღებას აპირებს. ამბობენ, რომ ახალ პროექტში მონაწილეობას თვითონ მარტინ სკორსეზეც მიიღებს. მომავალი ბლოკბასტერის სახელწოდება ჯერ არ ხმაურდება.

ახალი ფილმის სცენარს ტოდ ფილიპსი და სკოტ სილვერი დაწერენ. სავარაუდოდ მოვლენები 80 -იან წლებში განვითარდება, ხოლო სიუჟეტი უფრო დრამატული იქნება.

შეგახსენებთ, რომ ბოლოს ჯოკერი მსახიობმა ჯარედ ლეტომ "თვითმკვლელთა რაზმში" ითამაშა.
წყარო: intermedia.ge