X
  • შავი ზღვის ფოლკლორის საერთაშორისო ფესტივალს „ფლამენკოს ჯადოქრები“ ესტუმრებიან

    შავი ზღვის ფოლკლორის საერთაშორისო ფესტივალი უკვე მეორე წელია, იმართება და სხვადასხვა ქვეყნის წარმომადგენლებს მასპინძლობს. ღონისძიება „ჩექ ინ ჯორჯიას“ ფარგლებში, ფოლკლორის სახელმწიფო ცენტრის ორგანიზებით ტარდება. მისი გამართვის იდეა ანზორ ერქომაიშვილის ეკუთვნის.

    2016 წელს ღონისძიებას 4 ქვეყნის 24 ანსამბლი სტუმრობდა, წელს კი მათი რიცხვი გაიზარდა და ფესტივალის მონაწილეებს შორის არიან ესპანეთის, იტალიის, თურქეთის, სომხეთის, უკრაინის, პოლონეთის წარმომადგენლები. ღონისძიების აქტიური მხარდამჭერები არიან ამ ქვეყნების საელჩოები, რომელთა დიდი ძალისხმევითა და მხარდაჭერით გაიზარდა მონაწილეთა რაოდენობა.

    31 აგვისტოსა და 1-ელ სექტემბერს, შეკვეთილსა და ბათუმში კონცერტები გაიმართება, ხოლო დაკსვნითი საღამო „ბლექ სი არენაზე“ 2 სექტემბერს იგეგმება, როცა მსმენელის წინაშე წარდგებიან ქართული ანსამბლები და ასევე სპეციალური სტუმრის სტატუსით ესპანური ჯგუფი - „La MoneTa & Flamenco“, რომლებსაც „ფლამენკოს ჯადოქრებსაც“ უწოდებენ.

    ფოლკლორის სახელმწიფო ცენტრის დირექტორი, გიორგი დონაძე აღნიშნავს, რომ შემდეგ წელს პროგრამა კიდევ უფრო მრავალფეროვანი იქნება და მასში სხვადასხვა ქვეყნის წარმომადგენლები ჩაერთვებიან. მისი თქმით, ზემოხსენებული ღონისძიება ფოლკლორის პოპულარიზაციისა და ტურიზმის ხელშეწყობის ეგიდით იმართება. გარდა ამისა, ის დიდი სტიმული და მოტივაციაა ქართული ხალხური მუსიკის ანსამბლებისთვისაც.

    ღონისძიებაზე დასასწრები ბილეთების შეძენა შეგიძლიათ საიტზე tkt.ge.
    წყარო: ambebi.ge
    878 ნახვა
    30-08-2017, 05:20
    GOGATV