• "ქალური შური"-ერთი ცნობილი ფოტოს ისტორია

    "ქალური შური" -ასეთი სათაურით გავრცელდა ინტერნეტსივრცეში რამდენიმე წლის წინ ფოტო, სადაც მე-20 სექს-სიმბოლო, სოფი ლორენი და ამერიკელი მსახიობი ჯეინ მენსფილდი არიან აღბეჭდილი.60 წლის წინ გადაღებულ ფოტოს ყველაზე პოპულარულ სოციალურ ქსელში 1 მილიონზე მეტი მოწონება და გაზიარება ჰქონდა.




    ერთ-ერთი ყველაზე წარმატებული პაპარაცული ფოტო 1957 წელსაა გადაღებული და ბევრისთვის ის იქცა ქალური შურის სიმბოლოდ, მეტიც, რამდენიმე ფოტოგრაფს ამ სურათმა შთააგონა შეექმნა ფოტოშოპი, რომელიც ორიგინალისგან განსხვავდება და ყალბია.


    კარგა ხანს სოფი ლორენი თავს იკავებდა კომენტარი გაეკეთებინა ამ ფოტოზე, თუმცა 80 წელს გადაცილებულმა, როგორც იქნა "Entertainment Weekly"-სთან ინტერვიუში განმარტება გააკეთა და, როგორც გაირკვა ქალური შური აქ არაფერ შუაშია და სრული აბსურდია(ბოლო-ბოლო თვითონ სოფი ლორენს შესანიშნავი ფიგურა და მკერდი ჰქონდა).


     


    ეს არის პერიოდი, როდესაც ლორენის პოპულარობა მშობლიურ იტალიას და ევროპას გასცდა და ჰოლივუდში მიიწვიეს.


     


    კომპანია Paramount Pictures-მა სოფის შესანიშნავი საღამო მოუწყო, სადაც ჯეინ მენსფილდი ბოლოს მოვიდა, ქერა ლამაზმანი ბიუსტჰალტერის გარეშე, თითქმის მთლიანად მოშიშვლებული მკერდით სოფის მაგიდას მიუჯდა.


     


    სოფი ლორენი: ”იგი ჩემს მაგიდას მიუჯდა იცოდა, რომ ყველა მის დეკოლტეს უყურებდა. სუფრასთან დაჯდა და იცით… თითქმის შიშველი იყო. შეხედეთ ამ კადრს – საით ვიყურები? მის ძუძუს თავებს შევცქერი – ლამისაა ჩემს თეფშზე გადმოყაროს. ჩემს სახეზე გაოგნებაა ასახული: ვშიშობ, ესესაა, მისი მკერდი კაბიდან ამოხეთქავს და მაგიდაზე ლავასავით დაიღვრება მეთქი”.


     


    თუ სხვა ფოტოებსაც თვალს გადავავლებთ, უფრო რეალურია ვივარაუდოდ, რომ ქალური შური მართლაც არაფერ შუაშია და სოფი ლორენი ქერა ლამაზმანის წარმოუდგენლად თამამმა ჩაცმულობამ უფრო გააკვირვა.


     


    ამერიკელი მსახიობი ჯეინ მენსფილდი დღეს ცოტას თუ ახსოვს.50-იანი წლების აშშ-ს სექს-სიმბოლოსადმი ინტერესი ჯერ კიდევ 1960-იანი წლების დასაწყისიდან მინელდა, მსახიობი 1967 წლის 28 ივნისს ავტოკატასტროფაში დაიღუპა.იგი 34 წლის იყო.


     


    image


    image


    image


     


    image


     


    image


    წყარო: intermedia.ge
    1 628 ნახვა
    31-08-2017, 04:41
    GOGATV

    abezara