X
  • რა შეიძლება, სიყვარულის გამო, გააკეთო?!

    თუნდაც ის, რაც, ალი ჰალასქარმა გააკეთა მელექისთვის. მას სასამართლოს, სამართლიანი გადაწყვეტილების იმედი გადაეწურა და იძულებული გახდა საყვარელი ადამიანი თავად დაიხსნას.
    თურქული მსხვილი კინოკოპმანია “აი იაფიმი“ სცენარისტებთან, ქერემ დერენსა და ფინარ ბულუთთან ერთად ქმნის ისტორიას- მელექისა და ალის შესახებ, რომლებსაც ერთმანეთი სიკვდილამდე ეყვარებათ.

    თურქულმა პრესამ, სწორედ ამ სიტყვებით ამცნო საზოგადოებას, ახალი სერიალის სიუჟეტი. მთავარი გმირის, მელექ ჰალასქარის როლის შესასრულებლად წარმატებულმა კომპანიამ თუბა ბუიკუსტუნი აირჩია,
    რომელსაც მრავალრიცხოვანი მაყურებელი ელოდა. დაქორწინებისა და შვილების შეძენის შემდეგ, ეკრანზე დაბრუნების პირველი რეალური შანსი გაჩნდა. მან ბევრ შემოთავაზებაზე თქვა უარი შვილების გამო. ბევრი ფიქრობდა, რომ თუბა ამ როლზეც უარს იტყოდა, თუმცა არა: ის მზადაა მელექ ჰალასქარი განასახიეროს!

    2013 წელს თურქეთის ერთ-ერთი წამყვანი ტელეარხი Star TV გახმაურებულ პროექტს “20 წუთი" (20 Dakika) იწყებს. თუბა ბუიუკუსტუნის, ილქერ აქსუმის, ფირათ ჩელიქის, მეთინ ჩემეზის, იფექ ბილგინის, გუნაი ქარაჩაოღლუს, მუჟდე უზმანის, ესრა აქაიას და ბევრი სხვა ტიტულოვანი მსახიობის მონაწილეობით. წარმატებული ტელენოველის მთავარი სიუჟეტი, პოლ ჰაგისის ტრილერიდან აიღეს, სადაც რასელ ქროუ თამაშობს. თავის მხრივ, ეს ფილმიც ფრანგული ვერსიის რიმეიქი გახლავთ. სერიალი დატვირთულია მძიმე დრამატული კადრებით, რომელშიც ასახულია თუ რა სირთულეების გადალახვა უწევთ მთავარ გმირებს სასურველ მიზანს, რომ მიაღწიონ.

    მელექ ჰალასქარი- მოსიყვარულე ცოლი და ორი შვილის მზრუნველი დედაა. მას ყველაფერი აქვს ბედნიერებისათვის: საყვარელი საქმე, დიდი სიყვარული ალალი, პატიოსანი, განათლებული, ბავშვივით გულუბრყვილო ალისადმი. მუხლჩაუხრელი შრომისა და მიზანსწრაფულობის გამო, ოჯახი სახლსაც შეიძენს. მელექი, ადრეულ ასაკში დაქორწინდა. შვილებიც ძალიან ახალგაზრდამ გააჩინა. მიუხედავად ამისა, სირთულეებს არ შეუშინდა და ყველაფერს დამოუკიდებლად გაართვა თავი. გადის წლები და ცოლ-ქმრის სიყვარული არ ნელდება, თითქოს მათ ბედნიერებას საფრთხე არ ემუქრება, რომ არა უბრალო შემთხვევითობა. რაც ახალგაზრდა, ლამაზი ქალის ბედნიერებას საფრთხის წინაშე აყენებს.
    ოჯახის დედა, სრულიად მოულოდნელად ციხეში ხვდება. მას განიკითხავენ, შეურაცხყოფენ, ფსიქოლოგიურ ზეწოლას ახდენენ. თურქეთში, ერთ-ერთი გავლენიანი კაცის ხელში სათამაშოდ იქცა და თავისუფლებასთან ერთად, კარგავს ახლობლებისა და საზოგადოების ნდობას. ფაქტობრივად, მისი მხოლოდ მეუღლე ალის ჯერა და როგორც ყოველთვის, საპყრობილეში გამომწყვდეულსაც კი, პოზიტიურად განაწყობს. ისინი განგებამ დააშორა, მაგრამ მათ შორის სულიერი კავშირი არ გაწყვეტილა და სწორედ ამ მნიშვნელოვანმა ფაქტორმა, იხსნა მათი სიყვარული. მელექ ჰალასქარი შვილებისა და საყვარელი ქმრის გამო, ცდილობს სიმტკიცე შეინარჩუნოს და ყველა გამოწვევა, რაც ციხეში ხვდება, გმირულად აიტანა!

    მთვარი გმირის როლის შემსრულებელი, თუბა ბუიკუსტუნი დიდი ოსტატობით გვიჩვენებს მელექის მრავალსახოვნებას. მას შეუძლია იყოს ნაზი და მებრძოლიც, მოსიყვარულე და შურისმაძიებელიც, მართალი და სიცრუის ბადეში გახვეულიც, კეთილი და შეუბრალებელიც! სასიხარულოა, რომ მელექ ჰალასქარმა, თუბა ბუიკუსტუნს მისცა შესაძლებლობა მაყურებელი და კინოსაზოგადოება დაერწმუნებინა, რომ იგი მხოლოდ ლამაზი კი ქალი არაა, ნიჭიერი მსახიობიცაა!

    კრიტიკოსები და კინომცოდნეები დადებითი შეფასებით შეხვდნენ “20 წუთს“. განსაკუთრებით აღინიშნა თუბა ბუიკუსტუნის პერფომანსი, რომელიც გულგრილს ვერ ტოვებს თვით კრიტიკულად განწყობილ მაყურებელსაც კი. სერიალი განსაკუთრებული ინტერესით მიიღეს საზღვარგარეთ და იმავე წელს, ათეულობით ქვეყანამ შეიძინა მისი ტრანსლირების უფლება. მთავარი როლის შემსრულებელმა დადებითი რეცენზიების გარდა, სხვადასხვა პრესტიჟული ჯილდოებიც მიიღო.
    2014 წელს კი, თუბა ბუიუკუსტუნი პირველი თურქი მსახიობი, საერთაშორისო პრემიის “ემმის“ ნომინანტი გახდა!
    წყარო: intermedia.ge
    1 220 ნახვა
    31-08-2017, 04:45
    GOGATV