ნიუ-იორკში გარდაცვლილ მხატვარს გიორგი ცინცაძეს საქართველოში დღეს ჩამოასვენებენ

ნიუ-იორკში გარდაცვლილ მხატვარს გიორგი ცინცაძეს საქართველოში დღეს ჩამოასვენებენ. 42 წლის გიორგი ცინცაძე, მეგობრებმა ბრუკლინში, საკუთარ სახლში გარდაცვლილი ხუთი დღის წინ ნახეს.

წინასწარი ინფორმაციით, მხატვრის გარდაცვალების მიზეზი გულის შეტევა გახდა.

როგორც „ინტერპრესნიუსს" გიორგი ცინცაძის მეგობრებმა განუცხადეს, ბოლო 9 წელი ის ნიუ-იორკში ცხოვრობდა და აქტიურ შემოქმედებით ცხოვრებას ეწეოდა. ბოლო წლებში, ის სისტემატურად აწყობდა საკუთარი ნამუშევრების პერსონალურ გამოფენებს ამერიკის ცნობილ საგამოფენო დარბაზებში.
წყარო: ambebi.ge