რუსულმა Vogue-მ თინა დალაქიშვილი რუსული კინოს ვარსკვლავად მოიხსენია

რუსული Vogue-ს სექტემბრის ნომრის გარეკანს, ქართველი მსახიობის, თინა დალაქიშვილის ფოტო ამშვენებს.

იქვეა წარწერაც: "Тина Далакишвили и другие сверхновые звезди русского кино" (თინა დალაქიშვილი და რუსული კინოს ზეახალი ვარსკვლავები), რამაც სოციალური ქსელის ქართველი მომხმარებელი ძალიან გააღიზიანა.

ჟურნალის რედაქტორის სვეტში ვკითხულობთ:

"ბრილიანტი და კინო - იდეალური კავშირია. ქვების ბრწყინვალება კანის და მოსკოვის კინოფესტივალის წითელ ხალიჩას ამშვენებს და გზას უნათებს ახალგაზრდა ნიჭიერ მსახიობებს. ისეთებს, რომლებიც ამ ნომრის გმირები არიან: გოგონა გარეკანზე - მსახიობი თინა დალაქიშვილი, მისმა გულწრფელობამ რუსეთი და ევროპა უკვე დაიპყრო. ასევე, მსახიობი რინალ მუჰამეტოვი, რომელმაც მოსკოვის კინოფესტივალზე Chopard Talent Award-ის ჯილდო მოიპოვა - "რუსული კინოს ახალი იმედი".

ამ ლამაზი, ნიჭიერი დამოუკიდებელი ახალგაზრდების ყურებისას ხვდები, რომ კინემატოგრაფიის მომავალზე არ უნდა ინერვიულო."

ჟურნალში თინა დალაქიშვილის ფოტოსესიაა დაბეჭდილი.