მარტივი ნიღაბი!
2 667 ნახვა
ამ პუბლიკაციაში წარმოგიდგენთ ერთ-ერთ ძალიან მარტივ და ეფექტურ ნიღაბს, რომლისთვის დაგჭირდებათ მხოლოდ ყინულის კუბიკები...
ცხელი აბაზანის შემდეგ თურმე ძალიან სასარგებლოა კანის მასაჟი ყინულით ან თოვლით. მასაჟი ყინულის კუბიკებით შეგიძლიათ კვირაში ორ-სამჯერ გაიკეთოთ - აბაზანის შემდეგ. გამოიღეთ საყინულედან ყინულის 2-3 კუბიკი და წაისვით იგი ლოყებზე, შუბლსა და ყელზე. თუ შხაპის მიღებას არ გეგმავთ, სახე ცხელ წყალში დასველებული, რბილი პირსახოცით დაიტენიანეთ და მხოლოდ ამის შემდეგ წაისვით სახეზე ყინული. მასაჟის შემდეგ გაიმეორეთ ცხელი კომპრესი და ჩამოიბანეთ სახე გრილი წყლით, სულ ბოლოს კი სახეზე რომელიმე მკვებავი კრემი წაისვით –შედეგს იმ წამსვე იგრძნობთ.
ასევე შეგიძლიათ გასაყინავ წყალში ეთერზეთები გაურიოთ, მაგალითად ვარდის – ასეთი ზეთები პატარა ფლაკონებით იყიდება პარფიუმერიულ მაღაზიებში. თუმცა ასევე შეგიძლიათ სახლის პირობებში კოსმეტიკური ყინული ციტრუსების კანისგან დაამზადოთ შემდეგნაირად. ფორთოხლისა და მანდარინის კანი ჩაყარეთ პატარა ქილაში და დაასხით მდუღარე წყალი, ქილას თავი დაახურეთ და ერთი დღე-ღამის განმავლობაში შეინახეთ, დილით წყალი ფორმებში ჩაასხით და გაყინეთ. კიდვ ერთი "კოსმეტიკური ყინულის" დასამზადებლად გაყინეთ მინერალურ წყალთან შერეული, ახალდაწურული ფორთოხლის ან გრეიფრუტის წვენი (პროპორციით ერთი-ერთზე). გარდა იმისა, რომ ასეთი ყინული კანს სიმკვრივესა და სიჯანსაღეს შემატებს, იგი საკმაოდ ეფექტურია ნაოჭების საწინააღმდეგოდ.
