მარია-ანტუანეტას "ფაჩუჩები" აუქციონზე 62 ათას ევროდ გაიყიდა

საფრანგეთში გამართულ აუქციონზე დედოფალ მარია-ანტუანეტას კუთვნილი საშინაო "ფაჩუჩები" 62 ათას ევროდ გაიყიდა. ისტორიული ფეხთსამოსი ანონიმური სატელეფონო ზარის მფლობელს ხვდა წილად, რომელმაც აუქციონის ორგანიზატორებს სავარაუდო ფასზე ხუთჯერ მეტი შესთავაზა.

მარია-ანტუანეტას, საფრანგეთის უკანასკნელ დედოფალს 1793 წელს ფრანგმა რევოლუციონერებმა გილიოტინაზე თავი მოკვეთეს. მისი კუთვნილი "ფაჩუჩები" კი აუქციონზე გამოტანილ 350 ისტორიულ ექსპონატს შორის ყველაზე ძვირად იყო შეფასებული.