კიმ კარდაშიანის სექს-დიეტა

უარის თქმა ტკბილეულზე? ეს კიმ კარდაშიანს არ სჭირდება. მას ურჩევნია, მიიღოს, ხოლო შემდეგ კი დაწვას კალორიები... სპორტდარბაზში კი არა, საყვარელ ადამიანთან ლოგინში.

კარდაშიანების შუათანა და არ მალავს, რომ მის პირად ცხოვრებაში ყველაფერი შესანიშნავად არის. ის ტკბება ცხოვრებით და კენიე უესტთან გატარებული ყოველი წამით... და ამასთან, სასიამოვნოს სასარგებლოსაც უთავსებს... სიყვარულით დამწვარი გაგიგიათ, ალბათ, მაგრამ სიყვარულით დამწვარ კალორიებზე თუ გსმენიათ რამე?

"ჩვენ ხუმრობით ამას სექს-დიეტას ვეძახით, - გაუმხილა კიმის ერთ-ერთმა დაქალმა გამომცემლობა National Enquirer-ს ინტერვიუში. - როცა რომელიმე ჩვენგანს რეგულარული სექსი აქვს, ეს აშკარად აისახება ჩვენს აღნაგობაზე. დაახლოებით 4 კგ-ის დაკლება 7 დღეში, ნიშნავს, რომ ერთი კვირა ძალიან ცუდი გოგო იყავი".

მაგრამ სულ ტყუილი ყოფილა გოგონების მონდომება. ცნობილ რეპერს, კენიე უესტს ძალიან მოსწონს თავისი სატრფოს სავსე ფორმები და სულაც არ უნდა, რომ გრამი მოიკლოს, თუნდაც მგზნებარე სიყვარულის ხარჯზე.

"კენიე გიჟდება კიმის სხეულზე და გამუდმებით უმეორებს, რომ არ მოიკლოს წონაში. ერთხელ უსაყვედურა კიდეც, როცა ნახა, რომ კიმი მის თხოვნას არ ითვალისწინებდა და წონაში დაკლებას მაინც ცდილობდა", - არ დამალა ინტერვიუში კარდაშიანის მეგობარმა.