მარადიული ახალგაზრდობის 10 მცნება
იაპონელები საშუალოდ 79 წელს ცოცხლობენ, ავსტრალიელები, ბერძნები, კანადელები და შვედები - 78 წელს, გერმანელები და ამერიკელები 76-ს აღწევენ, ხოლო რუსები და თურქები მხოლოდ 67 წელს.
ექიმთა საერთაშორისო ჯგუფმა, ფსიქოლოგებმა და დიეტოლოგებმა დაამუშავეს"ათი მცნება", რომლის გათვალისწინებითაც სიცოცხლეს გავიხანგრძლივებთ და ჩვენს მიწიერ არსებობას სასიამოვნოს გავხდით.
პირველი მცნება
მუცელი არ გააღოროთ! ჩვეულებრივი 2500 კალორიის ნაცვლად 1500-ით დაკმაყოფილდით. ამით თქვენს უჯრედებს განტვირთავთ და მის აქტიურობას ხელს შეუწყობთ. უჯრედები სწრაფად ახლდება და ორგანიზმიც ავადმყოფობას ადვილად უმკლავდება. იკვებეთ ზომიერად.
მეორე მცნება
მენიუ თქვენი ასაკისთვის შესაფერისი უნდა იყოს. 30 წლის ქალებს პირველი ნაოჭები შედარებით გვიან გაუჩნდებათ, თუ ისინი სისტემატურად შეჭამენ ღვიძლსა და ნიგოზს. ორმოცს გადაცილებულებისათვის სასარგებლოა ბეტაკაროტინი.
50 წლის ზემოთ, კალიუმი აუცილებელია ძვლებისთვის, ხოლო მაგნიუმი - გულისთვის. ორმოცს გადაცილებულ მამაკაცებს ვურჩევთ ყველსა და თირკმლებს, რომლებიც სელენიუმს შეიცავს. 50 წლის შემდეგ ხშირად მიირთვით თევზი, რაც დაიცავს თქვენს გულსა და სისხლძარღვებს.
მესამე მცნება
შეეცადეთ და მოძებნეთ თქვენთვის შესაფერისი სამუშაო. როგორც ფრანგები ამბობენ, ახალგაზრდული იერის შესანარჩუნებლად, მუშაობა აუცილებელია. ის, ვინც არ მუშაობს, მოსამსახურეზე ხუთი წლით უფროსად გამოიყურება.
სოციოლოგების აზრით, ზოგი პროფესია ახალგაზრდობის შენარჩუნებას ხელს უწყობს. მათ რიცხვშია დირიჟორის, ფილოსოფოსის, მღვდლისა და მხატვრის პროფესიები.
მეოთხე მცნება
ცხოვრების მეწყვილე იპოვეთ! სიბერის საწინააღმდეგოდ შესანიშნავი საშუალებაა სიყვარული და სინაზე. კვირაში ორჯერ სექსი, ადამიანს 14 წლით ახალგაზრდას აჩენს.
სქესობრივი აქტის დროს ორგანიზმი გამოიმუშავებს ენდორფინს, რომელსაც"ბედნიერების ჰორმონსაც" უწოდებენ. ეს ჰორმონი ხელს უწყობს იმუნური სისტემის გაძლიერებას.
მეხუთე მცნება
ყველა საკითხზე საკუთარი აზრი იქონიეთ. ასეთი ადამიანი დეპრესიაში იშვიათად ვარდება და არ ითრგუნება, ვიდრე ის, ვინც ცხოვრების დინებას პასიურად მიჰყვება.
მეექვსე მცნება
იმოძრავეთ! დღეში 8 წუთიც რომ დაუთმოთ სპორტს, სიცოცხლეს გაიხანგრძლივებთ. მოძრაობის პროცესში გამოთავისუფლდება სიმაღლის ჰორმონები, რომლის გამომუშავებაც 30 წლის შემდეგ მცირდება.
მეშვიდე მცნება
დაიძინეთ გრილ ოთახში! მეცნიერებმა დაამტკიცეს, რომ ვისაც სძინავს ოთახში, სადაც 17-18 გრადუსი სითბოა, ახალგაზრდობას იხანგრძლივებს. საქმე კი ის გახლავთ, რომ ორგანიზმში ნივთიერებათა ცვლა და ასაკობრივი თავისებურების გამოვლინება გარემოს ტემპერატურაზეა დამოკიდებული.
მერვე მცნება
დროდადრო თავი გაინებივრეთ! ზოგჯერ ჯანმრთელი ცხოვრების წესის რეკომენდაციები დაივიწყეთ და პირი ტკბილეულით ჩაიტკბარუნეთ. თუკი მაღაზიაში ლამაზი კაბა ან ხელჩანთა მოგეწონათ, ეკონომიაზე ნურც კი იფიქრებთ.
მეცხრე მცნება
გაბრაზებას ყოველთვის გულში ნუ ჩაიხვევთ! ის, ვინც თავს მუდამ დამნაშავედ გრძნობს და საწუხარს არავის გაანდობს, ნებისმიერ დაავადებას ძნელად უმკლავდება. საერთაშორისო ტესტირების შედეგების თანახმად, კიბოთი დაავადებულთა 64 პროცენტი დარდს გულში იხვევდა.
მეათე მცნება
ავარჯიშეთ თავის ტვინი! ამაში დაგეხმარებათ კროსვორდების ამოხსნა, კოლექტიური თამაშები, რომელიც გონების დაძაბვას მოითხოვს, უცხო ენების შესწავლა. გონებაში დაითვალეთ და კალკულატორი ნაკლებად გამოიყენეთ.
ტვინის ამუშავებით ასაკობრივ-გონებრივი დეგრადაციის პროცესს შეანელებთ, გულის, სისხლძარღვთა სისტემის მუშაობასა და ნივთიერებათა ცვლას გაააქტიურებთ!
3 195 ნახვა
31-01-2017, 21:11
