რაზე მიგანიშნებთ შინაგანი მოუსვენრობა
1 733 ნახვა
ალბათ, ნებისმიერი ადამიანის ცხოვრებაში ყოფილა მომენტი, როცა შუა გზაზე გაჩერებულა და დაფიქრებულა, გამორთო თუ არა გაზქურა, უთო...
ასეთი მდგომარეობა ყველაზე ხშირად ემოციური გადატვირთვის შედეგია. თუ დაისვენებთ, წესრიგში მოიყვანთ თქვენს საქმესა და სულიერ განწყობას, ყველაფერი გაივლის. მაგრამ, თუ ასეთი ქცევა აკვიატებული ხდება, შიში ხშირად გეუფლებათ, სახლში რამდენჯერმე ბრუნდებით ან კიდევ უარესი, მშვენივრად გახსოვთ, რომ გამორთეთ, ჩააქრეთ, დახურეთ, მაგრამ მაინც მოუსვენრად ხართ, სერიოზულად უნდა დაფიქრდეთ და ექიმს მიმართოთ.
შიში, წუხილი, მღელვარება ანუ შინაგანი განგაში, ყველაზე გავრცელებული უარყოფითი ემოციაა. ვლინდება შინაგანი დაძაბულობით, გაურკვეველი, მტანჯველი წინათგრძნობით, უბედურების მოლოდინით. ადამიანი ადგილს ვერ პოულობს, არც ყურადღების კონცენტრაცია შეუძლია. თუ ჰკითხავთ, სახელდობრ რისი ეშინია, კონკრეტულ პასუხს ვერ გაგცემთ.
ნებისმიერი ადამიანისთვის ყველაზე უფრო გახშირებული საცხოვრებლის მიმართ შიშია.
ამ გრძნობასთან გასამკლავებლად ყველას საკუთარი მეთოდი აქვს. ზოგი შინ ბრუნდება, რომ შეამოწმოს, ყველაფერი წესრიგშია თუ არა; ზოგიც რიტუალებს იგონებს ("თუ დავინახავ ხუთ მანქანას ბედნიერი ნომრით - ყველაფერი კეთილად დამთავრდება"), მაგრამ ყველაფერ ამას ხანმოკლე ეფექტი აქვს. რამდენიმე ხნის შემდეგ შინაგანი განგაში კვლავ ახალი ძალით გეუფლებათ.
შინაგანი განგაში
როცა ყველაფერი რიგზეა, მშვიდად ვცხოვრობთ, მაგრამ თუ ადამიანი მუდმივად დაძაბულ მდგომარეობაში ცხოვრობს, თავი კი შავი ფიქრებით აქვს დამძიმებული, ცნობიერება უარს აცხადებს დაიხსომოს ისეთი წვრილმანი, როგორიცაა უთო ან სახლის კარი. ასეთ დროს საკმარისია ერთი ანაზდეული გაფიქრება, რომ მაშინვე განგაში მოგვიცავს, გულის ცემა გვიჩქარდება, ცახცახი გვიპყრობს და სასწრაფოდ შინ ვბრუნდებით. როცა დავრწმუნდებით, რომ ყველაფერი რიგზეა, თითქოს ვმშვიდდებით, მაგრამ იმ საგნისადმი მგრძნობელობა მატულობს, რომელმაც ეს ღელვა გამოიწვია. თუ ისე მოხდა, რომ შინ დაბრუნება ვერ მოვახერხეთ, შიში ასჯერ უფრო მწვავე, მტანჯველი ხდება და გულის შეტევამდე თითქმის ერთი ნაბიჯია.
როგორ დავძლიოთ განგაში?
ეცადეთ, უკიდურესად ყურადღებიანი იყოთ იმ მოქმედებების მიმართ, რომლებსაც ავტომატურად აკეთებთ.
არსებობს ასეთი მეთოდი: ელექტროზონრის როზეტიდან გამორთვისას ან საკეტში გასაღების გადატრიალებისას, ხმამაღლა წარმოთქვით: "უთო გამოვრთე", "კარი დავკეტე". როგორც კი ეჭვი ღრღნას დაგიწყებთ, მაშინვე გაიხსენებთ, რომ ყველაფერი სწორად გააკეთეთ.
ზოგჯერ გულდაჯერებულობა, რომ სახლში ყველაფერი რიგზეა, შიშისა და ღელვის შეგრძნებას მაინც ვერ გიხსნით. ამ შემთხვევაში რელაქსაციის მეთოდს მიმართეთ, მიიღეთ ვალერიანის წვეთები ან აბი.
შეგიძლიათ აუტოტრენინგითაც ისარგებლოთ. ყოველ ჩვენგანს აქვს ადგილი, სადაც თავს სრულიად უსაფრთხოდ გრძნობს. მაგალითად, ბავშვობაში ეს ბებიის სამზარეულო ან საწოლი იყო, თავზე საბანწაფარებული რომ ვიმალებოდით და ვმშვიდდებოდით. შეეცადეთ, თქვენში ეს გრძნობა აღძრათ.
ბოლოს და ბოლოს, რაიმე დადებითზე იფიქრეთ. კარგი იქნება, თუ წარმოსახვით შექმნილ საშინელ სურათებს დაფლეთთ და ქარს გაატანთ. თუ მტანჯველი აზრი დაბრუნდება, გააძევეთ: "გაეთრიე აქედან!" ეს ყოველთვის უნდა გააკეთოთ, როცა მღელვარება შეგიპყრობთ. ტექნიკა მარტივია, მაგრამ შედეგიანი.
როგორ უნდა მოიქცეთ, თუ შინ დაბრუნება და ყველაფრის შემოწმება აუტანლად გსურთ? ამ შემთხვევაში, ჩვეულებრივ, ამბობენ: "უმჯობესია, შინ დაბრუნდე, ვიდრე მთელი დღე იტანჯო?" თუ დაბრუნება ჩვევად გექცათ, შეეცადეთ, ასეთი ქმედებისგან თავი შეიკავოთ და სასწრაფოდ სხვა საქმეზე გადაერთოთ.
სადილის წინ გაზეთი არ წაიკითხოთ!
დაბოლოს, ყველაფერი უნდა მოსინჯოთ, რათა განგაშის შეგრძნებას მოერიოთ. რა თქმა უნდა, ცხოვრება ხშირად გვაიძულებს, დაძაბული ვიყოთ, მაგრამ შეიძლება ზოგ რამეზე შეგნებულად უარი ვთქვათ.
მაგალითად, გაზეთში კრიმინალური ქრონიკა არ წავიკითხოთ, არ ვუყუროთ ჩხუბს, მკვლელობას, საშინელ ფილმებს, მოვერიდოთ ისეთ ადამიანებთან ურთიერთობას, რომლებსაც ყოველთვის ყველაფერი ცუდად აქვთ. როგორც ენამოსწრებული ადამიანები ამბობენ: ცხოვრება საშინელება არ არის, საშინელება ტელევიზორის ყურებაა.
ასეთი მდგომარეობა ყველაზე ხშირად ემოციური გადატვირთვის შედეგია. თუ დაისვენებთ, წესრიგში მოიყვანთ თქვენს საქმესა და სულიერ განწყობას, ყველაფერი გაივლის. მაგრამ, თუ ასეთი ქცევა აკვიატებული ხდება, შიში ხშირად გეუფლებათ, სახლში რამდენჯერმე ბრუნდებით ან კიდევ უარესი, მშვენივრად გახსოვთ, რომ გამორთეთ, ჩააქრეთ, დახურეთ, მაგრამ მაინც მოუსვენრად ხართ, სერიოზულად უნდა დაფიქრდეთ და ექიმს მიმართოთ.
შიში, წუხილი, მღელვარება ანუ შინაგანი განგაში, ყველაზე გავრცელებული უარყოფითი ემოციაა. ვლინდება შინაგანი დაძაბულობით, გაურკვეველი, მტანჯველი წინათგრძნობით, უბედურების მოლოდინით. ადამიანი ადგილს ვერ პოულობს, არც ყურადღების კონცენტრაცია შეუძლია. თუ ჰკითხავთ, სახელდობრ რისი ეშინია, კონკრეტულ პასუხს ვერ გაგცემთ.
ნებისმიერი ადამიანისთვის ყველაზე უფრო გახშირებული საცხოვრებლის მიმართ შიშია.
ამ გრძნობასთან გასამკლავებლად ყველას საკუთარი მეთოდი აქვს. ზოგი შინ ბრუნდება, რომ შეამოწმოს, ყველაფერი წესრიგშია თუ არა; ზოგიც რიტუალებს იგონებს ("თუ დავინახავ ხუთ მანქანას ბედნიერი ნომრით - ყველაფერი კეთილად დამთავრდება"), მაგრამ ყველაფერ ამას ხანმოკლე ეფექტი აქვს. რამდენიმე ხნის შემდეგ შინაგანი განგაში კვლავ ახალი ძალით გეუფლებათ.
შინაგანი განგაში
როცა ყველაფერი რიგზეა, მშვიდად ვცხოვრობთ, მაგრამ თუ ადამიანი მუდმივად დაძაბულ მდგომარეობაში ცხოვრობს, თავი კი შავი ფიქრებით აქვს დამძიმებული, ცნობიერება უარს აცხადებს დაიხსომოს ისეთი წვრილმანი, როგორიცაა უთო ან სახლის კარი. ასეთ დროს საკმარისია ერთი ანაზდეული გაფიქრება, რომ მაშინვე განგაში მოგვიცავს, გულის ცემა გვიჩქარდება, ცახცახი გვიპყრობს და სასწრაფოდ შინ ვბრუნდებით. როცა დავრწმუნდებით, რომ ყველაფერი რიგზეა, თითქოს ვმშვიდდებით, მაგრამ იმ საგნისადმი მგრძნობელობა მატულობს, რომელმაც ეს ღელვა გამოიწვია. თუ ისე მოხდა, რომ შინ დაბრუნება ვერ მოვახერხეთ, შიში ასჯერ უფრო მწვავე, მტანჯველი ხდება და გულის შეტევამდე თითქმის ერთი ნაბიჯია.
როგორ დავძლიოთ განგაში?
ეცადეთ, უკიდურესად ყურადღებიანი იყოთ იმ მოქმედებების მიმართ, რომლებსაც ავტომატურად აკეთებთ.
არსებობს ასეთი მეთოდი: ელექტროზონრის როზეტიდან გამორთვისას ან საკეტში გასაღების გადატრიალებისას, ხმამაღლა წარმოთქვით: "უთო გამოვრთე", "კარი დავკეტე". როგორც კი ეჭვი ღრღნას დაგიწყებთ, მაშინვე გაიხსენებთ, რომ ყველაფერი სწორად გააკეთეთ.
ზოგჯერ გულდაჯერებულობა, რომ სახლში ყველაფერი რიგზეა, შიშისა და ღელვის შეგრძნებას მაინც ვერ გიხსნით. ამ შემთხვევაში რელაქსაციის მეთოდს მიმართეთ, მიიღეთ ვალერიანის წვეთები ან აბი.
შეგიძლიათ აუტოტრენინგითაც ისარგებლოთ. ყოველ ჩვენგანს აქვს ადგილი, სადაც თავს სრულიად უსაფრთხოდ გრძნობს. მაგალითად, ბავშვობაში ეს ბებიის სამზარეულო ან საწოლი იყო, თავზე საბანწაფარებული რომ ვიმალებოდით და ვმშვიდდებოდით. შეეცადეთ, თქვენში ეს გრძნობა აღძრათ.
ბოლოს და ბოლოს, რაიმე დადებითზე იფიქრეთ. კარგი იქნება, თუ წარმოსახვით შექმნილ საშინელ სურათებს დაფლეთთ და ქარს გაატანთ. თუ მტანჯველი აზრი დაბრუნდება, გააძევეთ: "გაეთრიე აქედან!" ეს ყოველთვის უნდა გააკეთოთ, როცა მღელვარება შეგიპყრობთ. ტექნიკა მარტივია, მაგრამ შედეგიანი.
როგორ უნდა მოიქცეთ, თუ შინ დაბრუნება და ყველაფრის შემოწმება აუტანლად გსურთ? ამ შემთხვევაში, ჩვეულებრივ, ამბობენ: "უმჯობესია, შინ დაბრუნდე, ვიდრე მთელი დღე იტანჯო?" თუ დაბრუნება ჩვევად გექცათ, შეეცადეთ, ასეთი ქმედებისგან თავი შეიკავოთ და სასწრაფოდ სხვა საქმეზე გადაერთოთ.
სადილის წინ გაზეთი არ წაიკითხოთ!
დაბოლოს, ყველაფერი უნდა მოსინჯოთ, რათა განგაშის შეგრძნებას მოერიოთ. რა თქმა უნდა, ცხოვრება ხშირად გვაიძულებს, დაძაბული ვიყოთ, მაგრამ შეიძლება ზოგ რამეზე შეგნებულად უარი ვთქვათ.
მაგალითად, გაზეთში კრიმინალური ქრონიკა არ წავიკითხოთ, არ ვუყუროთ ჩხუბს, მკვლელობას, საშინელ ფილმებს, მოვერიდოთ ისეთ ადამიანებთან ურთიერთობას, რომლებსაც ყოველთვის ყველაფერი ცუდად აქვთ. როგორც ენამოსწრებული ადამიანები ამბობენ: ცხოვრება საშინელება არ არის, საშინელება ტელევიზორის ყურებაა.
