როგორ იბრუნებენ ფორმას მშობიარობის შემდეგ ვარსკვლავები
2 983 ნახვა
მშობიარობიდან რამდენიმე კვირაში ისინი თავმომწონედ პოზირებენ ფოტო თუ ტელეკამერების წინ და თამამად წარმოაჩენენ მომხიბვლელ სხეულს. როგორ ახერხებენ ამას?
მერაია ქერი
ორსულობისას მერაიამ 32 კილოგრამი მოიმატა. არც არის გასაკვირი, ის ხომ მუცლით ტყუპს ატარებდა. მშობიარობის შემდეგ მერაიამ სწრაფად დაიბრუნა ჩვეული წონა და ამაზე ღიად ისაუბრა.
12 კილოგრამი მშობიარობისთანავე თავისით გაქრა, აი, 20 კილოგრამთან კი დიდი ჭიდილი დასჭირდა.
სპეციალისტმა მისთვის შესაბამისი დიეტა შეიმუშავა, რომელიც კალორიების კონტროლს ეფუძნებოდა. მას დღეში მხოლოდ 1500 კილოკალორია უნდა მიეღო. მენიუ შედგებოდა მსუბუქი წვნიანებისგან, ახალი ხილისა და ბოსტნეულისგან.
რაც შეეხება ფიზიკურ ვარჯიშს, საკეისრო კვეთის შემდეგ აქტიური სპორტული ვარჯიში არარეკომენდებულია. უმჯობესია, ისინი ხანგრძლივი სეირნობითა და მსუბუქი აერობიკით შეცვალოთ. ასე რომ, გაითვალისწინეთ მერაიას რჩევები და ნუ უღალატებთ პრინციპს - 1500 კილოკალორია დღეში. თუ ამას ორმოცდახუთწუთიან ფიზიკურ ვარჯიშსაც მიუმატებთ, მოხდენილი სხეული გარანტირებული გექნებათ.
მილა იოვოვიჩი
ბუნებრივი სილამაზითა და მოხდენილობით დაჯილდოებულმა მილა იოვოვიჩმა ორსულობისას 30 კილოგრამი მოიმატა. მილამ მშობიარობის შემდეგ ჩვეული წონის დასაბრუნებლად დიეტოლოგ ჰარვი პასტერნაკსა და მის "ხუთი ფაქტორის" სისტემას მიმართა. ამ სისტემის თანახმად, საკვები დღეში ხუთჯერ უნდა მიიღოთ - სამჯერ ზომიერად, ორჯერ კი მსუბუქად წაიხემსოთ.
ამ დაბალკალორიული დიეტის ძირითადი პროდუქტებია ქათმის ხორცი, თევზი, ხილ-ბოსტნეული. შეზღუდული კვების გარდა, აუცილებელია ორი საათი მაინც გაატაროთ სპორტდარბაზში ტრენაჟორებზე და დაკავდეთ ფიტნესით. ამ სისტემის წყალობით, ხუთ თვეში მილას 30 კილოგრამი უკვალოდ გაქრა.
კეიტ ჰადსონი
კეიტი ორჯერ გახდა დედა. მეორე ფეხმძიმობისას 30 კილოგრამი მოიმატა. წონაში დასაკლებად კეიტი კვირაში სამჯერ ექვს საათს ატარებდა სპორტდარბაზში. ერთ საათს - კარდიოვარჯიშებს უთმობდა, მეორეს - იოგას ან პილატესს, დანარჩენ დროს კი დარბოდა, ცეკვავდა და ველოსიპედის პედლებს ატრიალებდა. ამასთან, ვარსკვლავი კვებაში თავს არ იზღუდავდა: ექვსსაათიანი ვარჯიშის პერიოდში კალორიების კვალიც არ რჩებოდა.
