მკვლელი საქორწინო კაბა

კანადის ქალაქ როდონში ქორწილის დროს საშინელი შემთხვევა მოხდა. 30 წლის პატარძალი მარია პანტაზოპულოსი ჩანჩქერთან მდებარე ტბაში დაიხრჩო, სწორედ იმ დროს, როცა საქორწინო კაბით ფოტოკამერის წინ პოზირებდა.

კანადელმა პატარძალმა გადაწყვიტა, ფოტოსესია მოეწყო, თუმცა ქალს ჩანჩქერის ფონზე ფოტოს გადაღების დროს ფეხი გაუცურდა და წყალში ჩავარდა. მძიმე საპატარძლო კაბამ ის ფსკერისკენ წაიღო.

ფოტოგრაფი შეეცადა ქალის გადარჩენას, თუმცა ვერ შეძლო. გარდაცვლილის ცხედარი ტრაგედიიდან რამდენიმე საათში პარკ დორვინ ფოლსის ტერიტორიაზე აღმოაჩინეს.