შორენა ბეგაშვილი - 5 look

დატვირთული გრაფიკის მიუხედავად შორენამ გამოყო დრო ჩვენი პროექტის ფოტო-გადაღებებისთვის და მცირე ინტერვიუს აღებაც მოვახერხეთ. გადაღებები 5 დღის განმავლობაში გაგრძელდა. ასე, რომ წარმოგიდგენთ შორენა ბეგაშვილის 5 მოდურ ლუქს. როგორც უკვე ავღნიშნეთ შორენა შოუს ჩაწერების შემდეგაც გადავიღეთ და აღსანიშნავია, რომ მისი ყოველდღიური ლუქები ისეთივე დახვეწილი და ტენდენციურია, როგორც ჩაწერის დროს! მისი ქალიშვილი ევა კი უკვე გამოირჩევა თავისი სტილით და ხედვით, როგორც გაირკვა დედაც ხელს უწყობს ევას მოდის სიყვარულს.

პირველი გადაღებაში გადავწყვიტეთ ისეთი შორენა წარმოგვედგინა, როგორსაც მაყურებელი იცნობს.
შოუს "იღბლიანი ბორბალის" ჩაწერაზე შორენა ლეოპარდის პრინტიან მაღალწელიან ქვედაბოლოში, შავ კორსეტში გამოწყობილი, პინ-აპ სტილის ლენტით თმაში და Delfos-ის ოქროსფერი სამკაულებით დატვირთული გამოცხადდა.


"მიყვარს ჩანთები და ფეხსაცმელი და რამდენიც არ უნდა შევიძინო არ მბეზრდება!"

"ჩანთაში აუცილებლად უნდა მქონდეს ტელეფონი, თუმცა ხან თავს მაბეზრებს - ხმას ვურთავ
და ისე 'გდია'; კიდევ ჩემი შვილის აიპოდი, რომ გაერთოს სანამ მელოდება გადაღებებზე."