X
  • 5 ტესტი, რომელიც ბავშვის ხასიათის ამოცნობაში დაგეხმარებათ

    ხანდახან უფროსებს უჭირთ ბავშვების გაგება. ამიტომ, ჩვენ შევაგროვეთ ტესტები მშობლებისთვის, რომლებიც თქვენი ბავშვის ხასიათის ამოცნობაში დაგეხმარებათ და გაგიადვილდებათ მასთან საერთო ენის გამონახვა.

    1. ზეფირის ტესტი (4-5 წელი და ზევით)
    ტესტი დაგეხმარეთ გაარკვიოთ, როგორი აზროვნების ტიპს მიეკუთვნება თქვენი ბავშვი - სტრატეგიულს თუ ტაქტიკურს. სტრატეგი მზადაა უარი თქვას წინადადებაზე დღეს, თუ ხვალისთვის უკეთეს შემოთავაზებას მიიღებს. ტაქტიკოსი არ დალოდება ხვალინდელ დღეს და კმაყოფილი იმით, რაც დღეს აქვს.
    დაგჭირდებათ: ტბილეული, მაგიდა, სკამი და ადგილი,
    სადაც ბავშვის ყურადღება გადაიტანთ (სათამაშოების, ტელეფონებისა და ტელევიზორის გარეშე).
    რა უნდა მოიმოქმედოთ: მაგიდაზე დააწყვეთ ტკბილეული (ზეფირი, კანფეტები, შოკოლადი, ნაყინი). ბავშვს აუხსენით, რომ მათი ჭამა შეუძლია მხოლოდ მაშინ, როცა ოთახში მარტო დარჩება, მაგრამ თუ ცდუნებას 10 წუთი გაუძლება, გაორმაგებულ ტკბილეულს მიიღებს. შემდეგ უფროსი ოთახიდან გავა და თუ დაბრუნებისას მაგიდაზე ტკბილეული შეცოტავებული იქნება, დამატებთ არაფერს მიიღებს.
    რას უნდა მიაქციოთ ყურადღება: ზოგიერთი ბავშვი ყველაფერს ერთდროულად ჭამს. ზოგიერთი ცდუნებას ებრძვის: თვალებზე ხელს იფარებს, თმას აწვალებს, ტკბილეულს ეთამაშება, რათა აზრებს გაერიდოს. მაგრამ დესერტს მაინც ჭამს. ეს ტაქტიკოსია. ბავშვების ნაწილს კი ურჩევნია უფროსის შენობაში დაბრუნებას დაელოდოს და ორმაგი ჯილდო მიიღოს. ასეთი ბავშვი სტრატეგია.

    2. ფერადი კონსტრუქტორითა და საღებავებით თამაში
    (3-დან 7 წლამდე)
    გაარკვევთ, თქვენი ბავშვი ინტროვერტია თუ ექსტრავერტი.
    დაგჭირდებათ: პატარა ბავშვებისთვის ფერადი კონსტრუქტორი გამოიყენეთ, დიდი დეტალებით, 5 წლის ზევით ბავშვებისთვის - ფერადი ფანქრები, ფლომასტერები, საღებავები.
    რა უნდა მოიმოქმედოთ: ბავშვს კონსტრუქტორებისგან სახლის აშენება შესთავაზეთ. თქვენს პატარა არქიტექტორს სრული თავისუფლება მიანიჭეთ. უფროს ბავშვს გასაფერადებელი მიეცით. ფერები, რომლებსაც აირჩევს, მნიშვნელოვანია.
    რას უნდა მიაქციოთ ყურადღება: თუ ბავშვმა სახლი ფერადი დეტალებისგან ააწყო, დააკვირდით, არის თუ არა წესისამებრ ფერები განლაგებული. თუ ფერები კომბინირებულია, თუ სახლის რომელიმე ნაწილს თავისი ფერი აქვს, თქვენ წინაშე ინტროვერტია. იგი ყურადღებას აქცევს არა ფორმას, არამედ შიგთავსს, დეტალებს.
    ნახეთ როგორ გააფერადა ბავშვმა გასაფერადებელი. თუ დეტალები გარკვეულ ზონაშია გაფერადებული, ფერები ხაზებიდან არ გადმოდის, თქვენ წინაშე ინტროვერტია.

    3. ტესტი ტკბილი და მლაშე ფაფით
    ეს ტესტი ბავშვის ხასიათის გამოცნობაში დაგეხმარებათ. ბავშვი კონფლიტს გაურბის და მშვიდი სტაბილურიბისკენ მიილტვის თუ საკუთარ პოზიციას აფიქსირებს და გამოკვეთილ ლიდერად იზრდება.
    დაგჭირდებათ: რამდენიმე მეგობარი და ოჯახის წევრი (უფროსები და ბავშვები) და თეფში ტკბილი ფაფით (ეს მნიშვნელოვანია!).
    რა უნდა მოიმოქმედოთ: ყველა მაგიდასთან სხდება და ფაფას ჭამს. ამბობენ, რომ ფაფა საკმაოდ მარილიანია და მისი ჭამა შეუძლებელია. დააკვირდით ბავშვის რეაქციას. სუფრის თითოეულ წევრს ჰკითხეთ მართლა მარილიანია თუ არა კერძი, ბავშვსაც იგივე ჰკითხეთ: ფაფა, რომელსაც ჭამ მარილიანია?.. ბავშვები, რომლებიც ცდილობენ სიმშვიდე შეინარჩუნონ კოლექტივში, მზად არ არიან მის წინააღმდეგ წავიდნენ. მისთვის იმდენად მნიშვნელოვანი არაა ფაფის გემო, რამდენაც კოლექტივში დარჩენა. თუ გიპასუხებთ, რომ მის ფაფა ტკბილია, გასინჯეთ მისი თეფშიდან და უთხარით, რომ მარილიანია. თუ ბავშვი გააგრძელებს საკუთარი აზრის დაფიქსირებას, ის ლიდერად გაიზრდება, მისთვის არა აქვს მნიშვნელობა რას ფიქრობენ გარშემო მყოფები, მისთვის მნიშვნელოვანია საკუთარი მოსაზრება.

    4. ცაცია თუ მემარჯვენე
    იმის დადგენა, ბავშვს რომელი ხელი აქვს აქტიური მარჯვენა თუ მარცხენა, 2 წლიდან შეგიძლიათ. თუმცა, პატარამ შეიძლება ორივე ხელი კარგად გამოიყენოს. ასეთ ადამიანებს ამბიდექსტრებს ეძახიან. სწორი არაა მიდგომა, როცა ცაციას აიძულებენ მარჯვენა ხელით წეროს. მემარცხენე ხშირად ირჩევს მსახიობის, მხატვრისა და მწერილს პროფესიას.
    ვარიანტი ყველაზე პატარებისთვის: დააკვირდით, რომელ ხელს იყენებს ბავშვი ხშირად. რომლით უჭირავს სათამაშო, გართმევთ ტკბილეულს.
    ვარიანტი 3 წლის ზევით ბავშვებისთვის
    სთხოვეთ ორივე ხელით გადააჯაჭვოს, რომელი ხელის დიდი თითიც ზევით აღმოჩნდება, აქტიურიც ისაა.
    მიაქციეთ ყურადღება, რომელი ხელით ხსნის სასმლის თავსახურს - ეს დომინანტი ხელია.
    სთხოვეთ ბავშვს ხელები მკერდზე გადაიჯვარედინოს. ის ხელი აღმოჩნდება ზევიდან, რომელიც აქტიურია.

    5. კლარა დევისის ექსპერიმენტი
    ექიმ დევისის აზრით, პატარა ბავშვი მიგანიშნებთ მისთვის მნიშვნელოვან კვების წესებს. პირველი ტესტისთვის კლარამ აირჩია 3 ბავშვი, 8-დან 10 თვემდე. ისინი აქამდე მხოლოდ დედის რძით იკვებებოდნენ და არ გააჩნიათ განსაკუთრებული მიდრეკილება კვებაში. ახლა ბავშვებს ყოველი ჭამის წინ დაუდგეს 8 ფიალა, რომელშიც გადაანაწილებთ: ხილს, ბოსტნეულს, კვერცხს, ფაფას, ხორცს, შავ პურს, წყალს და რძეს. ბავშვები თავად წყვეტდნენ, რას შეჭამდნენ. თუ პატარა ბრინჯის ფაფაში ჩაყოფდა ხელს და ალოკავდა, დედა კოვზით ისევ ბრინჯის ფაფას აჭმევდა. მას შეეძლო ისევ ფაფა აერჩია და სხვა არაფერი. ამგვარად, ექიმი დევისი 3 დასკვნას აკეთებს:
    1. ბავშვები, რომლებიც მარტივი მენიუდან სასურველს ირჩევენ, კარგად ვითარდებიან. არც ერთს არ მოუმატია და არც დაუკლია წონაში ზედმეტად.
    2. მიუხედავად უწესრიგობისა, გარკვეულ პერიოდში ბავშვი ირჩევს იმ ელემენტებს, რომელიც თითქოს სპრციალური დიეტის შედეგად დაუნიშნეს.
    3. სხვადასხვა დღესა და დროის მონაკვეთში ბავშვის მადა იცვლებოდა. ამ ფაქტმა გავლენა იქონია შედეგზე. ერთი ბავშვი რამდენიმე დღის განმავლობაში მხოლოდ ბოსტნეულს მიირთმევდა, შემდეგ კი თევზითა ან ხორცით დაინტერესდა. იცვლებოდა პროდუქტის რაოდენობაც: რაღაც მომენტში ბავშვს შეიძლებოდა ბევრი რძე სდომებოდა, შემდეგ დავიწყნოდა მისი არსებობა. ამგვარად, ბავშვი თავად წყვეტდა, რა ეჭამა, ორგანიზმის მოთხოვნის მიხედვით.
    იგივე ექსპერიმენტი კლარა დევისმა უფროს ბავშვებსაც (ჯანმრთელ და ავადმყოფ) ჩაუტარა. შედეგი ანალოგიური იყო.
    რა უნდა მოიმოქმედოთ და რას უნდა მიაქციოთ ყურადღება: ექსპერიმენტი შეგიძლიათ შინაც ჩაატაროთ. რაციონი გადაანაწილეთ შემდეგ პროდუქტებზე: ბოსტნეული, ხორცი, თევზი, ხილი, შავი პური, ბურღულეული, რძის პროდუქტები, საბავშვო წვენები და ჩაი. ბავშვს შეუძლია უფროსთან ერთად 1-2 დღით ადრე შეადგინოს რაციონი. ზოგიერთი მეცნიერი გვირჩევს, ექსპერიმენტში სეზონური ხილი გამოვიყენოთ.
    166 ნახვა
    11-08-2019, 10:50
    GOGATV