ილუზიონისტმა მილიონ ვოლტს გაუძლო

39 წლის ამერიკელმა ილუზიონისტმა, დევიდ ბლეინიმ, ნიუ იორკში საკუთარ თავზე სახიფათო ტრიუკი ჩაატარა – 3 დღის განმავლობაში 1 მილიონ ვოლტიანი ძაბვის ქვეშ იდგა.

დევიდი 6 მეტრიან სპეციალურ ნაგებობაზე პარასკევ საღამოს ავიდა და იქ საკვებისა და ძილის გარეშე 72 საათი გაატარა. მილიონვოლტიანი ძაბვისგან მას ჯავშანი იცავდა, რომლის წონაც 12 კილოგრამს შეადგენდა. პირში კი სპეციალური მილი ჰქონდა, რომლის საშუალებითაც ქოქოსის წვენს სვამდა.