გოგი დოლიძის ხმა 16 წლის შემდეგ გააცოცხლეს
2 221 ნახვა
სტუდია "ბრავო რექორდსმა" ექსპერიმენტული პროექტი განახორციელა. ქართული ესტრადის ბულბულად წოდებული გოგი დოლიძის გარდაცვალებიდან 16 წლის შემდეგ გამოვიდა ალბომი "იყო და არა იყო რა...". ამ ალბომის უნიკალურობა იმაში მდგომარეობს, რომ მომღერლის ხმა ახლებურად არანჟირებულ მუსიკას დაედო, რომელიც მუსიკოსმა ზვიად ბოლქვაძემ შექმნა და გოგი დოლიძის ნაცნობი სიმღერების სრულიად ახლებური ინტერპრეტაცია მივიღეთ.
"ბრავო რექორდსმა" გოგის ვაჟის, ლევან დოლიძის და ამ პროექტის ავტორის, ქეთი ლოლაძის თანადგომით, გოგი დოლიძის ჩანაწერები მოიპოვა – ვოკალი მუსიკის გარეშე. ალბომში 11 ჰიტი შევიდა. მათი მოსმენით შთაბეჭდილება რჩება, რომ სიმღერები გოგის სიცოცხლეშივეა ჩაწერილი.
ზაზა შენგელია – "ბრავო რექორდსის" დამფუძნებელი:
– პირადად ჩემი და ჩემი გუნდის დიდი ოცნება იყო, გოგი დოლიძის ალბომი გაგვეკეთებინა ისე, რომ ის ნამდვილი საკოლექციო ალბომი გამხდარიყო თითოეული ქართველისათვის. იშვიათად მეგულება მუსიკოსი, რომელიც ქართველებს ისე უყვარდეთ, როგორც გოგი დოლიძე. ჩათვალეთ, რომ ამ ალბომით გოგი დოლიძე გავაცოცხლეთ. ძალიან საინტერესო "დიალოგი" შედგა გოგისა და ზვიად ბოლქვაძეს შორის, რომელმაც გოგის სიმღერების არანჟირების სრულიად ახლებური და საოცარი ვერსიები შემოგვთავაზა.
– თქვენ გეკუთვნით ალბომის გაკეთების იდეა?
– იდეა ქეთი ლოლაძეს ეკუთვნის, რომელიც გოგის მუსიკალური მემკვიდრეობის დიდი ქომაგია. დავუკავშირდით გოგის შვილს, ლევანს. ყველანაირი იურიდიული საკითხი მოვაგვარეთ და ერთობლივად გადავწყვიტეთ, რომ ალბომის მუსიკალური მხარე ზვიად ბოლქვაძისთვის მიგვებარებინა. ეს ყველაზე დიდი მიგნება იყო ჩვენი მხრიდან.
ზვიად ბოლქვაძე:
– ამ პროექტს ძალიან დიდი პასუხისმგებლობით მივუდექი. მაქსიმალურად დავიხარჯე და მოვინდომე, ისეთი მუსიკა გაგვეკეთებინა, რომელიც ამ დიდ ადამიანს შეეფერებოდა. ეს ადამიანი მუსიკაშიც და ცხოვრებაშიც სამაგალითოა ჩემთვის. თანამედროვე ტექნიკით შევძელით გოგის ძველი ჩანაწერებიდან ხმის გაწმენდა. რთული სამუშაო იყო, ყველამ გადავდეთ თავი და, მგონი, კარგი შედეგიც მივიღეთ.
"ბრავო რექორდსმა" გოგის ვაჟის, ლევან დოლიძის და ამ პროექტის ავტორის, ქეთი ლოლაძის თანადგომით, გოგი დოლიძის ჩანაწერები მოიპოვა – ვოკალი მუსიკის გარეშე. ალბომში 11 ჰიტი შევიდა. მათი მოსმენით შთაბეჭდილება რჩება, რომ სიმღერები გოგის სიცოცხლეშივეა ჩაწერილი.
ზაზა შენგელია – "ბრავო რექორდსის" დამფუძნებელი:
– პირადად ჩემი და ჩემი გუნდის დიდი ოცნება იყო, გოგი დოლიძის ალბომი გაგვეკეთებინა ისე, რომ ის ნამდვილი საკოლექციო ალბომი გამხდარიყო თითოეული ქართველისათვის. იშვიათად მეგულება მუსიკოსი, რომელიც ქართველებს ისე უყვარდეთ, როგორც გოგი დოლიძე. ჩათვალეთ, რომ ამ ალბომით გოგი დოლიძე გავაცოცხლეთ. ძალიან საინტერესო "დიალოგი" შედგა გოგისა და ზვიად ბოლქვაძეს შორის, რომელმაც გოგის სიმღერების არანჟირების სრულიად ახლებური და საოცარი ვერსიები შემოგვთავაზა.
– თქვენ გეკუთვნით ალბომის გაკეთების იდეა?
– იდეა ქეთი ლოლაძეს ეკუთვნის, რომელიც გოგის მუსიკალური მემკვიდრეობის დიდი ქომაგია. დავუკავშირდით გოგის შვილს, ლევანს. ყველანაირი იურიდიული საკითხი მოვაგვარეთ და ერთობლივად გადავწყვიტეთ, რომ ალბომის მუსიკალური მხარე ზვიად ბოლქვაძისთვის მიგვებარებინა. ეს ყველაზე დიდი მიგნება იყო ჩვენი მხრიდან.
ზვიად ბოლქვაძე:
– ამ პროექტს ძალიან დიდი პასუხისმგებლობით მივუდექი. მაქსიმალურად დავიხარჯე და მოვინდომე, ისეთი მუსიკა გაგვეკეთებინა, რომელიც ამ დიდ ადამიანს შეეფერებოდა. ეს ადამიანი მუსიკაშიც და ცხოვრებაშიც სამაგალითოა ჩემთვის. თანამედროვე ტექნიკით შევძელით გოგის ძველი ჩანაწერებიდან ხმის გაწმენდა. რთული სამუშაო იყო, ყველამ გადავდეთ თავი და, მგონი, კარგი შედეგიც მივიღეთ.
