გოჩა ჩერტკოევის ჯიბეში ამოზრდილი ჯეჯილი
3 038 ნახვა
გასულ ორშაბათს "ცეკვავენ ვარსკვლავების" მეორე სეზონი გრანდიოზულად გაიხსნა. პირველი სეზონისგან განსხვავებით, პროექტში რამდენიმე ცვლილება მოხდა. შეიცვალა ჟიურის რამდენიმე წევრი, შეიცვალნენ შოუს წამყვანებიც.
ჟიურის ძველი შემადგენლობიდან მხოლოდ ნანუკა ჟორჟოლიანი და გოჩა ჩერტკოევი დარჩნენ. კუკარაჩა - იგივე ლევან უჩანეიშვილი, ქორეოგრაფმა კოტე ფურცელაძემ შეცვალა. ნინო სუხიშვილი და ნინო ანანიაშვილი - ეპატაჟურმა ია ფარულავამ და ქორეოგრაფმა თეა გობეჯიშვილმა.
პირველ კონცერტზე მაყურებელმა შოკი ანრი ჯოხაძის მომატებული კილოგრამებით მიიღო. მომღერალმა მძიმედ ირბინა სცენაზე და ცეკვის დასასრულს ჟიურის შენიშვნაც მიიღო, მაგრამ ყველაფერი წინ გახლდათ, სცენაზე მოულოდნელად წითელი ნაჭრით პოეტი და საზოგადო მოღვაწე გივი სიხარულიძე შემოვარდა და ხარის მოლოდინში მყოფს ხელში ახალგაზრდა გოგონა შერჩა.
"მამა" - იყვირა ცეკვის დასასრულს ია ფარულავამ და საზოგადო მოღვაწეს სახეზე ეშმაკურმა ღიმილმა გადაურბინა. "ეს იყო სექსი პარკეტზე", "მე მჯერა, რომ ქართველ მამაკაცებს კლიმაქსი არ ემართებათ" - არ ცხრებოდა ია ფარულავა და გივის მიმართ კომპლიმენტებს არ იშურებდა.
პირველი კონცერტის დასასრულს მონაწილეების სმს-ნომერი გამოაცხადეს და მაყურებელი დაგვამშვიდეს, რომ მეორე კონცერტამდე შოუს არც ერთი წყვილი არ დატოვებდა.
ერთკვირიანი ლოდინის შემდეგ ეს დღეც დადგა. მეორე კონცერტმა, პირველისგან განსხვავებით, ხმაურიანად ჩაიარა. შოუ ლევან ხურციას სათამადო ხმით დაიწყო და ბექა ელბაქიძის წიგნებიდან ამოკრეფილი ციტატებით გაგრძელდა. ლევან ხურციას რომ ვუსმენ, ასე მგონია, რომ ამ ადამიანს ხელში მიკროფონის მაგიერ, მინიმუმ, ყანწი უნდა ეჭიროს. ბექა ელბაქიძის ინტელექტის დემონსტრირებას სხვადასხვა შოუდან დიდი ხანია, მორჩილად იტანს მაყურებელი.
გოჩა ჩერტკოევის უცნაურ ჩაცმულობას არაერთხელ მიუქცევია მაყურებლის ყურადღება. მის გადამკიდეს რა არ გვინახავს, მაგრამ არაფრით არ გვჯერა, რომ ეს ამერიკული მოდის ნაწილია. ამჯერად ჟიურის ყველაზე მკაცრი წევრი ჯიბეში ამოზრდილი ჯეჯილით გამოგვეცხადა. მართლა არ მეგონა, გივის წითელი ნაჭრის ფრიალის შემდეგ თუ რამე გამაკვირვებდა, მაგრამ გოჩას მიერ, სავარაუდოდ, ამერიკიდან ჩამოტანილმა ჯეჯილმა ნამდვილად შოკში ჩამაგდო.
რამდენიმე საცეკვაო ნომრის შემდეგ სცენაზე ანრი ჯოხაძემ გაინავარდა. "ევროვიზიისთვის" გაქერავებული ანრი დიდი ხანია, რაც ამ იმიჯს ინარჩუნებს, თუმცა მას შემდეგ წარუმატებლობა თითქოს თან სდევს. ცეკვა არც ამჯერად გამოუვიდა. მეწყვილე გოგონა ლამის ხელიდან გაუვარდა და სცენა მძიმედ აქოშინებულმა დატოვა. "ამას ჰქვია, ჩავისვარე" - აღმოხდა ჯოკერს და თვალწინ კიდევ ერთხელ ჩაუარა "ევროვიზიის" კულისებმა.
სანამ ჟიური ანრის ზედმეტ კილოგრამებს ებრძოდა, "მის საქართველო" ჯანეტ ქერდიყოშვილმა იას მორცხვად გაუმხილა, რომ გასულ კვირას მიღებული შენიშვნის შემდეგ ერთ კვირაში სამი კილო დაიკლო. იქ, სადაც დიეტაა, ნანუკა ჟორჟოლიანიც ჩნდება. "როგორ? გვასწავლე", - არ დაიბნა ჟურნალისტი.
"გივიიიიიიიიიი", "გივიიიიიიიიიიიი" - ამ შეძახილს ჯერ კიდევ გასულ კვირას გაიგონებდით. ისეთი შთაბეჭდილება მრჩება, რომ დარბაზში მყოფი მაყურებლის დიდი ნაწილი შოუს კი არა, გივი სიხარულიძის ცეკვის სანახავად მიდის. გივის და ლელოს დუეტს მაყურებლის მხრიდან დარბაზში აპლოდისმენტები მოჰყვა, მაგრამ ამჯერად ფრაკში გამოწყობილმა მაჩომ სცენაზე სექსის მაგიერ დიალოგი გამართა.
სცენაზე საზოგადო მოღვაწის შემოსვლის პარალელურად, უკანა ფონზე 25-ნომერშემოხაზულმა მატარებელმა ჩაიარა. ალბათ, მკითხველს შეხსენება არ სჭირდება, რა საერთოა გივის და 25-ს შორის.
ია ფარულავას "მამამ" იმედები არც ამჯერად გაუცრუა. ჟიურიმ კი კიდევ ერთხელ მოუწონა კაცობა, ვაჟკაცობა, "მეობა" და ხანშიშესულმა მაჩომ სცენა ბედნიერმა დატოვა.
შოუს გამორჩეული ნომერი რატი წითელაძის და ანი ჯაჯანიძის გამოსვლა გახდა. სპორტსმენი წითელაძე, რომელიც პოპულარული ნახევრად შიშველი ფოტოებით გახდა, პროექტში ვარსკვლავის სტატუსით მონაწილეობს.
ფინალში აუტსაიდერის როლში ორი წყვილი აღმოჩნდა: ანრი ჯოხაძე, რომელიც სცენაზე ორჯერ დაიღალა და ოთარ ტატიშვილი, ცნობილი ექიმი, რომელიც საზოგადოებამ სერიალით გაიცნო და ამის შემდეგ კარგა ხანს საკუთარი შოუ სხვადასხვა ცხოველის ფორმაში გადაცმულს მიჰყავდა, მაგრამ როგორც "იმედის" არაერთი პროექტი, ისიც დახურეს.
ანრის გული უგრძნობდა, რომ მეორედ დამარცხდებოდა და მაყურებელს სცენიდან ბოლო წუთების ათვლამდე დაემშვიდობა. მართალია, დიდი განსხვავება არ ყოფილა ანრის და ოთარის ცეკვასა და კილოგრამებში, მაგრამ შოუ საბოლოოდ ანრიმ დატოვა.
როგორც ჩანს, ოთარ ტატიშვილს ხმა კმაყოფილმა პაციენტებმა მისცეს; აი, ანრი კი რატომ დარჩა შოუს მიღმა, ალბათ, ამაზე გულს რომელიმე ინტერვიუში მოიოხებს.
ნინო კანდელაკი
ჟიურის ძველი შემადგენლობიდან მხოლოდ ნანუკა ჟორჟოლიანი და გოჩა ჩერტკოევი დარჩნენ. კუკარაჩა - იგივე ლევან უჩანეიშვილი, ქორეოგრაფმა კოტე ფურცელაძემ შეცვალა. ნინო სუხიშვილი და ნინო ანანიაშვილი - ეპატაჟურმა ია ფარულავამ და ქორეოგრაფმა თეა გობეჯიშვილმა.
პირველ კონცერტზე მაყურებელმა შოკი ანრი ჯოხაძის მომატებული კილოგრამებით მიიღო. მომღერალმა მძიმედ ირბინა სცენაზე და ცეკვის დასასრულს ჟიურის შენიშვნაც მიიღო, მაგრამ ყველაფერი წინ გახლდათ, სცენაზე მოულოდნელად წითელი ნაჭრით პოეტი და საზოგადო მოღვაწე გივი სიხარულიძე შემოვარდა და ხარის მოლოდინში მყოფს ხელში ახალგაზრდა გოგონა შერჩა.
"მამა" - იყვირა ცეკვის დასასრულს ია ფარულავამ და საზოგადო მოღვაწეს სახეზე ეშმაკურმა ღიმილმა გადაურბინა. "ეს იყო სექსი პარკეტზე", "მე მჯერა, რომ ქართველ მამაკაცებს კლიმაქსი არ ემართებათ" - არ ცხრებოდა ია ფარულავა და გივის მიმართ კომპლიმენტებს არ იშურებდა.
პირველი კონცერტის დასასრულს მონაწილეების სმს-ნომერი გამოაცხადეს და მაყურებელი დაგვამშვიდეს, რომ მეორე კონცერტამდე შოუს არც ერთი წყვილი არ დატოვებდა.
ერთკვირიანი ლოდინის შემდეგ ეს დღეც დადგა. მეორე კონცერტმა, პირველისგან განსხვავებით, ხმაურიანად ჩაიარა. შოუ ლევან ხურციას სათამადო ხმით დაიწყო და ბექა ელბაქიძის წიგნებიდან ამოკრეფილი ციტატებით გაგრძელდა. ლევან ხურციას რომ ვუსმენ, ასე მგონია, რომ ამ ადამიანს ხელში მიკროფონის მაგიერ, მინიმუმ, ყანწი უნდა ეჭიროს. ბექა ელბაქიძის ინტელექტის დემონსტრირებას სხვადასხვა შოუდან დიდი ხანია, მორჩილად იტანს მაყურებელი.
გოჩა ჩერტკოევის უცნაურ ჩაცმულობას არაერთხელ მიუქცევია მაყურებლის ყურადღება. მის გადამკიდეს რა არ გვინახავს, მაგრამ არაფრით არ გვჯერა, რომ ეს ამერიკული მოდის ნაწილია. ამჯერად ჟიურის ყველაზე მკაცრი წევრი ჯიბეში ამოზრდილი ჯეჯილით გამოგვეცხადა. მართლა არ მეგონა, გივის წითელი ნაჭრის ფრიალის შემდეგ თუ რამე გამაკვირვებდა, მაგრამ გოჩას მიერ, სავარაუდოდ, ამერიკიდან ჩამოტანილმა ჯეჯილმა ნამდვილად შოკში ჩამაგდო.
რამდენიმე საცეკვაო ნომრის შემდეგ სცენაზე ანრი ჯოხაძემ გაინავარდა. "ევროვიზიისთვის" გაქერავებული ანრი დიდი ხანია, რაც ამ იმიჯს ინარჩუნებს, თუმცა მას შემდეგ წარუმატებლობა თითქოს თან სდევს. ცეკვა არც ამჯერად გამოუვიდა. მეწყვილე გოგონა ლამის ხელიდან გაუვარდა და სცენა მძიმედ აქოშინებულმა დატოვა. "ამას ჰქვია, ჩავისვარე" - აღმოხდა ჯოკერს და თვალწინ კიდევ ერთხელ ჩაუარა "ევროვიზიის" კულისებმა.
სანამ ჟიური ანრის ზედმეტ კილოგრამებს ებრძოდა, "მის საქართველო" ჯანეტ ქერდიყოშვილმა იას მორცხვად გაუმხილა, რომ გასულ კვირას მიღებული შენიშვნის შემდეგ ერთ კვირაში სამი კილო დაიკლო. იქ, სადაც დიეტაა, ნანუკა ჟორჟოლიანიც ჩნდება. "როგორ? გვასწავლე", - არ დაიბნა ჟურნალისტი.
"გივიიიიიიიიიი", "გივიიიიიიიიიიიი" - ამ შეძახილს ჯერ კიდევ გასულ კვირას გაიგონებდით. ისეთი შთაბეჭდილება მრჩება, რომ დარბაზში მყოფი მაყურებლის დიდი ნაწილი შოუს კი არა, გივი სიხარულიძის ცეკვის სანახავად მიდის. გივის და ლელოს დუეტს მაყურებლის მხრიდან დარბაზში აპლოდისმენტები მოჰყვა, მაგრამ ამჯერად ფრაკში გამოწყობილმა მაჩომ სცენაზე სექსის მაგიერ დიალოგი გამართა.
სცენაზე საზოგადო მოღვაწის შემოსვლის პარალელურად, უკანა ფონზე 25-ნომერშემოხაზულმა მატარებელმა ჩაიარა. ალბათ, მკითხველს შეხსენება არ სჭირდება, რა საერთოა გივის და 25-ს შორის.
ია ფარულავას "მამამ" იმედები არც ამჯერად გაუცრუა. ჟიურიმ კი კიდევ ერთხელ მოუწონა კაცობა, ვაჟკაცობა, "მეობა" და ხანშიშესულმა მაჩომ სცენა ბედნიერმა დატოვა.
შოუს გამორჩეული ნომერი რატი წითელაძის და ანი ჯაჯანიძის გამოსვლა გახდა. სპორტსმენი წითელაძე, რომელიც პოპულარული ნახევრად შიშველი ფოტოებით გახდა, პროექტში ვარსკვლავის სტატუსით მონაწილეობს.
ფინალში აუტსაიდერის როლში ორი წყვილი აღმოჩნდა: ანრი ჯოხაძე, რომელიც სცენაზე ორჯერ დაიღალა და ოთარ ტატიშვილი, ცნობილი ექიმი, რომელიც საზოგადოებამ სერიალით გაიცნო და ამის შემდეგ კარგა ხანს საკუთარი შოუ სხვადასხვა ცხოველის ფორმაში გადაცმულს მიჰყავდა, მაგრამ როგორც "იმედის" არაერთი პროექტი, ისიც დახურეს.
ანრის გული უგრძნობდა, რომ მეორედ დამარცხდებოდა და მაყურებელს სცენიდან ბოლო წუთების ათვლამდე დაემშვიდობა. მართალია, დიდი განსხვავება არ ყოფილა ანრის და ოთარის ცეკვასა და კილოგრამებში, მაგრამ შოუ საბოლოოდ ანრიმ დატოვა.
როგორც ჩანს, ოთარ ტატიშვილს ხმა კმაყოფილმა პაციენტებმა მისცეს; აი, ანრი კი რატომ დარჩა შოუს მიღმა, ალბათ, ამაზე გულს რომელიმე ინტერვიუში მოიოხებს.
ნინო კანდელაკი
