X
  • ცხოვრება სესხის გარეშე

    იმ შემთხვევაში, თუ გსურთ, რომ სესხის აღება არასოდეს დაგჭირდეთ, ამისათვის უნდა იცოდეთ საკუთარი ფინანსების სწორად მართვა და მათ გაზრდაზე ზრუნვის მეთოდები.

    სირთულის მიუხედავად, შეუძლებელი არაფერია და საკუთარი, ცხოვრებისეული ბიუჯეტის ზრდა, უფრო კონკრეტულად, რომ ვთქვათ, გამდიდრება ნებისმიერ ადამიანს შეუძლია და ამისათვის, ლატარიაში ჯეკ -პოტის მოგება, არ არის აუცილებელი?

    როგორ? სპეციალისტების აზრით, გამდიდრებისთვის აუცილებელია, შემდეგი რჩევების გათვალისწინება:

    როგორ გავმდიდრდეთ ისე, რომ არ დაგვჭირდეს სესხი?

    რჩევა N1 – შეცვალეთ ფულის მიმართ თქვენი დამოკიდებულება.

    რატომ არის თქვენი დამოკიდებულება მცდარი? ამ სტატიას თუ კითხულობთ, ეს ნიშნავს, რომ ჯერ არ გამდიდრებულხართ და სწორედ თქვენი სიღარიბე მიუთითებს, ფულის მიმართ თქვენს არასწორ დამოკიდებულებაზე.

    პირველ რიგში, მოეშვით ფულის, უფრო კონკრეტულად კი ფულიანი ადამიანების სიძულვილს. უმჯობესი იქნება თუ ამ ადამიანებს კარგად გაიცნობთ, რადგან ეს ცოდნა დაგეხმარებათ, რომ დაემსგავსოთ მათ ანუ თქვენც გახდეთ ფულიანი.

    შეისწავლეთ ფინანსური წარმატების ის გზები, რომლებიც უკვე გაიარეს სხვებმა და სწორედ ასეთი ადამიანები იყოლიეთ მისაბაძ ობიექტებად.

    კარგი იქნება თუ ასეთ ადამიანს თქვენს მასწავლებლად აქცევთ ან მისი პროტეჟე გახდებით, ეს წარმატების მიღწევას კიდევ უფრო მეტად გაგიადვილებთ.

    მდიდარი ადამიანების გარდა, თქვენ კარგად უნდა გაიცნოთ თავად ფულიც, მისი ბუნება და ის თუ საიდან მოდის და სად მიდის.

    ასევე, ნუ შეხედავთ ფულს ისე როგორც მარტივად მოსანადირებელ ცხოველს. გაითავისეთ, რომ ფულის შოვნას სჭირდება მოქმედება და შრომა. სწორედ ეს გახლავთ ფულისადმი ყველაზე უფრო სწორი და მომგებიანი დამოკიდებულება.


    რჩევა N2 – გაათვითცნობიერეთ დაბალი რიცხვების მნიშვნელობა.

    მცდარია მოსაზრება, თითქოს დიდი ფულის შოვნა, მხოლოდ და მხოლოდ დიდი ინვესტიციით არის შესაძლებელი.

    რეალურად, ბიზნესის წამოწყება მცირე ბიუჯეტითაც შეიძლება.

    „შენ არ გჭირდება, რომ იყო დიდებული იმისათვის, რომ დაიწყო, მაგრამ შენ აუცილებლად უნდა დაიწყო, იმისათვის, რომ გახდე დიდებული“ – ეს ფრაზა, გაყიდვების ერთ -ერთი ყველაზე უფრო ცნობილ და წარმატებული სპეციალისტს, ზიგ ზიგლარს ეკუთვნის, რომელსაც კარიერის მანძილზე, მრავალ წარმატებულ ბიზნესმენთან უმუშავია და ბიზნესის სფეროში უდიდესი გამოცდილება ჰქონდა.

    დაუჯერეთ ბატონ ზიგლარს, ნუ დაივიწყებთ, რომ ამ ქვეყნად ყველაფერი მცირედით იწყება და სწორი განვითარების შემთხვევაში იძენს დიდ მასშტაბებს.

    იგივეს თქმა შეიძლება ფინანსურ დანაზოგზეც, არა აქვს მნიშვნელობა, რა თანხის გადადება შეგიძლიათ ყოველთვიურად, მთავარია, რომ რაღაც თანხა გამოყოთ და დროთა განმავლობაში, თქვენი დანაზოგი მსხვილ ფულად იქცევა. ფულად, რომელიც შესაძლოა ბიზნესის წამოწყებისთვისაც კი გამოდგეს.

    დაბალი რიცხვების მნიშვნელობის სრულად გათვითცნობიერებისთვის, აუცილებელია, იცოდეთ, რომ უსარგებლო და არაგონივრული ხარჯები მაშინაც კი აზიანებს თქვენს ბიუჯეტსა და შესაბამისად, თქვენს ფინანსურ მომავალს, როცა ისინი ძალიან მაღალი თანხებისგან არ შედგება.

    აქვე გეტყვით იმასაც, რომ ფულის გონივრული და სწორი ეკონომია, გახლავთ ფინანსური წარმატების მიღწევისთვის აუცილებელი ერთ -ერთი უმნიშვნელოვანესი ნაბიჯი, რომელიც ყოველდღიურად უნდა გადადგათ. დაზოგეთ მცირე თანხებიც კი.


    რჩევა N3 – შენ თავად ქმნი საკუთარ მდგომარეობას.

    გახსოვდეთ, თქვენი ცხოვრება თქვენი, თქვენს მიერ გადადგმული ნაბიჯებისა და თქვენს მიერ მიღებული გადაწყვეტილებების შედეგია.

    არ დაივიწყოთ ეს და არასოდეს, რათა საკუთარი პრობლემების ან თქვენთვის არასასურველი მდგომარეობის სხვა რაიმეზე ან ვინმეზე გადაბრალება არ დაიწყოთ.

    ასევე, გახსოვდეთ ისიც, რომ ფინანსური კეთილდღეობა სულაც არ არის მემკვიდრეობის საკითხი.

    შესაძლოა თქვენი მშობლები ღარიბები იყვნენ, მაგრამ დაარწმუნეთ საკუთარი თავი, რომ თქვენ შეგიძლიათ ამ მემკვიდრეობაზე უარის თქმა და საკუთარი მდგომარეობის თავად შექმნა.

    აიღეთ მართვის სადავეები ხელში და მოტივაციისთვის, გამოიყენეთ ამერიკელი ბიზნესმენის, დეივ რემსის სიტყვები, რომელმაც თქვა: „აკონტროლეთ საკუთარი ფული, თორემ, მისი ნაკლებობა დაიწყებს თქვენს კონტროლს.“


    რჩევა N4 – მიიღეთ ფინანსური განათლება.

    არ არის აუცილებელი ფინანსისტის მაგისტრის დიპლომი, მთავარია, რომ გაეცნოთ ყველა იმ წესს, რომელიც პირადად დაგჭირდებათ და გამოგადგებათ.

    ბოლო რჩევა – არ ინერვიულოთ!

    ეს რჩევა გამოგადგებათ არამხოლოდ ფულთან დაკავშირებით, არამედ ზოგადად ცხოვრებაშიც.

    ნერვიულობა კარგს არაფერს მოგიტანთ. პირიქით, ის დაგაკარგვინებთ დროს და ხელს შეგიშლით კონცენტრირებაში, რამაც შესაძლოა არასწორი ნაბიჯები და შეცდომები გამოიწვიოს.

    სჯობს, ცივი გონებით, უსარგებლო ემოციების გარეშე, საფუძვლიანი ანალიზის შემდეგ მოაგვაროთ პრობლემები და გადადგათ გარკვეული ნაბიჯები!
    183 ნახვა
    20-09-2019, 11:29
    GOGATV