როგორ იღებენ ჰოლივუდში ეროტიკულ სცენებს

თუ ფიქრობთ, რომ ჰოლივუდში ეროტიკას მხოლოდ და მხოლოდ "ცოცხლად" იღებენ, მაშინ ძალიან ცდებით. რა თქმა უნდა, კამერის წინ გაშიშვლება "მეორე" ხარისხის მსახიობს შეუძლია, მაგრამ მასშტაბური ვარსკვლავის ამაზე დათანხმება ადვილი არ არის.


ასეთი სცენებისთვის არსებობს, მაგალითად, სპეციალური "დასამაგრებელი" მკერდი.

ეს ხელოვნური მკერდი თუ უკანალი ძალიანაც რეალურად გამოიყურება კადრში და მსახიობებს აღარ უწევთ გაწითლება პირველ რიგში ახლო ნათესავების წინაშე.

სპეციალური კორსეტები ფარავს სხეულს კისრიდან წელის არემდე, თუ საჭირო გახდა, კოჭებამდეც... მაგრამ ამ მოწყობილობას შეუძლია ალერგიის რთული ფორმა გამოიწვიოს. ამიტომაც ხშირად მის ქვეშ თხელ, ასევე სპეციალურ კომბინეზონს იცვამენ მსახიობები.

ჰოლივუდის პირველი კლასის ვარსკვლავებს არ უყვართ შიშვლად გამოჩენა. "როცა ტანსაცმლით თამაშობ, მაშინ ეს - მხატვრული ფილმია, მაგრამ როცა შიშველი ხარ - ფილმი დოკუმენტურია. მე დოკუმენტურ კინოში არ ვმონაწილეობ", - ამბობს ჯულია რობერტსი. და როდესაც მორიგ ფილმზე კონტრაქტს დებს, რობერტსი სანტიმეტრების ჩათვლით არკვევს სიშიშვლის დემონსტრირების საზღვრებს.

ჯონ ტრავოლტამ ბოლო ორი წლის განმავლობაში ოთხი სცენარი დაიწუნა, რადგან იქ მას გაშიშვლება მოსთხოვეს. იქნებ იმიტომ, რომ ის უკვე ისე კარგად არ გამოიყურება, როგორც ადრე?..

კეტი ბეიტსი ერთი კვირის განმავლობაში აწარმოებდა მოლაპარაკებებს, რადგან ის ნიკოლსონთან აბაზანაში შიშველი უნდა ჩაწოლილიყო ფილმის "შმიდტზე" გადაღებების დროს. იმისათვის, რომ პარტნიორი ქალი დაეთანხმებინა, ჩვეულებრივ უკომპლექსო ჯეკ ნიკოლსონი დათანხმდა ჩაეცვა ოდნავ შესამჩნევი ტრუსები.

მაგრამ ძალიან მორცხვი მსახიობები თავს იმისგანაც იზღვევენ, რომ ოპერატორმა კონტრაქტით გაუთვალისწინებელი შიშველი ადგილები არ გამოაჩინოს კადრში. ამიტომაც სანდრა ბალოკი და კამერონ დიასი დელიკატური სცენების გადაღებების წინ მუქ სკოტჩს იკრავენ მკერდსა და სხვა იმ ინტიმურ ადგილებზე, რომლებიც არ უნდათ რომ გამოჩნდეს კამერაში.

ზოგიერთი მსახიობი, ისეთი, როგორებიც არიან ანჯელინა ჯოლი და ანტონიო ბანდერასი, არ ერიდებიან სხულის ყველაზე ინტიმური ადგილების გამოჩენას სცენებში. პირიქით, ფილმი "მოჯადოების" გადაღებებისას ანტონიო ისე შევიდა როლში, რომ მალე გადასაღებ მოედანზე მისი ძვირფასი მეუღლე, მელანი გრიფიტი მოვარდა... შედეგად, ფილმიდან ყველაზე თამამი სცენები ამოჭრეს...

თუმცა, რეჟისორები ამტკიცებენ: იმისათვის, რომ საკასო ფილმი გამოვიდეს, მსახიობები ნამდვილად უნდა გააშიშვლო, მაგალითად, როგორც შერონ სტოუნი.

როცა შერონისა და მაიკლ დუგლასის საკვანძო სცენას იღებდნენ ფილმ "ძირითად ინსტინქტში", რეკვიზიტორებმა შერონს შესთავაზეს სპეციალური შესანიღბი საცვლები, რაზეც შერონს აღმოხდა: "ეს ხომ არაბუნებრივი იქნება!" და კატეგორიული უარი თქვა, როგორც სპეცსაცვლებზე, ასევე დუბლიორის მომსახურებაზეც.

ყველას, ვინც გადაღებებს ესწრებოდა, ტანში ჟრუანტელი უვლიდა, იმდენად დამაჯერებლად მიეცნენ მსახიობები ვნებას.

საწოლის ბოლო სცენას ფილმში ექვსი დღის განმავლობაში იღებდნენ! გადაღებების დროს მაიკლი (მსახიობი ცნობილია თავისი დაუცხრომელი ტემპერამენტით) იმდენად იღგზნებოდა, რომ სამუშაოს შემდეგ ცეცხლს უამრავ ქალთან იცხრობდა. ამბობენ, რომ სწორედ ამ ფილმის გამოსვლის შემდეგ მოითხოვა დუგლასის ცოლმა განქორწინებაო.

38 წლის წინ რეჟისორმა ბერნარდო ბერტოლუჩიმ, ფაქტობრივად, გადაატრიალა სამყარო თავისი ფილმით "უკანასკნელი ტანგო პარიზში". საბჭოთა პერიოდში ამ ფილმის ნახვა ლამის კრიმინალურ დანაშაულად ითვლებოდა. მთავარი გმირის შემსრულებლის, მარლონ ბრანდოს სიტყვებით, ბერტოლუჩი დაჟინებით ითხოვდა, რომ მას და მარია შნაიდერს რეალურად შეესრულებინათ სასიყვარულო სცენები.

კადრებს პირველივე დუბლზე იღებდნენ. მარია შნაიდერი ამ სცენების შესრულების შემდეგ სირცხვილისგან ტიროდა, მარლონ ბრანდო კი ბერტოლუჩის 20 წლის განმავლობაში აღარ ეკონტაქტებოდა.

ფილმი "ცხრანახევარი კვირის" გამოსვლამ დიდი აჟიოტაჟი გამოიწვია კინოსამყაროში.

"აკოცო მიკი რურკს - ეს იგივეა, რაც სავსე საფერფლეს აკოცო!" - ეს კიმ ბესინჯერის ცნობილი ფრაზაა, რომელიც მან ფილმი "ცხრანახევარი კვირის" გამოსვლის შემდეგ წარმოთქვა. მსახიობების ურთიერთობა, რომელიც გადასაღებ მოედანზე ორი გიჟურად შეყვარებული ადამიანისას ჰგავდა, რეალურ ცხოვრებაში ძალიან შორს იყო იდეალურისგან.

ამბობენ, რომ კიმი ვერ იტანდა და ცოტათი ეშინოდა კიდეც მიკის, რომელიც მის მიმართ საკმაოდ მკაცრი და უხეში იყო. მსახიობები გადასაღები მოედნის მიღმა არ კონტაქტობდნენ და დუბლსა და დუბლს შორის არც კი ლაპარაკობდნენ. ურთიერთობა აბსურდამდე მიდიოდა - კიმი და მიკი ერთი ლიფტით მგზავრობაზეც უარს აცხადებდნენ... მაგრამ ამასთან, დუბლიორებისა და ყველანაირი შენიღბვის გარეშე იღებდნენ ინტიმურ სცენებს.

ლეონარდო დი კაპრიოს არაერთხელ უთამაშია სასიყვარულო სცენაში და ეს მას ყოველთვის მოსწონდა. თუმცა ფილმი "სრული დაბნელების" გადაღებების დროს ასეთ სცენაში მონაწილეობამდე მას გული აერია. საქმე ისაა, რომ სასიყვარულო სცენაში მისი პარტნიორი იყო მამაკაცი - მსახიობი დევიდ ტიულისი. თუ გახსოვთ, ფილმი მოგვითხრობს ფრანგი პოეტების, არტურ რემბოსა და პოლ ვერლენის რთული ურთიერთობის შესახებ.

აი, მსახიობ ჯეიმს კინგს "კოკაინში" ასეთი სცენები ძალიან ახალისებდა. როცა ის ეროტიკულ ეპიზოდებში მონაწილეობს, ძლივს იკავებს ხოლმე სიცილს.

ესპანელი რეჟისორი პედრო ალმოდოვარი, თავის მხრივ, თვლის, რომ საწოლის სცენები მხოლოდ ანელებს გადაღებას.

მაგრამ სწორედ მან დაითანხმა პენელოპა კრუსი, რომელიც ერთ-ერთ მთავარ როლს ასრულებდა ფილმ "დაბრუნებაში", დაემაგრებინა ხელოვნური უკანალი მეტი სექსუალურობისთვის. ხელოვნური უკანალით პენელოპა მთელი ექვსი თვე დადიოდა, მანამ გადაღებები არ დასრულდა და მისი თქმით, იმდენად გაითავისა ეს გმირი, რომ ემოციური კრიზისი გადაიტანა, როცა უკანალთან დაშორება მოუწია.

აი, ასე რთულად, ხან კი ტექნოლოგიურად, ტრავმების მიღების რისკით, ალერგიითა და ნერვული აშლილობით მიმდინარეობს ყველაზე რომანტიკული სცენების გადაღებები კინოში. ყველაფერი კი მხოლოდ იმისთვის კეთდება, რომ მაყურებელმა ნახოს და აღფრთოვანდეს, შეიჭრას როლში და გაიზიაროს გმირების სიყვარული.