დაინგრევა თუ არა ოჯახი, ამის გარკვევა წინასწარაა შესაძლებელი
2 119 ნახვა
როდესაც ქორწინება განქორწინებით სრულდება, ხშირად ერთ-ერთ მიზეზად წყვილის ხასიათის შეუთავსებლობას ასახელებენ.
ვაშინგტონის უნივერსიტეტის ფსიქოლოგები მიიჩნევენ, რომ დაქორწინებამდე თითქმის 94%-იანი სიზუსტით შესაძლებელია წინასწარი შედეგების გათვლა, ქორწინება მყარი იქნება თუ შეუმდგარი...
მათი მოსაზრებით, ყველაფერი იმაზეა დამოკიდებული, თუ რომელ ფსიქოლოგიურ ტიპს განეკუთვნება წყვილი. გამოყოფენ სამ ძირითად ტიპს: "მშვიდი", "მოკინკლავე-მოკამათე" და "კონსულტანტები".
სხვაობა მდგომარეობს კრიზისულ სიტუაციებში მათი ქმედების მოდელში.
"მშვიდი" წყვილი კრიზისული სიტუაციისას უპირატესობას დუმილს ანიჭებს. ისინი არ გამოთქვამენ ხმამაღლა პრეტენზიას და არ იწვევენ პარტნიორს გულწრფელად და ღიად სასაუბროდ. ალბათ, რთული დასაჯერებელი არ არის, რომ ასეთი სიტუაცია არ არის გამოსავალი პრობლემური ვითარების დასარეგულირებლად.
"მოკამათე წყვილი", "მშვიდის" საპირისპიროდ, ნებისმიერ თემაზე მართავს დისკუსიას; ხოლო მესამე, "კონსულტანტთა" ტიპი, სანამ საქმის გარჩევას დაიწყებს, ინტერესდება მოწინააღმდეგე მხარის აზრით და ცდილობს, გამონახოს კომპრომისი.
ფსიქოლოგები მიიჩნევენ, რომ თუ წყვილი ერთ რომელიმე ტიპს მიეკუთვნება, მათი კავშირი მყარი იქნება, მაგრამ თუ ცოლ-ქმარი სხვადასხვა ტიპაჟისაა, მაშინ დიდი ალბათობით, მათი ბედი ერთმანეთს დიდი ხნით ვერ დაუკავშირდება. მოკლედ, ამერიკელ მეცნიერებს ბედნიერების პროგნოზისთვის ერთი ინსტრუმენტი აქვთ - ეგრეთ წოდებული ემოციური რუკა, რომელიც აჩვენებს, თუ როგორ იცვლება ბედნიერების დონე წლებთან ერთად.
ყველაზე ბედნიერ პერიოდად თანაცხოვრების პირველი წელი ითვლება. თუ ამ დროსაც რომელიმე მეუღლეს ბედნიერების განცდა უქვეითდება, ეს საგანგაშო ნიშანია. ხშირად ასეთ დროს იმედგაცრუება ეუფლებათ, რადგან ქორწინებაზე წარმოდგენები რეალური ყოფის არაადეკვატურია. ეს განსაკუთრებით ახალგაზრდა წყვილებში ხდება.
ერთ-ერთი რთული პერიოდია ბავშვის დაბადება. ფსიქოლოგები უპირისპირდებიან იმ მოსაზრებას, რომ ბავშვი ამყარებს ცოლქმრულ კავშირს; მეტიც, ეს ახლად შექმნილი ოჯახისთვის დიდ გამოსაცდელ პერიოდად ითვლება.
რთულია ქორწინებიდან მეორე და მესამე წელიც. შემდეგ მეშვიდე წლამდე დგება შედარებითი სიმშვიდე. მეშვიდე წელიც ასევე კრიზისულ პერიოდად მიიჩნევა.
ინა ნერგაძე
ჟურნალი "და ქალი"
ვაშინგტონის უნივერსიტეტის ფსიქოლოგები მიიჩნევენ, რომ დაქორწინებამდე თითქმის 94%-იანი სიზუსტით შესაძლებელია წინასწარი შედეგების გათვლა, ქორწინება მყარი იქნება თუ შეუმდგარი...
მათი მოსაზრებით, ყველაფერი იმაზეა დამოკიდებული, თუ რომელ ფსიქოლოგიურ ტიპს განეკუთვნება წყვილი. გამოყოფენ სამ ძირითად ტიპს: "მშვიდი", "მოკინკლავე-მოკამათე" და "კონსულტანტები".
სხვაობა მდგომარეობს კრიზისულ სიტუაციებში მათი ქმედების მოდელში.
"მშვიდი" წყვილი კრიზისული სიტუაციისას უპირატესობას დუმილს ანიჭებს. ისინი არ გამოთქვამენ ხმამაღლა პრეტენზიას და არ იწვევენ პარტნიორს გულწრფელად და ღიად სასაუბროდ. ალბათ, რთული დასაჯერებელი არ არის, რომ ასეთი სიტუაცია არ არის გამოსავალი პრობლემური ვითარების დასარეგულირებლად.
"მოკამათე წყვილი", "მშვიდის" საპირისპიროდ, ნებისმიერ თემაზე მართავს დისკუსიას; ხოლო მესამე, "კონსულტანტთა" ტიპი, სანამ საქმის გარჩევას დაიწყებს, ინტერესდება მოწინააღმდეგე მხარის აზრით და ცდილობს, გამონახოს კომპრომისი.
ფსიქოლოგები მიიჩნევენ, რომ თუ წყვილი ერთ რომელიმე ტიპს მიეკუთვნება, მათი კავშირი მყარი იქნება, მაგრამ თუ ცოლ-ქმარი სხვადასხვა ტიპაჟისაა, მაშინ დიდი ალბათობით, მათი ბედი ერთმანეთს დიდი ხნით ვერ დაუკავშირდება. მოკლედ, ამერიკელ მეცნიერებს ბედნიერების პროგნოზისთვის ერთი ინსტრუმენტი აქვთ - ეგრეთ წოდებული ემოციური რუკა, რომელიც აჩვენებს, თუ როგორ იცვლება ბედნიერების დონე წლებთან ერთად.
ყველაზე ბედნიერ პერიოდად თანაცხოვრების პირველი წელი ითვლება. თუ ამ დროსაც რომელიმე მეუღლეს ბედნიერების განცდა უქვეითდება, ეს საგანგაშო ნიშანია. ხშირად ასეთ დროს იმედგაცრუება ეუფლებათ, რადგან ქორწინებაზე წარმოდგენები რეალური ყოფის არაადეკვატურია. ეს განსაკუთრებით ახალგაზრდა წყვილებში ხდება.
ერთ-ერთი რთული პერიოდია ბავშვის დაბადება. ფსიქოლოგები უპირისპირდებიან იმ მოსაზრებას, რომ ბავშვი ამყარებს ცოლქმრულ კავშირს; მეტიც, ეს ახლად შექმნილი ოჯახისთვის დიდ გამოსაცდელ პერიოდად ითვლება.
რთულია ქორწინებიდან მეორე და მესამე წელიც. შემდეგ მეშვიდე წლამდე დგება შედარებითი სიმშვიდე. მეშვიდე წელიც ასევე კრიზისულ პერიოდად მიიჩნევა.
ინა ნერგაძე
ჟურნალი "და ქალი"
