ვინ გახდა Elite Model Look 2012-ის გამარჯვებული?!
2 222 ნახვა
იმიჯ ცენტრი ათასობით მსურველს შორის ღირსეულებს ეძებს და ყოველწლიურად Elite Model Look-ის მეშვეობით ამ უკანასკნელებს კარიერული მწვერვალებისკენ აღებინებს გეზს. წლევანდელი ფინალური შოუ ივენთ ჰოლში გაიმართა. 17 გოგონას შორის არჩევნის გაკეთება კომპეტენტურ ჟიურის პრინციპში არ გასჭირვებია. როდესაც თვალი ჩვენს არქივს გადავავლეთ, მივხვდით, რომ წლევანდელი ნაკადი არც ისე მომგებიანად გამოიყურებოდა, თუმცა ია კიწმარიშვილის უნიკალური უნარი, ჯერ კიდევ გამოუძერწავ მოდელში დიდი პოტენციალი შეამჩნიოს, ყოველ წელს მართლდება. ჯერ კიდევ მაშინ, როდესაც თამთა შედანია წლების წინ მის საქართველოზე გამოდიოდა, ვერავინ წარმოიდგენდა, რომ ერთი პატარა ქერა გოგონა ჯერ ელიტ მოდელ ლუქის გამარჯვებული, მერე მსოფლიოში წარმატებული მოდელი და ბოლოს მის საქართველო გახდებოდა. გოგონებს შორის რამოდენიმე ფავორიტი თავიდანვე ამოვარჩიეთ. მათ შორის ერთ-ერთი 17 წლის მარიამ ქორღუაშვილი. ულამაზესმა გოგონამ ასაკის, თუ არასაკმარისი სიმაღლის გამო მხოლოდ ფოტომოდელისათვის შესაბამისი ჯილდო დაიმსახურა. ამ უკანასკნელს კი პორტფოლიოს კიკალას სტუდიო გაუკეთებს. მიუხედავად იმისა, რომ ქართული ჟიური რამოდენიმე კაციანი შემადგენლობით მსჯელობდა გამარჯვებულის თაობაზე, მთავარი მაინც ფრანგი სტუმრის სტეფანის აზრი გახლდათ. ამ უკანასკნელმა არჩევანი ვიცე მის საქართველო 2012-ზე - ლიკა მეტრეველზე შეაჩერა და არც იმაზე დაუხევია უკან, რომ ლიკასთვის უნაკლო ეწოდებინა.
