ცხოვრებისეული.

- მოგნატრებია?
- მე ძალიან ბევრჯერ მომნატრებია. ხანდახან იმაზე მეტად მომნატრებია რასაც მონატრება ქვია.





- გიტირია?
- მიტირია. ხანდახან სიხარულითაც მიტირია მაგრამ ეს მხოლოდ ხანდახან. ბევრჯერ მომნატრებია სიხარულის ცრემლები მაგრამ რაღა დროს სიხარულია [არც ისე გულჩვილი ვარ]



- გყვარებია?
- მყვარებია, ძალიან მყვარებია. გამიგია როდესაც ადამიანი გიყვარს სამყარო სხვანაირი გეჩვენება, ამ ქვეყნად არაფერი გწყინს, ყველაფერი გიხარია, თვალები გიბრწყინავს და გგონია რომ ყველაზე ბედნიერი შენ ხარ მაგრამ ძალიან ძნელია როდესაც ამ ბედნიერებას კარგავ. მისი დაკარგვით ხომ უბედურების დაწყებას ეგებები.




- გიოცნებია?
- ძალიან ბევრი მოიცნებია. ყოველთვის იმაზე ვოცნებობდი რაც არასდროს იქნებოდა ამიტომ დარჩა ოცნება ოცნებად.




- დაგიკარგავს?
- დამიკარაგვს. ხანდახან მგონია მთელი ცხოვრება დავკარგე ერთი ადამიანის დაკარგვით. მგონია ყველა ადამიანმა დამივიწყა მაგრამ ეს მხოლოდ მგონია.





- გიპოვია?
- მიპოვია მაგრამ ალბათ იმიტომ ვიპოვე რომ დამეკარგა.





- თვითმკვლელობაზე გიფიქრია?
- მიფიქრია ძალიან ბევრჯერ მაგრამ ეს ძალიან ადრე იყო. როდესაც ადამიანი თავის მოკვლას გადაწყვეტ ამ დროს ყველაზე ეგოისტი ადამიანი ხდები. ამ დროს ყველას უარყოფ და მარტო საკუთარ თავზე ფიქრობ. ვერ ხვდები რამდენ ადამიანს შეიძლება ატკინო გული. იმ ადამიანებს რომლებსაც ყველაზე მეტად უყვარხარ. თვითმკვლელობა სიმხდალეა. როდესაც თავის მოკვლას გადაწყვეტ და მეტნაკლებად ამის განხორციელებაზე ფიქრობ სწორედ მაშინ ყველაზე მეტად გინდა სიცოცხლე.




- რა არის სიცოცხლე?
- სიცოცხლე ცეცხლს წააგავს. მისი დასაწყისი ალია ხოლო დასასრული კი ფერფლი მაგრამ ვისთვის როგორ. ზოგის სიცოცხლე აალებასაც კი ვერ ასწრებს. ხანდახან ყველაზე რთული იმ კითხვაზე პასუხის გაცემაა რომლის პასუხიც ყველაზე უკეთ იცი. ხანდახან შეიძლება ისე მოგენატროს ადამიანი რომ იფიქრო დრო ცოტა გაიწელოს სანამ ნახავ რადგან ეს მონატრება გსიამოვნებს. არსებობს წუთები როდესაც ყველაზე მეტად გიყვარს და ამ დროს ყველაზე მეტად გეჯავრება. ხანდახან ფიქრობ რომ სრულიად შეიცვალე მაგრამ ადამიანები არ იცვლებიან უბრალოდ ცხოვრება იცვლება. დრო ვერასდროს დაგავიწყებს ვერც დიდი ტკივილს და ვერც დიდ სიხარულს.