მცდარია! - თუ ქმარი ჩემზე ეჭვიანობს, ესე იგი, ვუყვარვარ
1 980 ნახვა
რა შეცდომებს მიჰყავს ერთ დროს ბედნიერი წყვილი განქორწინებამდე? იქნებ ცხელ გულზე ობიექტური განსჯის უნარს კარგავენ და მცდარ შეხედულებებს ადვილად ემორჩილებიან?
თუ დროდადრო თავს მარტოსულად ვგრძნობ, გამოდის, რომ ჩემი ქორწინება ბედნიერი ვერ ყოფილა. თუ პარტნიორთაგან რომელიმე განუწყვეტლივ ეულად და ზედმეტად გრძნობს თავს, მართლაც ვერ იტყვის, ქორწინებაში გამიმართლაო.
მაგრამ თუ მარტოობის განცდა იშვიათად გეუფლებათ, საგანგაშო არაფერია. დავუშვათ, თქვენი აზრები ყველაფერში არ ემთხვევა ერთმანეთს, - რაღაც კონკრეტულ საკითხზე თქვენს მეუღლეს განსვავებული შეხედულება აქვს (ვთქვათ, თქვენი შენაძენი არ მოეწონა).
განა ამის გამო უნდა გაიბუტოთ და საკუთარ თავში ჩაიკეტოთ? აბა, დაფიქრდით, მასაც ხომ შეუძლია წარმოიდგინოს, ყველაზე ახლობელ ადამიანს ჩემი არ ესმისო? ასე თუ მიჰყევით, მიზეზებს რა დალევს. ეცადეთ, ანგარიში გაუწიოთ მეორე მხარის ინტერესებს და სურვილებს.
თუ პარტნიორი არ მღალატობს, ეს იმას ნიშნავს, რომ ვუყვარვარ
ჯერ ერთი, საიდან იცით, რომ არ გღალატობთ? რატომ ხართ ამაში დარწმუნებული? ხშირად კანონიერი ოჯახის პარალელურად მამაკაცს სხვა ცოლ-შვილიც ჰყავს, ანდა წლების განმავლობაში ფარულად ხვდება მეორე ქალს, ცოლი კი აინუნშიც არ არის.
ვთქვათ, თქვენ მართლაც ერთადერთი ქალი ხართ მისთვის სექსუალური თვალსაზრისით. რა იცით, რომ თავის აზრებში მაინც არ გღალატობთ და ვინმე, მისთვის იდეალურ ქალს არ შესტრფის შორიდან? დაბოლოს, ისეც ხდება, რომ მამაკაცი, საერთოდ, ყველა ქალის მიმართ გულგრილია და მათ შორის - თქვენ მიმართაც.
უბრალოდ, იმისთვის შეირთო ცოლი, რომ უფრო მოხერხებულად ეცხოვრა. ზედმეტად ხომ არ შეაფასეთ თქვენი და მისი ღირსებები? ხანდახან ცოტა ნაკლები თავმომწონეობით, თავმდაბლად ჩაუკვირდით თქვენს ცხოვრებას.
სექსუალურ სფეროში სრული ჰარმონიულობაა? ქორწინება უეჭველად მტკიცე იქნება
სექსუალური ჰარმონია, რა თქმა უნდა, ძალიან ბევრს ნიშნავს ქორწინების სიმტკიცისათვის, მაგრამ ყველა პრობლემას მაინც ვერ მოხსნის. როგორი სექსუალური პარტნიორი იქნება ქალი, რომელიც, ვთქვათ, მუდმივი უფულობით სასოწარკვეთამდეა მისული? თუმცა ამ შემთხვევაშიც ობიექტურად უნდა განსაჯოთ.
იქნებ თქვენი ქმარი სავსებით მართალია, როდესაც ფიქრობს - ჩემი ხელფასით თავისუფლად შეიძლება ცხოვრება, თუ ჩემი ცოლი თადარიგიანად გაუძღვება ოჯახს?
ყოველთვის გახსოვდეთ, რომ ინტიმურ დამოკიდებულებათა სფერო ძალზე მგრძნობიარეა და ლაკმუსის ქაღალდს წააგავს: მაშინვე იცვლის ელფერს, როცა პარტნიორთა დამოკიდებულებაში რაიმე უსიამოვნება იჩენს თავს.
თუ ქმარი ჩემზე ეჭვიანობს, ესე იგი, ვუყვარვარ
სიყვარულსა და ეჭვიანობას ბევრი არაფერი აქვთ საერთო. მამაკაცები, რომლებიც ეჭვიანობის ნიადაგზე სისულელეებს სჩადიან, ერთი მხრივ, თავიანთ საკუთრებას იცავენ ("თავიანთ საკუთრებად" მიაჩნიათ ცოლი), მეორე მხრივ, თვითშეფასების დონეს იმაღლებენ.
ეჭვიანი მამაკაცი საკუთარ თვალში ნადგურდება, როდესაც ფიქრობს, სხვაზე გამცვალესო. ცხადია, აქ სიყვარული არაფერ შუაშია. რა თქმა უნდა, ყველა ეჭვიანი მამაკაცი ერთ თარგზე არ არის გამოჭრილი, მაგრამ მაინც ნუ აჩქარდებით და ეჭვიანობას სიყვარულთან ნუ გაათანაბრებთ.
რაკი ცოლ-ქმარი განუწყვეტლივ კამათობს, გამოდის, რომ ერთმანეთი არ ჰყვარებიათ
ხშირად კამათობთ თუ არა - ამის მიხედვით ნუ იმსჯელებთ სიყვარულზე. მოსიყვარულე ცოლ-ქმარს შორის ყოველთვის შეინიშნება მეორე მხარისთვის კომპრომისზე წასვლის სურვილი, დათმობისათვის მზადყოფნა. როდესაც გაცხარებული კამათის დროს ენაზე რაიმე მწარე სათქმელი მოგადგებათ, წუთით შეჩერდით და საკუთარ თავს დაეკითხეთ: "განა ამის თქმით გადაწყდება ჩვენი დავა?
ვაითუ ამ ფრაზამ სულ ჩაკლას ჩვენი სიყვარული?" განუწყვეტელ "ორთაბრძოლას" მართლაც შეუძლია დიდი ზიანი მიაყენოს მეუღლეთა ურთიერთდამოკიდებულებას, მაგრამ ნაჩქარევ დასკვნებს მაინც ნუ გააკეთებთ. ხშირად ხდება, რომ საკუთარი პრივილეგიების მოპოვებით გატაცებული ცოლ-ქმარი ცხარედ კამათობს, - სიყვარული კი იქვე, მათ ახლოს დაფარფატებს და მას, უბრალოდ, ვეღარ ამჩნევენ.
თუ დროდადრო თავს მარტოსულად ვგრძნობ, გამოდის, რომ ჩემი ქორწინება ბედნიერი ვერ ყოფილა. თუ პარტნიორთაგან რომელიმე განუწყვეტლივ ეულად და ზედმეტად გრძნობს თავს, მართლაც ვერ იტყვის, ქორწინებაში გამიმართლაო.
მაგრამ თუ მარტოობის განცდა იშვიათად გეუფლებათ, საგანგაშო არაფერია. დავუშვათ, თქვენი აზრები ყველაფერში არ ემთხვევა ერთმანეთს, - რაღაც კონკრეტულ საკითხზე თქვენს მეუღლეს განსვავებული შეხედულება აქვს (ვთქვათ, თქვენი შენაძენი არ მოეწონა).
განა ამის გამო უნდა გაიბუტოთ და საკუთარ თავში ჩაიკეტოთ? აბა, დაფიქრდით, მასაც ხომ შეუძლია წარმოიდგინოს, ყველაზე ახლობელ ადამიანს ჩემი არ ესმისო? ასე თუ მიჰყევით, მიზეზებს რა დალევს. ეცადეთ, ანგარიში გაუწიოთ მეორე მხარის ინტერესებს და სურვილებს.
თუ პარტნიორი არ მღალატობს, ეს იმას ნიშნავს, რომ ვუყვარვარ
ჯერ ერთი, საიდან იცით, რომ არ გღალატობთ? რატომ ხართ ამაში დარწმუნებული? ხშირად კანონიერი ოჯახის პარალელურად მამაკაცს სხვა ცოლ-შვილიც ჰყავს, ანდა წლების განმავლობაში ფარულად ხვდება მეორე ქალს, ცოლი კი აინუნშიც არ არის.
ვთქვათ, თქვენ მართლაც ერთადერთი ქალი ხართ მისთვის სექსუალური თვალსაზრისით. რა იცით, რომ თავის აზრებში მაინც არ გღალატობთ და ვინმე, მისთვის იდეალურ ქალს არ შესტრფის შორიდან? დაბოლოს, ისეც ხდება, რომ მამაკაცი, საერთოდ, ყველა ქალის მიმართ გულგრილია და მათ შორის - თქვენ მიმართაც.
უბრალოდ, იმისთვის შეირთო ცოლი, რომ უფრო მოხერხებულად ეცხოვრა. ზედმეტად ხომ არ შეაფასეთ თქვენი და მისი ღირსებები? ხანდახან ცოტა ნაკლები თავმომწონეობით, თავმდაბლად ჩაუკვირდით თქვენს ცხოვრებას.
სექსუალურ სფეროში სრული ჰარმონიულობაა? ქორწინება უეჭველად მტკიცე იქნება
სექსუალური ჰარმონია, რა თქმა უნდა, ძალიან ბევრს ნიშნავს ქორწინების სიმტკიცისათვის, მაგრამ ყველა პრობლემას მაინც ვერ მოხსნის. როგორი სექსუალური პარტნიორი იქნება ქალი, რომელიც, ვთქვათ, მუდმივი უფულობით სასოწარკვეთამდეა მისული? თუმცა ამ შემთხვევაშიც ობიექტურად უნდა განსაჯოთ.
იქნებ თქვენი ქმარი სავსებით მართალია, როდესაც ფიქრობს - ჩემი ხელფასით თავისუფლად შეიძლება ცხოვრება, თუ ჩემი ცოლი თადარიგიანად გაუძღვება ოჯახს?
ყოველთვის გახსოვდეთ, რომ ინტიმურ დამოკიდებულებათა სფერო ძალზე მგრძნობიარეა და ლაკმუსის ქაღალდს წააგავს: მაშინვე იცვლის ელფერს, როცა პარტნიორთა დამოკიდებულებაში რაიმე უსიამოვნება იჩენს თავს.
თუ ქმარი ჩემზე ეჭვიანობს, ესე იგი, ვუყვარვარ
სიყვარულსა და ეჭვიანობას ბევრი არაფერი აქვთ საერთო. მამაკაცები, რომლებიც ეჭვიანობის ნიადაგზე სისულელეებს სჩადიან, ერთი მხრივ, თავიანთ საკუთრებას იცავენ ("თავიანთ საკუთრებად" მიაჩნიათ ცოლი), მეორე მხრივ, თვითშეფასების დონეს იმაღლებენ.
ეჭვიანი მამაკაცი საკუთარ თვალში ნადგურდება, როდესაც ფიქრობს, სხვაზე გამცვალესო. ცხადია, აქ სიყვარული არაფერ შუაშია. რა თქმა უნდა, ყველა ეჭვიანი მამაკაცი ერთ თარგზე არ არის გამოჭრილი, მაგრამ მაინც ნუ აჩქარდებით და ეჭვიანობას სიყვარულთან ნუ გაათანაბრებთ.
რაკი ცოლ-ქმარი განუწყვეტლივ კამათობს, გამოდის, რომ ერთმანეთი არ ჰყვარებიათ
ხშირად კამათობთ თუ არა - ამის მიხედვით ნუ იმსჯელებთ სიყვარულზე. მოსიყვარულე ცოლ-ქმარს შორის ყოველთვის შეინიშნება მეორე მხარისთვის კომპრომისზე წასვლის სურვილი, დათმობისათვის მზადყოფნა. როდესაც გაცხარებული კამათის დროს ენაზე რაიმე მწარე სათქმელი მოგადგებათ, წუთით შეჩერდით და საკუთარ თავს დაეკითხეთ: "განა ამის თქმით გადაწყდება ჩვენი დავა?
ვაითუ ამ ფრაზამ სულ ჩაკლას ჩვენი სიყვარული?" განუწყვეტელ "ორთაბრძოლას" მართლაც შეუძლია დიდი ზიანი მიაყენოს მეუღლეთა ურთიერთდამოკიდებულებას, მაგრამ ნაჩქარევ დასკვნებს მაინც ნუ გააკეთებთ. ხშირად ხდება, რომ საკუთარი პრივილეგიების მოპოვებით გატაცებული ცოლ-ქმარი ცხარედ კამათობს, - სიყვარული კი იქვე, მათ ახლოს დაფარფატებს და მას, უბრალოდ, ვეღარ ამჩნევენ.
