• რომელ ნიშანს ელის პარტნიორთან სამუდამო განშორება?

    ნოემბერი, ასტროლოგების აზრით, რთული იქნება. მოსალოდნელია განქორწინებები და იმ წყვილთა განშორებები, რომლებიც ჯერ კიდევ ახლახან საკმაოდ ბედნიერ წყვილებად გვეჩვენებოდნენ.

    ჩხუბის მიზეზად შეიძლება იქცეს ნებისმიერი წვრილმანი. შინაგანი ლტოლვა თავისუფლებისკენ კი, რომელიც ამ მომენტამდე არ მჟღავნდებოდა, შესაძლოა, არაადეკვატური ქმედებებისა და უხეში სიტყვების მიზეზი გახდეს.

    მანამ ჰოროსკოპის ნიშნებზე გადავიდოდეთ, გვინდა შეგახსენოთ, რომ ”სუფთა” ნიშნების წარმომადგენლებად ითვლებიან ის ადამიანები, რომლებიც დაიბადნენ 1-დან 18 რიცხვის ჩათვლით. დანარჩენებზე კი გავლენას წინა ან მომდევნო ნიშნები ახდენენ - როგორც პიროვნების დახასიათებისას, ასევე ასტროლოგიური წინასწარმეტყველების შემთხვევაშიც.

    ვერძი (21 მარტი - 20 აპრილი)


    ვერძები ნოემბერში შემთხვევით ურთიერთობებს მიანიჭებენ უპირატესობას. მათ მოუნდებათ ”ყოფის უჩვეულო სიმსუბუქე”. ამიტომაც ისინი დაივიწყებენ თავის სერიოზულობას, პრინციპებსა და კომპლექსებს.

    ასევე შემთხვევით კავშირებში ეს ნიშანი დაიწყებს დაგროვილი გადაღლილობისა და ნეგატიური ემოციებისგან გათავისუფლების საშუალებას. იქნებ ეს ცუდი არც არის, მაგრამ არ დაგავიწყდეთ, გააფრთხილოთ თქვენი დროებითი პარტნიორები იმის შესახებ, რომ თქვენ, უბრალოდ, ერთობოდით. სხვაგვარად უკვე ამ თვის ბოლოს ელოდეთ, რომ გადაიხდით ვიღაცის გატეხილი გულის საფასურს. თქვენ თავად შეგიყვარდებათ ის ადამიანი, რომელიც ვერ გიპასუხებთ იგივე გრძნობით.

    ნოემბრის დასაწყისში თქვენ მოგინდებათ გააფართოვოთ ჰორიზონტი, რაც, შეიძლება ითქვას, იქამდე მიგიყვანთ, რომ თქვენ სხვის მკლავებში აღმოჩნდებით. თვის შუა რიცხვებში არსებობს საშიშროება, რომ ”ცუდი” ავადმყოფობით დაავადდეთ ან დაუგეგმავად დაორსულდეთ. ნოემბრის ბოლოს კი არასასიამოვნო საუბარი გელით.

    კურო (21 აპრილი - 20 მაისი)


    კუროს ნოემბერში განშორება ელის მუდმივ პარტნიორთან. არსებობს შანსი, რომ გამართლდეს თქვენი წინათგრძნობა ან ვარაუდი, რაც იმის საფუძველს მოგცემთ, რომ არ შეეგუოთ უწინდელ მდგომარეობას.

    რაღაც მოვლენა გახდება თქვენი პრიორიტეტების შეცვლის საბაბი. თქვენთვის უფრო მარტივი იქნება მარტოობა, ვიდრე იმის მოჩვენებითობა, რომ არაფერიც არ მომხდარა. მით უმეტეს, რომ განშორება ზედმეტი ემოციების გარეშე მოხდება. თანაც, თავისუფლების შეგრძნება, რომელსაც თქვენ ამდენ ხანს ნატრობდით, მალე შვებას უფრო მოგგვრით, ვიდრე ტკივილს.

    ნოემბრის დასაწყისში რამდენიმე არასასიამოვნო მომენტი გელით. თვის შუა რიცხვებში პარტნიორი ურთიერთობის აღდგენას შეეცდება, თუმცა თქვენ, სავარაუდოდ, მისი პატიება აღარ მოგინდებათ. ნოემბრის ბოლოს ერთ-ერთი მნიშვნელოვანი მოვლენა დაამტკიცებს, რომ სწორი ნაბიჯი გადადგით.

    ტყუპი (21 მაისი - 21 ივნისი)


    ტყუპისთვის ნოემბერი, ალბათ, ყველაზე კონფლიქტური თვე აღმოჩნდება 2012 წლის განმავლობაში. თქვენ ყველაფერი გაგაღიზიანებთ და არა მარტო თქვენს პარტნიორში, არამედ საერთოდ, ყველა საწინააღმდეგო სქესის წარმომადგენელში. და უფრო სარწმუნოა, რომ თავს ვერ შეიკავებთ და ყველას ყველაფერს პირში მიახლით.

    ალბათ, თქვენს ასეთ საქციელს ლოგიკური ახსნა ექნება - უბრალოდ, გარშემომყოფებს შეადარებთ იმ ერთადერთ ადამიანს, რომელიც თქვენს გულში შეიპარა, მაგრამ თქვენს გრძნობას უპასუხოდ ტოვებს.

    ნოემბრის დასაწყისში თქვენს ფიქრებს დაიკავებს ადამიანი, რომელიც თქვენი ცხოვრების ფინანსურ მხარესთან იქნება დაკავშირებული. თვის შუა რიცხვებში მომწიფდებით იმისათვის, რომ მას გრძნობებში გამოუტყდეთ, რასაც ის, თავის მხრივ, არ უპასუხებს. ნოემბრის დასაწყისში ისევ ჩაგესახებათ იმედი, რომ თქვენს გრძნობებს უპასუხებენ. ნუ დააჩქარებთ მოვლენებს.

    კირჩხიბი (22 ივნისი - 22 ივლისი)


    კირჩხიბებს ნოემბერში სიყვარულისთვის არ ეცლებათ. ამ ნიშნის წარმომადგენლებს ძალიან ბევრი საქმე, საზრუნავი და პრობლემა დაატყდებათ თავს. თუმცა მათ ცხოვრებაში პერიოდულად გამოჩნდება ადამიანი წარსულიდან, რომელიც ურთიერთობის განახლებას (ან დაწყებას) მოისურვებს.

    და თუმცა ძირითადად ის გაგაღიზიანებთ, ვიდრე გაგახალისებთ, რაღაც მომენტში თქვენ მადლობელიც გახდებით მისი, რომ დარდისა და უამრავი პრობლემისგან გაგათავისუფლათ. ასე რომ, ნუ მიუთითებთ მას მაშინვე კარისკენ, დაიტოვეთ დროებით ”კარგი განწყობის საშუალებად”.

    ხანდახან ჰოროსკოპში ისეც ხდება, რომ ერთი და იგივე სიტუაცია პერმანენტულად აღმოცენდება გარკვეული დროის განმავლობაში. ასე იქნება თქვენთვის ნოემბერში - დაიწყებთ ადამიანთან ურთიერთობას, შემდეგ გააგდებთ მას, ის კი ისევ დაგიბრუნდებათ. ამიტომაც ამ შემთხვევაში თვის სამ ნაწილად გაყოფა გაგვიჭირდება.

    ლომი (23 ივლისი – 22 აგვისტო)


    ლომებს ნოემბერში საკმაოდ დატვირთული პირადი ცხოვრება ელით. თუმცა თქვენი სურვილი არ იქნება ასეთი ინტენსიურობით ცხოვრება. თქვენ ისედაც გყოფნით საზრუნავი. მიუხედავად ამისა, მოგიწევთ ფლირტის გაჩაღება და სიყვარულის ახსნის მოსმენა.

    თქვენს გვერდით შეიძლება აღმოჩნდეს ადამიანი, რომელიც სხვა დროს ალბათ მიიპყრობდა კიდეც თქვენს ყურადღებას, მაგრამ ახლა რაღაც მიზეზის გამო მის მიმართ გულგრილი აღმოჩნდებით. უფრო სარწმუნოა, რომ თქვენ მთელი დატვირთვით გექნებათ ”რომანი საკუთარ თავთან”, ანუ რაღაც შემოქმედებითი იდეით იქნებით აღჭურვილი, რომლის განხორციელებითაც იქნებით დაკავებული ცხოვრებაში. ერთი სიტყვით, ფლირტიც მხოლოდ და მხოლოდ ტონუსისთვის დაგჭირდებათ.

    თვის დასაწყისში საღამოზე მოხვდებით, სადაც მამაკაცს გაეკეკლუცებით. ნოემბრის შუა რიცხვებში მოისმენთ აღიარებას, რომელიც საერთოდ არ აგაღელვებთ. ბოლოს კი გირჩევთ, შორს დაიჭიროთ თავი აგრესიული და უხეში ადამიანებისგან.

    ქალწული (23 აგვისტო – 22 სექტემბერი)


    ქალწულებისთვის ნოემბერი არც ისე მარტივად ჩაივლის. ერთი მხრივ, თქვენ გელით სიყვარული, რომელსაც შეუძლია მთლიანად შეცვალოს თქვენი ცხოვრება. ეს იქნება, როგორც მეხის გავარდნა, წამი, რომლის შემდეგაც თქვენ სულ სხვა ადამიანი გახდებით, ახალი შეხედულებებით, რეალობის სხვაგვარი აღქმითა და ადამიანების შეცნობით, რომლებიც აქამდეც გარს გეხვივნენ.

    მაგრამ, მეორე მხრივ, თქვენ მოგიწევთ, სხვის ნეგატიურ აურასაც შეეჩეხოთ - ერთგვარად გაითვალებით და მოგიწევთ, შეუთავსოთ საკუთარი გრძნობა ”თავდაცვის ტექნიკას”.

    ნოემბრის დასაწყისში ახალი სიყვარული გეწვევათ. გაერკვიეთ, თავად შეგიყვარდათ თუ ”დაგეხმარნენ” ამაში. შუა რიცხვებში შესაძლოა, დანაკარგი გქონდეთ თქვენგან დამოუკიდებელი მიზეზებით. ეს განსაკუთრებით აქტუალური იქნება იმ შემთხვევაში, თუ ვერ გაერკვევით, ვინ იმოქმედებს თქვენზე უარყოფითად. და აი, ნოემბრის ბოლოს კი გამგზავრება გელით, რაც თქვენს შემდგომ პირად ცხოვრებაზე სერიოზულად აისახება.

    სასწორი (23 სექტემბერი - 22 ოქტომბერი)


    სასწორებს ნოემბერში რამდენიმე საინტერესო შეხვედრა ელით. პირველ რიგში, თქვენ გაიცნობთ ძალიან გულუხვ და დიდსულოვან ადამიანს, რომელიც ადეკვატურად მიგიღებთ ყველა თქვენი უარყოფითი მხარეებით. თუმცა მალევე მოგბეზრდებათ ეს ურთიერთობა და გადაწყვეტთ, შეწყვიტოთ ეს ურთიერთობა.

    მეორე მხრივ, გელით ნაცნობობა ადამიანთან, რომელიც მოგხიბლავთ თავისი იდუმალებითა და მოულოდნელობებით. თქვენ ცვლილებებისკენაც გიბიძგებთ ეს ურთიერთობა, მაგრამ, სამწუხაროდ, ეს ადამიანი არ აღმოჩნდება თქვენი რომანის გმირი. თავისი ქმედებით იმედებს გაგიცრუებთ. ასე რომ, არც ეს ურთიერთობა მიგიყვანთ სადმე. სამაგიეროდ, ყოველივე ამისგან ნამდვილ სიამოვნებას მიიღებთ.

    თვის დასაწყისში უარი არ თქვათ წვეულებაზე წასვლაზე - სწორედ იქ გაიცნობთ საინტერესო ადამიანს. შუა რიცხვებში ვიღაცის პრეტენზიების ატანა მოგიწევთ. ხოლო ნოემბრის დასასრულს საერთოდ ტაიმ-აუტს აიღებთ სასიყვარულო რბოლებში.

    მორიელი (23 ოქტომბერი - 21 ნოემბერი)


    მორიელებს ნოემბერში ახალი სიყვარული ელით, რაც მათ ცხოვრებაში ყველაფერს თავდაყირა დააყენებს. მოსალოდნელია, რომ ამ გრძნობის გამო თქვენ ყველაფერი მიატოვოთ. თუმცა თუ არ გაითვალისწინებთ წარსულ შეცდომებს, შესაძლოა კვლავ შეგეშალოთ.

    ყველაფერი თქვენს ხელთაა. ასე რომ, თვის დასაწყისში მოსალოდნელი სიყვარული დიდხანს დარჩება თქვენთან, თუ ეს ნამდვილად გენდომებათ. ამისათვის ნოემბრის შუა რიცხვებში მოგიწევთ მოთოკოთ თქვენი ხასიათი, გამოიჩინოთ გამომგონებლობა და, რაც მთავარია, შეეცადოთ, არ მოიწყინოთ.

    გარდა ამისა, თქვენს ცხოვრებაში გამოჩნდება ადამიანი, რომელთანაც ერთ დროს მჭიდრო კავშირი გქონდათ. რაღაც მიზეზების გამო ამ ადამიანს თქვენთან ფინანსური პრეტენზიები ექნება. იმისათვის, რომ მიიღოს სასურველი, მას შეუძლია ითამაშოს თქვენს გრძნობებზე. და თქვენ, სავარაუდოდ, მოგიწევთ გადაიხადოთ.

    მშვილდოსანი (22 ნოემბერი - 21 დეკემბერი)


    მშვილდოსნებს ნოემბერში ახლანდელი სასიყვარულო კავშირის გაწყვეტა მოუწევთ. თანაც სწორედ თქვენ იქნებით განშორების ინიციატორი. ეს კი, სავარაუდოდ, იმიტომ მოხდება, რომ ეს ადამიანი ხელს შეგიშლით ისე მოიქცეთ, როგორც თქვენ თვლით საჭიროდ.

    თუმცა ასე მარტივად არ წავა და შესაძლოა, იმ ნაბიჯზეც წავიდეს, რასაც მთელი ამ ურთიერთობის მანძილზე მისგან სულ ტყუილად ითხოვდით. მაგრამ თქვენ უკვე სულ სხვა პრიორიტეტები გექნებათ და საეჭვოა, ამ ურთიერთობის განახლება მოგინდეთ. მალე გამოჩნდება ადამიანი, რომელიც სრულიად დააკმაყოფილებს თქვენს მოთხოვნებს.

    ნოემბრის დასაწყისში აღსანიშნავი მოვლენა მოგცემთ იმის საშუალებას, რომ გადააფასოთ ძველი ფასეულობები, რომელიც თქვენს პარტნიორს ეხებოდა და თქვენ დაუფიქრებლად მიიღებთ გადაწყვეტილებას, რომ დაასრულოთ ეს ურთიერთობა. თვის შუა რიცხვებში ახლოს მოუშვებთ შემთხვევით გაცნობილ ადამიანს, რომელიც თქვენს ცხოვრებაში დიდხანს დარჩება. ნოემბრის დასასრულს მოგიწევთ ბევრჯერ უთხრათ უარი ერთი და იგივე ადამიანს.

    თხის რქა (22 დეკემბერი - 19 იანვარი)

    ნოემბერში თხის რქები სასიყვარულო სამკუთხედში აღმოჩნდებიან. თუმცა ეს სიტუაცია ძალიან მალე, და შეიძლება ითქვას, კარდინალურად გამოიცვლება. შეურაცხმყოფელი გრძნობა გახდება იმის მიზეზი, რომ პრაქტიკულად მომენტალურად მიიღოთ ურთიერთობის გაწყვეტის გადაწყვეტილება. თუ თქვენთვის ნამდვილად ძვირფასია ეს ადამიანი, ან პატიება უნდა შეძლოთ, ან თავად უნდა შეიკავოთ თავი ღალატისგან. ერთიცა და მეორე თქვენ ნამდვილად შეგიძლიათ. მით უმეტეს, რომ ნოემბერში ბევრი რამ სწორედ თქვენს გულწრფელ სურვილებზე იქნება დამოკიდებული.

    თვის დასაწყისში ნუ მოუსმენთ რჩევებს, რომლებსაც ნათესავები მოგცემენ. თავად გაერკვიეთ საკუთარ გრძნობებსა და პირად ურთიერთობებში. ნოემბრის შუა რიცხვებში თქვენს გვერდით აღმოჩნდება ადამიანი, რომელიც სინათლეს შემოიტანს თქვენს ცხოვრებაში და სრულიად ახალი ენერგიის მოზღვავებას იგრძნობთ. თვის ბოლოს კი კვლავ ჩაერევიან თქვენს ცხოვრებაში. არსებობს ვარაუდი, რომ ის დაჟინებით მოგთხოვთ წარსულში დაბრუნებას.

    მერწყული (20 იანვარი - 18 თებერვალი)


    მერწყულებს ნოემბერში დატვირთული, თუმცა აფორიაქებული პირადი ცხოვრება ელით. მთელი გრძნობით გადაეშვებიან სიყვარულში. სავარაუდოდ, იმდენად, რომ გამგზავრებასაც გადაწყვეტენ, რომ საყვარელი ადამიანის გვერდით აღმოჩნდნენ. თუმცა ყველაფერი ისე არ იქნება, როგორც თქვენ მოელოდით.

    ნოემბრის დასაწყისში რაღაც შეგიშლით ხელს თქვენი გეგმების განხორციელებაში, თუმცა პრობლემებს კარგად გაართმევთ თავს. პატარა რჩევა - ნუ მოახვევთ საყვარელ ადამიანს თქვენი თამაშის წესებს, უბრალოდ, უბიძგეთ მას ტექნიკურად ამისკენ.

    თვის შუა რიცხვებში სიყვარულისგან პატარა, თუმცა სამწუხარო უსიამოვნებები მოგაცდენთ, რაც თქვენს სახლთან იქნება დაკავშირებული. სამაგიეროდ, ნოემბრის დასასრულს თქვენს წინაში ისეთი პერსპექტივები გადაიშლება, რომლებზეც არც კი გიოცნებიათ.

    თევზები (19 თებერვალი - 20 მარტი)

    თევზებს ნოემბერში თავში ორიგინალური იდეები მოუვათ - იყიდონ სიყვარული. ვნების ობიექტს შესთავაზებთ ფულს, მომსახურებას და სხვა მსგავს რაღაცებს.

    თუმცა გირჩევთ, ნუ გამოიჩენთ საკუთარ თავს ამ კუთხით. ასე ვერ მიაღწევთ სასურველს და სასაცილო სიტუაციაშიც აღმოჩნდებით. უკეთესი იქნება, ითამაშოთ იდუმალი ქალის როლი; აჩვენეთ, რომ არც ისე დაინტერესებული ხართ ამ ადამიანით. ეს ტაქტიკა უფრო იმოქმედებს.

    ამ თვეში ასევე გელით რამდენიმე პაემანი, რომელსაც საერთოდ არ გეგმავდით. ყველაფერი მოულოდნელად მოხდება. თუმცა, კმაყოფილი დარჩებით შეხვედრებით.

    ნოემბრის დასაწყისში ნუ გაუტოლებთ გრძნობას ფულს. თვის შუა რიცხვებში რამდენიმე ახალი ნაცნობობაა მოსალოდნელი, რომლებიც მნიშვნელოვან კვალს დატოვებს თქვენს ცხოვრებაში. თვის ბოლოს კი ვეღარ გაუგებთ ადამიანს, რომელიც წლები თქვენთვის ძალიან ძვირფასი იყო.
    3 033 ნახვა
    GOGATV