აღარ.. აღარ.. აღარ..
2 385 ნახვა
რაღაცის თქმა გინდა და სათქმელი არაფერი გაქვს.
რაღაცას თუ ვიღაცას ელოდები, მაგრამ არ იცი რას ან ვის.
ლაპარაკი არ გინდა და გაიძულებენ ილაპარაკეო.
მარტო ყოფნა გინდა და თავს არ განებებენ.
ვინმესთან ჩახუტება გინდა და ყველა გემალება.
წვიმაში ბოდიალი გენატრება და მზე არ აპირებს შვებულებაში გასვლას.
სიახლეებს ეძებ და ერთფეროვნება გახრჩობს.
სიყვარულს ითხოვ და სიძულვილს გაპარებენ.
ოცნებობ და რეალობაში გაბრუნებენ.
დღეს ღიმილით იწყებ და დასასრულს ცრემლებში იხრჩობი.
წინ წასვლა გინდა და წრეზე დადიხარ.
ბედნიერებას დაეძებ და გატყუებენ, არ არსებობსო.
ერთ კითხვას დასვამ და ათასგვარ პასუხს გაგცემენ.
მოიწყენ და ვერ შეამჩნევენ (ან შეამჩნევენ და ყურადღებას არ მოგაქცევენ)
ავად გახდები და არ მოგიკითხავენ
მეგობრობას გეფიცებიან და ზურგს უკან გჭორავენ
ენდობი და გღალატობენ
დაეცემი და გადაგივლიან
დახმარებას ითხოვ, დაგეხმარებიან და მერე აუცილებლად დაგაყვედრიან
აღარ ესმით
აღარ ხედავენ
აღარ აინტერესებთ
აღარ ადარდებთ
აღარ.. აღარ.. აღარ..
იცვლებიან და იცვლებიან და იცვლებიან..
***
თვალები დავხუჭე და ყველანი გაგაქრეთ. გონებიდან და ფიქრებიდან და აზრებიდან გაგაძევეთ ყველანი. თითქმის ყველანი. მხოლოდ ზოგიერთები დაგიტოვეთ ჩემი სამყაროს გა–სა–ფე–რა–დებ–ლად! შენ მეგობრობა დაგარქვი. შენ სიყვარული. შენ ბედნიერება. სხვა არაფერი და არავინ მჭირდება.
