პარფიუმერიული კოლექცია სერიალ Sex and the City-ის მოტივებზე

მიუხედავად იმისა, რომ „სექსი დიდ ქალაქში“ დიდი ხანია დამთავრდა, ყველასათვის საყვარელი სერიალი აქტუალურობას დღესაც არ კარგავს. სპეციალურად მისი თაყვანისმცემლებისთვის გამოვიდა სუნამოების კოლექცია სახელწოდებით „Sex and the City“. მასში ოთხი არომატი შედის, რომლებიც სურათის ოთხი მთავარი გმირის ხასიათითაა შთაგონებული. „Sex and the City for Her“ გახლავთ ქალური, ხილისა და ყვავილების სინთეზის მქონე სურნელი. მისი ზედა ნოტები იტალიური მანდარისგან, წითელი ფორთოხლისგან, წითელი და ვარდისფერი მოცხარისაგან და პასიფლორისაგან შედგება. „Sex and the City by Night“ უფრო მკვეთრი არომატით გამოირჩევა, რომელიც საღამოსთვისაა განკუთვნილი. მისი ზედა ნოტებია: ბერგამოტი, მსხლის ყვავილი, ფრეზია, ნეროლი და ჟასმინი. „Sex and the City Sunrise“-ს შეგვიძლია თამამად ვუწოდოთ თბილი და მყუდრო. მისი ნოტებია: მანდარინი, იტალიური ბერგამოტი, თეთრი ატამი და წითელი კენკრა. „Sex and the City Sunset “-ში შევხვდებით წითელ ფორთოხალს, იას, მწვანე ვაშლსა და ფრეზიას.