"ის ქუჩაში გავიცანი და ერთი ნახვით შემიყვარდა..."

ნათია: "გამარჯობა. მინდა ჩემზე გიამბოთ. ცოტა ხნის წინ ქუჩაში ბიჭი გავიცანი, რომელმაც სახლამდე მიმაცილა; უფრო სწორად, დეიდასთან მივდიოდი, ტრანსპორტი აღარ იყო და მან შემომთავაზა, გაგაცილებო.

ძალიან კარგი, სასიამოვნო ადამიანი იყო... ჩვენ მეორე დღესაც შევხვდით ერთმანეთს, სრულიად შემთხვევით... მას მერე ერთი კვირა გავიდა და თვალიც ვეღარ მოვკარი. ამის გამო ძალიან ცუდად ვარ. ის მართლაც საოცარი ადამიანია.

აქამდე არ მჯეროდა ერთი ნახვით შეყვარების, ახლა კი მივხვდი, რომ ეს შესაძლებელი ყოფილა. მირჩიეთ, როგორ მოვიქცე? როგორ ვიპოვო ადამიანი, რომელმაც ასე უცნაურად მომხიბლა?!."

ჟურნალი ”გზა”