სასარგებლო და ძალიან გემრიელი გოგრის წვენი

დრო - 40 წთ, სირთულე - 1, ულუფა - 10

საჭირო მასალა

1 გოგრა
შაქარი - გემოვნებით
1 შეკვრა ვანილი
1-2 ლიმონი

მომზადება

გოგრა გავრეცხოთ, დავჭრათ, მოვაშოროთ ქერქი. გოგრის ნაჭრები ჩავაწყოთ ქვაბში, დავასხათ იმდენი წყალი, რომ ოდნავ ფარავდეს და დავდგათ საშუალო ცეცხლზე. როდესაც გოგრა მოიხარშება, გემოვნებით დავაყაროთ შაქარი, 1 შეკვრა ვანილი და დავაბლენდეროთ.

მიღებულ წვენს ვაცადოთ გაცივება და დავაწუროთ ლიმონი. წვენი გადავიტანოთ მინის ბოთლში ან გრაფინში და სერვირების წინ შევანჯღრიოთ.

რჩევა

თუ ბლენდერი არ გვაქვს, მიღებული მასა საცერში გავატაროთ.

კულინარიული ჟურნალი "გემრიელი"