ასკილი C ვიტამინის წყაროა, რითაც ორგანიზმს იცავს ვირუსული თუ ბაქტერიული ინფექციებისაგან

ასკილი C ვიტამინის წყაროა, რითაც ორგანიზმს იცავს ვირუსული თუ ბაქტერიული ინფექციებისაგან. ლიმონი, რომელიც ტრადიციულად მიიჩნევა C ვიტამინის წყაროდ, 53 მგ ასკორბინის მჟავას შეიცავს (იგულისხმება 100 გრამი პროდუქტი), მაშინ, როცა 100 გრამ ასკილში 470 მგ C ვიტამინია.

იმისათვის, რომ ორგანიზმი დააკმაყოფილოთ C ვიტამინის დღე-ღამური დოზით, საკმარისია სულ რამდენიმე ყლუპი ასკილის ნაყენი მიირთვათ. გაითვალისწინეთ, რომ ასკორბინის მჟავას უხვად შემცველობის გამო ასკილის ნაყენი უკუნაჩვენებია მათთვის, ვისაც მომატებული მჟავიანობა, კუჭის ლორწოვანი გარსის ანთება (გასტრიტი) და კუჭის წყლულოვანი პათოლოგია აწუხებს.

A ასკილის ნაყოფის ნაყენი სისხლის წარმოქმნის ფუნქციაზე ახდენს მასტიმულირებელ გავლენას, შესაბამისად, მას ანემიით დაავადებულებს უნიშნავენ, ხოლო თრომბოფლებიტით დაავადებულთათვის ასკილის ნაყენი უკუნაჩვენებია.

A ასკილს აქვს სუსტად გამოხატული ნაღველმდენი თვისება, ამიტომაც მისი ჩართვა რეკომენდებულია ღვიძლისა და ნაღვლის ბუშტის დაავადებათა თერაპიაში.

A ასკილის ნაყენში შემავალი ნივთიერებები ბლოკავს ინსულინის გამოყოფას, ამიტომაც შაქრიანი დიაბეტით დაავადებულებმა სიფრთხილით უნდა მიირთვან ასკილის ნაყენი.

თინათინ გოცაძე