ფილტვის კიბოს ადრეულ სტადიაზე ფეხის ფრჩხილის დიაგნოსტიკა გამოავლენს

მიუხედავად იმისა, რომ თანამედროვე მედიცინას უკვე შეუძლია ბევრ ონკოლოგიურ დაავადებას ებრძოლოს და აღკვეთოს კიდეც, კიბო დღემდე რჩება ადამიანების სიკვდილიანობის ერთ-ერთი ძირითადი მიზეზი.

სამწუხაროდ, ამ დაავადების სივერაგე იმაში მდგომარეობს, რომ ის უსიმპტომოდ ვითარდება და თავს მხოლოდ უკიდურეს მომენტში იჩენს. აშშ-ის მეცნიერების მიერ შემუშავებული ახალი მეთოდით ერთ-ერთ ყველაზე გავრცელებულ დაავადებას - ფილტვის კიბოს ფეხის ფრჩხილების მდგომარეობით გამოავლენენ. ჩატარებულმა ცდებმა იმედისმომცემი შედეგები აჩვენა.

ქალაქ სან-დიეგოს (შტატი კალიფორნია) უნივერსიტეტის მეცნიერთა ჯგუფმა კვლევის შედეგად მნიშვნელოვანი აღმოჩენა გააკეთა, რომელიც ადრეულ სტადიაზე გამოავლენს საშიშ დაავადებას - მკვლევარებმა დაადგინეს, რომ ფრჩხილებზე ნიკოტინის რაოდენობა ფილტვის კიბოს განვითარების რისკზე მეტყველებს.

ზოგადად, ფეხზე ფრჩხილი უფრო ნელა იზრდება, ვიდრე ხელის - საშუალოდ, წელიწადში ერთი ფრჩხილი 1 სანტიმეტრით. იმის შესწავლით, თუ რა რაოდენობის ნიკოტინი გროვდება ფეხის რქოვან წანაზარდებში, სპეციალისტებმა დაადგინეს, რომ იმ ადამიანებს, რომელთაც საკმაო რაოდენობის ნიკოტინი აღენიშნებათ ფეხის ფრჩხილზე, ფილტვის კიბოს განვითარების რისკი 3-ჯერ დიდი აქვთ, ვიდრე მამაკაცებს მცირე ნიკოტინის მაჩვენებლით.

ეს მონაცემები მეცნიერებმა იმ ექსპერიმენტის შემდეგ მიიღეს, რომელშიც 800 ადამიანზე მეტი მონაწილეობდა. მათ შორის ზოგიერთს უკვე აღენიშნებოდა ამ საშინელი დაავადების სიმპტომები.

გამოკვლევის ავტორებმა კიდე ერთი შემაშფოთებელი ფაქტი გამოავლინეს: ექსპერიმენტის რამდენიმე მონაწილე, რომელთაც დიდი რაოდენობის ნიკოტინი აღმოაჩნდა ფრჩხილზე, მწეველი არ ყოფილა. ნიკოტინმა მათ ორგანიზმში პასიური მოწევით შეაღწია.