მაიკლ ჯექსონის სახლი 18 მილიონ დოლარად გაიყიდა

”E! News“ „Wall Street Journal“-ზე დაყრდნობით წერს, რომ სახლი, სადაც 2009 წელს პოპის მეფე, მაიკლ ჯექსონი ტრაგიკულად დაიღუპა, 18 მილიონ დოლარად გაიყიდა. გამოცემის ინფორმაციით, საკუთრების მფლობელი კერძო საინვესტიციო კომპანიის „Cerberus Capital Management“-ის უფროსი მმართველი სტივენ მეიერი გახდა. სახლი, რომელიც პრესტიჟულ ადგილას, ბევერლის ჰილზის მეზობლად მდებარეობს შვიდ საძინებელ ოთახს, 13 სააბაზანოსა და 12 მოქმედ ბუხარს მოიცავს. იქ ასევე შევხვდებით ღვინის მარანს, თეატრს, სპა დარბაზს, სასტუმრო სახლს, აუზსა და პარკებს.