ორსული და შიშველი სიენა მილერი ოქროთი დახატეს

სიენა მილერი, რომელიც მკაცრად ასაიდუმლოებს საკუთარ პირად ცხოვრებას, მაღალი ხელოვნებისთვის გაშიშვლდა.

30 წლის ინგლისელი მსახიობი გოგონას გაჩენამდე ორი კვირით ადრე ბრიტანელი მხატვრისთვის, ჯონათან იეოსთვის შიშველი პოზირებდა.

სიენას პორტრეტების სერიის შესაქმნელად მხატვარმა ჯონათან იეომ ოქროს საღებავი გამოიყენა. ტილოები ბერლინის გალერეა Circle Culture-ში გამოიფინა.

ქერა ლამაზმანმა ჯონათანი რვა წლის წინ ლოს-ანჯელესში გაიცნო. მას შემდეგ მილერი და იეო მეგობრობენ. სიენა არაერთხელ გამხდარა მხატვრის მუზა.

ამჯერად ჯონათანმა გადაწყვიტა, ხელოვნების მოყვარულთათვის ადამიანის სხეულის ბუნებრიობა ეჩვენებინა. მხატვარმა აღიარა, რომ მან უყოყმანოდ აირჩია მილერი ამ სერიის მუზად.

"სიენა - ერთ-ერთი ბუნებრივად მშვენიერი მსახიობი ქალია მსოფლიოში. ასევე, მთელი რიგი თაობებისთვის ის მოდის ეტალონია. მე აღფრთოვანებული ვარ სიენას სიმამაცითა და საკუთარი თავის რწმენით, ის ხომ დამთანხმდა, ორსულს ეპოზიორა", - აღნიშნა იეომ.

შეგახსენებთ, რომ ამა წლის ივლისის დასაწყისში სიენა მილერმა გოგონა თავისი საყვარელი მამაკაცისგან, ტომ სტარიჯისგან გააჩინა. პირმშოს მარლოუ დაარქვეს.

მასალის წყარო: Daily Mail, Teleghraph