მორიგი სუპერ-კომედია - Movie 43
3 200 ნახვა
ამ პროექტს უკვე უწოდეს ასწლეულის უდიდესი ექსპერიმენტი კომედიური ფილმების ჟანრში. კომპანია GreeneStreet Films-მა შეკრიბა 10 რეჟისორი, რომ გადაეღოთ 1 ფილმი. მსახიობებად კი მოიწვიეს ისეთი მეგა ვარსკვლავები, როგორებიც არიან ემა სთოუნი, ქლოე მორეთზი, ქეით ვინსლეტი, ჯერარდ ბატლერი, ჰიუ ჯეკმანი, ჯოშ დუჰამელი, კრისტენ ბელი, ჰოლი ბერი, უმა თურმანი, ელიზაბედ ბენკსი, ანა ფერისი და ნაომი ვოთსი. სიმართლე გითხრათ ამდენი ცნობილი მსახიობი ერთ ფილმში ჯერ არ მინახავს. როგორც წესი როდესაც ფილმი ამ დონეზეა დატვირთული ვარსკვლავებით მის შინაარსობრივ მხარეს ყურადღება ნაკლებად ეთმობა, თუმცა ეს სურათი კრიტიკოსებმა მისი მსგავსი ფილმებისგან განსხვავებით საკმაოდ დადებითად შეაფასეს და ექსპერტები ვარაუდობენ, რომ ის წლის (2013 წლის) საუკეთესო კომედიის სტატუსს უპრობლემოდ მოიპოვებს. სინოფსი: ყურადღება!!! ფილმის ყურება არ არის რეკომენდირებული სუსტი გულის, კუჭისა და ნერვების მქონე ადამიანებისთვის. ფილმი მოგვითხრობს მაგიური ძაფებით გადაბმულ 10 ძალიან სასაცილო ისტორიას. სამწუხაროდ ჯერ-ჯერობით სულ ეს არის არ ამ ფილმის შესახებ არის ცნობილი. დღეს კი გავრცელდა მისი პირველი აკრძალული (Red-Band) ტრეილერი, რომლის ყურებაც უხამსი ლექსიკის გამო 16 წლამდე არ არის რეკომენდირებული (თუ ინგლისური არ იცით მაშინ შეგიძლიათ უყუროთ). კინო 43 დიდ ეკრანებზე 2013 წლის 25 იანვარს გამოვა.
