გაიქრეთ მუქი რგოლები თვალების ირგვლივ- ეფექტური რეცეპტები

თვალების ირგვლივ მუქი რგოლები ქრონიკულ დაღლილობაზე ან ჰიპოვიტამინოზზე მიუთითებს (სხვათა შორის, ხშირად ქრონიკული დაღლილობა c ვიტამინის ნაკლებობითაა განპირობებული).

მიზეზი შეიძლება იყოს ქრონიკული დაავადებით ან ჭიებით გამოწვეული ქრონიკული ინტოქსიკაციაც. ამის საწინააღმდეგოდ ხალხური მედიცინა შემდეგ რეცეპტს გვთავაზობს: 1 ჩ/კ შავი ჩაის ფოთლებს დაასხით 1/4 ჩ/ჭ მდუღარე წყალი, გააჩერეთ 30-40 წუთი და გაფილტრეთ.

ნაყენში დასველებული საფენი 10 წუთით დაიფინეთ თვალებზე ან 1-2 წუთით - თვალების ირგვლივ და ამ ხნის განმავლობაში 3-4-ჯერ გამოცვალეთ. პროცედურის შემდეგ თვალებზე ცოტა ხნით ცივი წყლის საფენი დაიდეთ, ბოლოს კი ქუთუთოებზე თვალის მკვებავი კრემი წაისვით.

3 ს/კ რეჰანს დაასხით 1 ჩ/ჭ მდუღარე წყალი, გააჩერეთ 2 საათი და გაფილტრეთ. ამ ნაყენით ჩამოიბანეთ თვალები.

1 ს/კ რეჰანს დაასხით 1 ჩ/ჭ მდუღარე წყალი, გააჩერეთ 20 წუთი, გაფილტრეთ. თბილ ნაყენში დასველებული ტამპონი თვალებზე 15-20 წუთით დაიფარეთ.
კარტოფილი კანიანად მოხარშეთ, შეაგრილეთ, დანით შუაზე გაჭერით და 40 წუთით დაიწყვეთ თვალებზე.

1 ჩ/კ დაქუცმაცებულ სალბს დაასხით 1/2 ჩ/ჭ მდუღარე წყალი, 10-15 წუთი გააჩერეთ და გაფილტრეთ, ნახევარი გააცივეთ, მეორე ნახევარი კი გააცხელეთ. ქუთუთოებზე მონაცვლეობით დაიფარეთ ცხელ და ცივ ნაყენში დასველებული ბამბის საფენები. პროცედურა ჩაიტარეთ ძილის წინ, მერე კი ქუთუთოებზე წაისვით თვალის კრემი.

ჟურნალი ”გზა”