მუხის ქერქი თმის ცვენას აფერხებს
2 441 ნახვა
თმის, ისევე, როგორც მთლიანად ორგანიზმის, მდგომარეობა დამოკიდებულია სწორ კვებასა და მოვლაზე.
თმა ბუნებრივი სამკაულია. ამიტომაც გახშირებული თმის ცვენა განსაკუთრებით მტკივნეულად აღიქმება. ამჯერად შემოგთავაზებთ რჩევებს, რომლებიც თმის მოვლაში დაგეხმარებათ.
თუ თმა გცვივათ
თმის ცვენის შესაჩერებლად ერთ-ერთი ყველაზე ეფექტური საშუალებაა მუხის ქერქისა და ხახვის ფურცლების ნახარში. აიღეთ ნედლეული თანაბარი რაოდენობით და 1 ჭიქა ნარევს 1 ლიტრი ადუღებული წყალი დაასხით. ერთი საათი დაბალ ცეცხლზე ხარშეთ და გააცივეთ. თავის დაბანის შემდეგ თმაზე ეს ნახარში გადაივლეთ და თავსაფრით შეიხვიეთ, ერთი საათის შემდეგ კი ფენით გაიშრეთ.
თმის ძირების გამაგრების ასევე საუკეთესო საშუალებად ითვლება აბუსალათინის (სასაქმებელი) ზეთი, რომელიც დაბანამდე თავის კანზე უნდა შეიზილოთ (იმავდროულად მასაჟიც კეთდება). პროცედურის ხანგრძლივობა 10 წუთია. შემდეგ თმა რბილი შამპუნით დაიბანეთ. ნაადრევი გამელოტების დროს სასარგებლოა კვებაში ქაცვის ნაყოფი ჩართოთ და თავი სვიის გირჩების ნაყენით ან ნახარშით დაიბანოთ.
რით ვკვებოთ თმა
თმის მდგომარეობა დამოკიდებულია როგორც ობიექტურ მიზეზებზე - მემკვიდრეობით ფაქტორებსა და გარეგან ზემოქმედებაზე, ასევე სუბიექტურზე - ადამიანის ჯანმრთელობის საერთო მდგომარეობაზე. ამიტომ ექიმი-კოსმეტოლოგების რჩევაა, გარდა იმისა, რომ თმას მოუაროთ, ჯანსაღი ცხოვრების წესით უნდა იცხოვროთ და სწორად იკვებოთ.
თქვენს რაციონში უნდა შედიოდეს ორგანიზმისათვის საჭირო ყველა აუცილებელი მკვებავი ნივთიერება. დიდი მნიშვნელობა აქვს ხორცის, თევზის, რძის პროდუქტებისა და პარკოსნების ცილებს. ასევე აუცილებელია ნაღების კარაქი და მცენარეული ზეთი. მარცვლეულის კერძები ხელს უწყობს კერატინის წარმოქმნას.
თმამ აუცილებელი ვიტამინებისა და მინერალური მარილების საკმარისი რაოდენობა რომ მიიღოს, ორგანიზმს ბოსტნეული და ხილი ესაჭიროება. არ დაივიწყოთ ასევე მინერალური წყალი, მწვანე ჩაი, წვენები. რეგულარული ფიზიკური დატვირთვა სისხლის მომარაგებას აუმჯობესებს, რაც, თავის მხრივ, ჟანგბადისა და მკვებავი ნივთიერებების თმის ძირებში გადასვლას უზრუნველყოფს.
ჟურნალი "რეიტინგი"
თმა ბუნებრივი სამკაულია. ამიტომაც გახშირებული თმის ცვენა განსაკუთრებით მტკივნეულად აღიქმება. ამჯერად შემოგთავაზებთ რჩევებს, რომლებიც თმის მოვლაში დაგეხმარებათ.
თუ თმა გცვივათ
თმის ცვენის შესაჩერებლად ერთ-ერთი ყველაზე ეფექტური საშუალებაა მუხის ქერქისა და ხახვის ფურცლების ნახარში. აიღეთ ნედლეული თანაბარი რაოდენობით და 1 ჭიქა ნარევს 1 ლიტრი ადუღებული წყალი დაასხით. ერთი საათი დაბალ ცეცხლზე ხარშეთ და გააცივეთ. თავის დაბანის შემდეგ თმაზე ეს ნახარში გადაივლეთ და თავსაფრით შეიხვიეთ, ერთი საათის შემდეგ კი ფენით გაიშრეთ.
თმის ძირების გამაგრების ასევე საუკეთესო საშუალებად ითვლება აბუსალათინის (სასაქმებელი) ზეთი, რომელიც დაბანამდე თავის კანზე უნდა შეიზილოთ (იმავდროულად მასაჟიც კეთდება). პროცედურის ხანგრძლივობა 10 წუთია. შემდეგ თმა რბილი შამპუნით დაიბანეთ. ნაადრევი გამელოტების დროს სასარგებლოა კვებაში ქაცვის ნაყოფი ჩართოთ და თავი სვიის გირჩების ნაყენით ან ნახარშით დაიბანოთ.
რით ვკვებოთ თმა
თმის მდგომარეობა დამოკიდებულია როგორც ობიექტურ მიზეზებზე - მემკვიდრეობით ფაქტორებსა და გარეგან ზემოქმედებაზე, ასევე სუბიექტურზე - ადამიანის ჯანმრთელობის საერთო მდგომარეობაზე. ამიტომ ექიმი-კოსმეტოლოგების რჩევაა, გარდა იმისა, რომ თმას მოუაროთ, ჯანსაღი ცხოვრების წესით უნდა იცხოვროთ და სწორად იკვებოთ.
თქვენს რაციონში უნდა შედიოდეს ორგანიზმისათვის საჭირო ყველა აუცილებელი მკვებავი ნივთიერება. დიდი მნიშვნელობა აქვს ხორცის, თევზის, რძის პროდუქტებისა და პარკოსნების ცილებს. ასევე აუცილებელია ნაღების კარაქი და მცენარეული ზეთი. მარცვლეულის კერძები ხელს უწყობს კერატინის წარმოქმნას.
თმამ აუცილებელი ვიტამინებისა და მინერალური მარილების საკმარისი რაოდენობა რომ მიიღოს, ორგანიზმს ბოსტნეული და ხილი ესაჭიროება. არ დაივიწყოთ ასევე მინერალური წყალი, მწვანე ჩაი, წვენები. რეგულარული ფიზიკური დატვირთვა სისხლის მომარაგებას აუმჯობესებს, რაც, თავის მხრივ, ჟანგბადისა და მკვებავი ნივთიერებების თმის ძირებში გადასვლას უზრუნველყოფს.
ჟურნალი "რეიტინგი"
