დედამიწას ნოემბერში უცხოპლანეტელთა სამი ხომალდი ესტუმრება

უცხოპლანეტელების თემა ყველა ეპოქაში საკმაოდ აქტუალური იყო, განსაკუთრებით დღეს, 2012 წელს, როდესაც მოლოდინის თანახმად დედამიწას უცხოპლანეტელები უნდა ესტუმრონ. Weekly World News-ის ცნობით, მეცნიერები აცხადებენ, რომ 2012 წლის ნოემბერში დედამიწაზე უცხოპლანეტელთა სამი ხომალდი ჩამოვა.

სპეციალური განცხადება ვებ გვერდის ცნობით, არასამთავრობო ორგანიზაციამ "ექსტრატერიტორიული ინტელიგენციის კვლევის ცენტრმა" გაავრცელა. მათი ცნობით, დედამიწისკენ ამჯერად სწორედ სამი ხომალდი მოემგზავრება.

"დედამიწისკენ სამი გიგანტური ხომალდი მოემართება. მათგან ყველაზე დიდი დაახლოებით 322 კილომეტრის სიგანისაა, დანარჩენი ორი კი შედარებით პატარა. ამ მომენტისთვის ისინი იუპიტერის სიახლოვეს მოძრაობენ, დედამიწას კი 2012 წლის შემოდგომაზე მოუახლოვდებიან." - აღნიშნა ცენტრის ხელმძღვანელმა ჯონ მელიმ.

ზომით შედარებით პატარა სამი ხომალდი ჩინეთის ტერიტორიაზე 2011 წლის ნოემბერში დაჯდა, Weekly World News-ის ცნობით, როგორც გაირკვა ისინი პლანეტა გოტანიდან იყვნენ, სწორედ ამ პლანეტიდან მოდიან ის ხომალდებიც, რომლებსაც ჩვენს პლანეტაზე ნოემბერში ელოდებიან.