ტელეფონი–ხელთათმანი

ამერიკელმა დიზაინერმა ბრაიან ქერიმ უცნაური დიზაინის ტელეფონი შეიმუშავა. ეს ტელეფონი–ხელთათმანია, რომელიც ხელისგულსა და თითებზე მაგრდება. ყოველი თითის ბალიშზე დამონტაჟებულია ციფრული კლავიატურა. ყურმილის მაგივრობას ცერა და ნეკა თითები ასრულებენ. მათზე დინამიკი და მიკროფონია განთავსებული.

იმისათვის, რომ შემოსულ ზარს უპასუხოთ, საჭიროა ყურთან ხელის მიტანა. ტელეფონის ყველაზე დიდი უპირატესობა ის გახლავთ, რომ მისი მფლობელები ამ უცნაური ნივთის დაკარგვისგან დაზღვეულები არიან.