მილა კუნისი აძალებს ეშტონ კატჩერს დემი მურთან განქორწინებას

ერთი წელი გავიდა დემი მურისა და ეშტონ კატჩერის დაშორების შემდეგ, თუმცა ისინი განქორწინების საბუთების გაფორმებას არ ჩქარობენ, რითაც უკმაყოფილოა ეშტონის მეგობარი გოგონა - მილა კუნისი.


როგორც ამბობენ ეშტონი აჭიანურებს განქორწინებას, მოსალოდნელი ფინანსური დანახარჯების გამო. ასევე მსახიობი ცდილობს აიცილოს თავიდან ის ტანჯვა-წამება, რომელიც შეიძლება მოიტანოს დემი მურმა განქორწინების პროცესში, მითუმეტეს ეხლა, როდესაც მურის ცხოვრებაში ყველაფერი რიგზე ვერაა. მაგრამ მილა კუნისი რაც შეიძლება სწრაფად მოითხოვს ქორწინების გაუქმებას. მას არ სურს ცოლიან მამაკაცთან ურთიერთობა, ამასთანავე მიიჩნევს რომ ეს დემი მურისთვისაც უმჯობესი იქნება, ცხოვრების ხელახლა დასაწყებად.