სკარლეტ იოჰანსონმა ტატუ უხერხულ ადგილას გაიკეთა
4 072 ნახვა
ერთ-ერთმა ყველაზე სექსუალურმა ამერიკელმა მსახიობმა, სკარლეტ იოჰანსონმა თავის კოლექციას ახალი ტატუ შეჰმატა. თანაც, ის უცნაურ ადგილას გაიკეთა.
წარწერა ”Lucky You!” (”შენ იღბლიანი ხარ!”) და ნალი 27 წლის ვარსკვლავმა მარჯვენა ნეკნზე ამოიტვიფრა. ნახატის ავტორი ტატუს ფრანგი ოსტატი და მხატვარი ფუზი უვტპკა (Fuzi Uvtpk) გახლავთ.
ეს იოჰანსონისთვის პირველი სვირინგი არ არის. მას ასევე აქვს მარცხენა ბეჭზე მზის ამოსვლა ამოტვიფრული; ასევე - ტატუ სამაჯურის ვარიანტში მარჯვენა მაჯაზე და მარჯვენა ხელისგულზე ორი ბეჭედი, რომლებზეც ინიციალი A არის გამოსახული.
სკარლეტის ახალი ”სამკაული” ძალიან მოკრძალებულად გამოიყურება, მაგრამ, როგორც ჩანს, თავად მსახიობს ის ძალიან მოსწონს.
