”მის გარეშე სუნთქვა მიჭირს...”

”გამარჯობა. თქვენი დახმარება ახლა ისე მჭირდება, როგორც ჰაერი. საქმე ის არის, რომ ამ ზაფხულს გავიცანი ბიჭი, რომელმაც რამდენიმე თვეში სიყვარული ამიხსნა. იმ პერიოდში სხვა ადამიანზე, თანაც - უიმედოდ ვიყავი შეყვარებული და თავს უფლება მივეცი, ”შემყვარებოდა”.

ეს ყველანაირად ვცადე და ბოლოს მიზანს მივაღწიე. თანაც, ისე შემიყვარდა, რომ ახლა მის გარეშე წუთსაც ვერ ვძლებ...

ახლახან ის ჩემი უაზრო საქციელის გამო დავკარგე, რასაც ძალიან ვნანობ. მას ჩემთან შერიგება არ უნდა. ჰგონია, რომ მსგავს სისულელეს კიდევ გავაკეთებ. გთხოვთ, მირჩიეთ, როგორ დავიბრუნო საყვარელი ადამიანი?

მერწმუნეთ, მის გარეშე სიცოცხლე არ მინდა, სუნთქვა მიჭირს... მინდა იცოდეს, რომ ამ ადამიანის გარეშე ჩემს სიცოცხლეს აზრი არა აქვს. მის გარეშე ძალიან ცუდად ვარ. ბოლოს და ბოლოს, მე ხომ მისი სამყარო ვიყავი, ის კი ჩემი”.

ჟურნალი ”გზა”