შემოდგომა: შორს მოწყენილობა!

წლის ყოველი დრო სეზონური დაავადებებით გვასაჩუქრებს. როგორ ავიცილოთ ისინი თავიდან?
შემოდგომა წლის ის დროა, რომელიც ბევრს სევდას ჰგვრის. ეს ცუდია. ნაღვლიანი ფიქრები იმუნიტეტზე ისევე დამღუპველად მოქმედებს, როგორც ინფექციები. გაგაცნობთ უგუნებობის დაძლევის რამდენიმე საშუალებას.
1. შემოდგომის დეპრესიის მთავარი მიზეზი მზის სხივების ნაკლებობაა. კაშკაშა სინათლე ჰორმონ მელატონინის გამომუშავებას ააქტიურებს, რომელიც "ბედნიერების ჰორმონების" ჯგუფთან – ენდორფინებთან მჭიდროდ არის დაკავშირებული. მელატონინი უფრო შრომისუნარიანს, ენერგიულს, მხნეს გვხდის, ხოლო ენდორფინები განწყობას ამაღლებენ. შემოდგომაზე, როდესაც დღე მოკლეა, მელატონინისა და ენდორფინების გამომუშავება მკვეთრად მცირდება. ასე რომ, ცუდი განწყობა ნორმალურია. მზის სხივების ნაკლებობის კომპენსაცია ხელოვნური განათებით შეიძლება. დღისით ფანჯრებზე შტორები გადასწიეთ. ხოლო საღამოს კაშკაშა ნათურები სიხარულის ჰორმონის დონის ნორმალიზაციას დაეხმარება. ეცადეთ, ქუჩაში მეტი დრო გაატაროთ, შესვენების დროს და დასვენების დღეებში მზიან ამინდში ისეირნეთ.
2. გამოიძინეთ. შემოდგომაზე ორგანიზმს ძილისთვის მეტი დრო ესაჭიროება, რაც სრულიად ბუნებრივია. ეცადეთ, 1–1,5 საათით ჩვეულებრივზე ადრე დაწვეთ და დღე–ღამეში არანაკლებ 8–10 საათისა იძინოთ. სხვათა შორის, ზოგიერთი ჰორმონი, რომელიც ჩვენს ფსიქიკურ მდგომარეობაზე ზემოქმედებას ახდენს, მხოლოდ ღამის ძილის დროს გამომუშავდება. ამიტომ დღის ძილი ღამით გამოუძინებლობის კომპენსაცია არ არის. მიჩნეულია, რომ 24.00 საათამდე ერთი საათის ძილი შუაღამის შემდგომი ორის ტოლია. გამოუძინებელი ადამიანები ხშირად იტანჯებიან დეპრესიით.
3. ირგვლივ ხასხასა ყვითელი, წითელი და ნარინჯისფერი ნივთები შემოიწყვეთ. ისინი მზის სხივებს მოგაგონებთ და გარემოს დაათბობს. შტორები, გადასაფარებლები და ბალიშის პირები მხიარული ფერების შეარჩიეთ.
მიეძალეთ ციტრუსოვნებს. ისინი ს ვიტამინის დეფიციტს აღმოფხვრიან, თვითშეგრძნებასა და განწყობას გააუმჯობესებენ.