Dior-ის ზღაპრული საშობაო ვიტრინა +ვიდეო
1 768 ნახვა
Dior-ის სახლის სარეკლამო სახემ და მუზამ, ფრანგმა მსახიობმა მარიონ კოტიარმა მონაწილეობა მიიღო ცნობილი უნივერმაღის, Printemps-ის საშობაო ვიტრინის გახსნაში.
იხილეთ ფოტოგალერეა
უნივერმაღი პარიზის ცენტრში მდებარეობს და ყოველწლიურად თავისი საშობაო ვიტრინის გახსნას საზეიმო პრეზენტაციის სახით, ნამდვილ თეატრალურ შოუდ წარმოადგენს. თუმცა, სტატუსით თუ ვიმსჯელებთ, უნივერმაღის ადმინისტრაცია უბრალოდ, ვალდებულია, ასეც მოიქცეს: printemps-ს ისევე შეგვიძლია ვუწოდოთ უნივერმაღი, როგორც ეიფელის კოშკს უბრალოდ, რკინის კონსტრუქცია.
პარიზელების უამრავი თაობისთვის ეს სავაჭრო სახლი - კულტურის ეტალონია, რომლის არქიტექტურაც ნაციონალური ისტორიის კუთვნილებაა და ეს ლამაზი ძეგლი სწორედ შოპინგის სამყაროს მიეძღვნა.
მარიონ კოტიარის გამოჩენა წლევანდელ პრეზენტაციაზე შემთხვევითი არ ყოფილა: წელს უნივერმაღის ვიტრინა Dior-მა გააფორმა. ცერემონიალზე მსახიობი დახვეწილი ლედი დიორის სტილში გამოცხადდა – შავ კაბა-პალტოში გამოყვანილი წელით და დაბალქუსლიან კლასიკურ ფეხსაცმელში.
"ძალიან სასიამოვნოა, რომ ადამიანები განსაკუთრებული ხასიათისა და საჩუქრების ძიებაში სადღესასწაულოდ აუცილებლად იპოვიან აქ სასურველ ნივთს".
30-ზე მეტი ფანჯრისგან შემდგარი ვიტრინის შექმნაში Dior-თან ერთად მონაწილეობა მიიღო ყველაზე ცნობილმა მეთოჯინემ ჟან-კლოდ დეიკსმა.
